जनकपुरधाम । धनुषाको जनकपुरधाम–२० स्थित झण्डा चोकमा शनिबार गणेश पूजाको मूर्ति विसर्जनलाई लिएर हिन्दू र मुस्लिम समुदायबीच झडप भएको छ ।
मूर्ति विसर्जनका क्रममा मुस्लिम बस्ती हुँदै लैजाने विषयमा विवाद उत्पन्न भएपछि दुवै पक्षबीच ढुङ्गामुढा सहितको झडप भएको हो । स्थिति नियन्त्रणमा लिन प्रहरीले चार सेल अश्रुग्यास प्रहार गरेको धनुषाका प्रहरी प्रवक्ता डीएसपी बरुण बहादुर सिंहले जानकारी दिए ।
उनका अनुसार अहिले पनि त्यहाँको वातावरण तनावपूर्ण छ । कुनै अप्रिय घटना रोक्न नेपाल प्रहरी र सशस्त्र प्रहरी बाक्लो मात्रामा परिचालन गरिएको छ । झडपमा घाइतेबारे विवरण भने अहिलेसम्म प्राप्त नभएको प्रहरीले जनाएको छ ।
इमान्दार संवाददाता 
प्रतिक्रिया