काठमाडौँ। सुदूरपश्चिमको प्रमुख पर्यटकीय क्षेत्र मध्यको एक अछामको रामारोशन पर्यटकीय क्षेत्रमा बाक्लो हिउँ परेको छ । बुधबात रातिदेखि रामारोशनको रामे,किनिमिनि, सालिमकोट, चिर्किट्टे, चाका डाँडा लगायत रामारोशन क्षेत्रका उच्च भू-भागमा हल्का वर्षासहित हिमपात हुँदा यहाँका डाँडाहरू हिउँले सेताम्य देखिन्छन् ।

हिमपात भएसँगै यहाँका पर्यटन व्यवसायी पनि उत्साहित बनेका छन् । रामारोशन घुम्न आउन चाहानेहरुका लागी सहजै यातायातको सुविधा रहेको छ भने होटलहरु संचालनमा रहेको छन् । सेताम्य हिमालको दृश्य नियाल्दै तालमा बोटिङ्ग गर्नेको भिड पनि उत्तिकै छ ।

पाताल गाउँबाट करिब दुई घण्टाको पैदल यात्रामा पुगिने रामारोशन पर्यटकीय क्षेत्रमा यातायातमार्फत सहजै पुग्नसकिन्छ । लामोसमय पछिको हिमपात र वर्षाले त्यहाँका गाऊँहरु हरियाली देखिएका छन्र भने चाका, चिर्किट्टे, सालिमकोट लगाएतका डाँडा हिउँको घुम्टोले मनमोहक देखिएका छन् ।