धनगढी । बझाङमा ट्याक्टर दुर्घटना हुँदा दुई जनाको मृत्यु भएको छ।

थालारा गाउँपालिका–२ काँडास्थित भित्री सडकखण्डमा सुदूरपश्चिम प्रदेश–०१–००२ त ५७२४ नम्बरको ट्याक्टर दुर्घटना भएको हो।
प्रदेश ट्राफिक प्रहरी कार्यालय अत्तरियाका प्रवक्ता प्रहरी नायब उपरीक्षक (डीएसपी) टेकबहादुर जोराका अनुसार
थालारा–२ का ६० वर्षीय पमले खाती र ६२ वर्षीय जसे खातीको घटनास्थलमै मृत्यु भएको हो।

ट्याक्टर चालक कैलालीको गोदावरी नगरपालिका–४ का ४५ वर्षीय खुशीराम चौधरी गम्भीर घाइते भएका छन्।
उनको छाती र बाँया खुट्टामा गम्भीर चोट लागेको प्रहरीले जनाएको छ। चौधरीको जिल्ला अस्पतालमा उपचार भइरहेको छ।

प्रहरीका अनुसार ट्याक्टर सडकबाट करिब ५०० मिटर तल खसेको छ। दुर्घटनाको कारणबारे अनुसन्धान भइरहेको छ।