काठमाडौँ । नागरिक उन्मुक्ति पार्टी सरकारबाट बाहिरिएपछि विश्वासको मत लिएका सुदूरपश्चिम प्रदेशका मुख्यमन्त्री कमल बहादुर शाहलाई सोही पार्टीकै सांसदले विश्वासको मत दिएका छन् ।
बिहीबार बसेको प्रदेश सभाको छैठौं अधिवेशनको २० औँ बैठकमा विश्वसको मत लिएका शाहलाई नाउपाकै सांसद्ले विश्वासको मत दिएका हुन् ।
आजको प्रदेश सभा बैठकमा जम्मा उपस्थिति सांसद सङ्ख्या ४५ थियो । जसमा नेकपा माओवादीका १०, नेकपा एकीकृत समाजवादी पाटी तीन, राप्रपा १ र स्वतन्त्र १ जना गरेर १५ सांसदले शाहको विपक्षमा मत दिए ।
मुख्यमन्त्री शाहलाई नागरिक उन्मुक्तिकै सांसद कैलाश चाधैरीले विश्वासको मत दिएका थिए । मुख्यमन्त्रीलाई विश्वासको मत दिएका शौधरी रञ्जिता श्रेष्ठ निकट सांसद हुन् । नागरिक उन्मुक्तिका अरु ६ जना सांसद भने बैठकमा अनुपस्थित थिए ।
कास्कीकाे लिचिघारी जग्गा हिनामिनाका लागि भएकाे घुस डिलमा श्रेष्ठ मुछिएपछि नागरिक उन्मुक्ति पार्टीमा विवाद बढ्दो छ । विवादकाबिच आज मात्रै पार्टीका संरक्षक रेशम चौधरीले श्रीमती श्रेष्ठलाई हटाएर बुबा लालवीर चौधरीलाई अध्यक्ष बनाएका छन् ।
नाउपाले संरक्षक चौधरीसहितको सक्रियतामा राष्ट्रिय भेला बोलाएर नयाँ अध्यक्ष चयन गरेको हो। यता श्रेष्ठले भने आफू नै पार्टी अध्यक्ष भएको जिकिर गर्दै आएकी छन् ।
इमान्दार संवाददाता 
प्रतिक्रिया