काठमाडौं । नेपाल प्रहरीले डीआईजी अविनारायण काफ्लेलाई केन्द्रीय प्रवक्ताको जिम्मेवारी दिएको छ। प्रहरी प्रधान कार्यालयस्थित प्रहरी महानिरीक्षकको सचिवालयमा कार्यरत डीआईजी काफ्लेलाई मंगलबारदेखि केन्द्रीय प्रवक्ताको जिम्मेवारी तोकिएको नेपाल प्रहरीले जनाएको छ।

यसअघिका केन्द्रीय प्रवक्ता डीआईजी विनोद घिमिरेको सरुवा भएपछि काफ्लेलाई उक्त जिम्मेवारी दिइएको हो। हालै मात्र सरकारले पाँच जना प्रहरी नायव महानिरीक्षक (डीआईजी) बढुवा गरेको थियो। बढुवापछि काफ्ले प्रहरी महानिरीक्षकको सचिवालयमा पदस्थापन भएका थिए।