काठमाडाैँ । दाङमा भालुको आक्रमणबाट एक महिला गम्भीर घाइते भएकी छिन् । जिल्लाको लमही नगरपालिका ६ स्थित कर्री सामुदायिक वन क्षेत्रमा जङ्गली च्याउ टिप्ने क्रममा भालुको आक्रमणबाट देउपुर निवासी ४६ वर्षीय सहरी घर्ती गम्भीर घाइते भएको नेपाल सशस्त्र प्रहरी ४१ नं। रिजर्भ गण अर्जुन खोलाका प्रहरी नायव निरीक्षक प्रकाश ढकालले जानकारी दिएका छन् ।

घर्ती सहित पाँच जनाको समूहमा च्याउ टिप्न जङ्गल गएकी थिइन् । उनका दुईजना साथीलाई भालुको नङ्ग्रा लागेको भए पनि भाग्न सफल भएको बताएका छन् ।