काठमाडौं । नेकपा (एमाले) आज काठमाडौंको भृकुटीमण्डपमा विशाल शक्ति प्रदर्शनसहित जनसभा आयोजना गर्दै छ। ‘संविधान र लोकतन्त्रको रक्षा हाम्रो साझा जिम्मेवारी’ भन्ने नारासहित बागमती प्रदेश कमिटीको आयोजनामा भृकुटीमण्डपमा भव्य भेला हुन लागेको हो।
जनसभा सुरु हुनुअघि विभिन्न स्थानबाट जुलुससहित नेता तथा कार्यकर्ताहरू भृकुटीमण्डपको दिशामा उन्मुख भएका छन्। सभालाई पार्टीका शीर्ष नेताहरूले राजनीतिक सम्बोधन गर्ने कार्यक्रम तय गरिएको छ। सभा लक्षित सुरक्षालाई ध्यानमा राख्दै काठमाडौंका मुख्य चोक र प्रवेशबिन्दुहरूमा सुरक्षाकर्मीको बाक्लो उपस्थिति देखिएको छ।
यसअघि एमालेले शुक्रबार मात्रै ‘भोलेन्टियर फोर्स’ गठन गरेको थियो, जसको संयोजकमा पुष्पराज श्रेष्ठलाई जिम्मेवारी दिएको छ। पार्टीका अनुसार संगठनले जनसङ्गठन र भीड व्यवस्थापनमा सक्रिय भूमिका निभाउने छ।
एमाले बागमती प्रदेश कमिटीले प्रदर्शन र व्यवस्थापनका सम्पूर्ण तयारी पूरा भएको बताएको छ। जुलुस भृकुटीमण्डप प्रवेश गरेपछि केहीबेरमै औपचारिक कार्यक्रम सुरु हुनेछ।
इमान्दार संवाददाता 
प्रतिक्रिया