काठमाडौं । नेपाली कांग्रेसका २३ जना नेताहरू सभापति शेरबहादुर देउवा बचाउमा उत्रिएका छन् ।
दुई दिनअघि नेता गुरू घिमिरेसहितले विशेष महाधिवेशन माग गरेको पृष्ठभूमिमा बुधबार संयुक्त वक्तव्य निकाल्दै २३ जना नेताले देउवाको बचाउ गरेका हुन् ।
पार्टीका केन्द्रीय सदस्य, मुख्यमन्त्री, राष्ट्रिय सभा सदस्य, प्रदेश कार्यसमितिका कार्यवाहक सभापति, प्रदेश सरकारका मन्त्री, जिल्ला सभापति, प्रदेशसभा सदस्य र पदाधिकारीहरूको बैठकपछि देशको राजनीतिक निकास र पार्टीभित्रको आन्तरिक एकताबारे धारणा सार्वजनिक गरिएको हो ।
उनीहरूले जेन-जीका नाममा गत भदौ २४ गते सभापति तथा पूर्वप्रधानमन्त्री देउवा र केन्द्रीय सदस्य डा. आरजु राणा देउवामाथि भएको भौतिक आक्रमणको कडा निन्दा गरेका छन् ।
इमान्दार संवाददाता 
प्रतिक्रिया