काभ्रेपलाञ्चोक । सिन्धुली जिल्लाको गोलन्जोर गाउँपालिका–३ ग्वालटारमा जुवातास खेल्दै गरेका २४ जना व्यक्तिलाई प्रहरीले पक्राउ गरेको छ। जिल्ला प्रहरी कार्यालय सिन्धुली अन्तर्गत इलाका प्रहरी कार्यालय खुर्कोटबाट खटिएको प्रहरी टोलीले स्थानीय ४० वर्षीय कल्याण कार्कीको घरको तेस्रो तल्लामा चलिरहेको जुवातास खेलमा छापा मारी उनीहरूलाई नियन्त्रणमा लिएको हो।
जिल्ला प्रहरी प्रमुख लालध्वज सुवेदीका अनुसार घटनास्थलबाट रु. ३ लाख ८९ हजार १६१ नगद बरामद गरिएको छ। पक्राउ परेकामध्ये अधिकांश गोलन्जोर गाउँपालिकाकै स्थानीय हुन्।
पक्राउ पर्नेहरूमा गोलन्जोर गाउँपालिका–२ का ढालबहादुर कार्की, शिवकुमार कार्की, वडा नम्बर ३ का भरत थापा, राजु थापा, प्रज्वल कार्की, रविन श्रेष्ठ, मनोज पोखरेल, ओमकुमार कार्की, भरतबहादुर बयलकोटी, इन्द्रबहादुर पुर्वाछाने मगर, आलोक बराल (एलिस), अभिषेक थापा, मिनबहादुर थापा, वडा नम्बर ४ का तपन पौडेल, वडा नम्बर ६ का बिराज श्रेष्ठ, राजकुमार श्रेष्ठ, वडा नम्बर ७ का दलबहादुर देवकोटा र वडा नम्बर ३ का रमेश बयलकोटी रहेका छन्।
यस्तै, कमलामाई नगरपालिका–१२ का देवबहादुर खपाङ्गी, रामेछाप मन्थली नगरपालिका–६ का चन्द्रबहादुर माझी, रामेछाप नगरपालिका–१ का नविन राई, ओखलढुंगा सुनकोशी गाउँपालिका–७ का सुशील सुनुवार, घरधनी कल्याण कार्की र उनका नातेदार इन्द्रबहादुर कार्की (कृष्ण) समेत पक्राउ परेका छन्।
प्रहरीका अनुसार, पक्राउ परेकाहरूमाथि आवश्यक अनुसन्धान र कानुनी प्रक्रिया अघि बढाइएको छ। इलाका प्रहरी कार्यालय खुर्कोटले घटनाबारे थप विवरण संकलन गर्दैछ। सिन्धुली प्रहरीले अवैध जुवातास नियन्त्रणमा कडाइ गर्दै आएको जनाएको छ। अवैध जुवा खेल्ने गतिविधि बढ्दै गएपछि प्रहरीले निगरानी र छापामारी अभियानलाई तीव्र पारेको जनाएको छ।
इमान्दार संवाददाता 
प्रतिक्रिया