काठमाडौँ । नेपाली बजारमा सोमबार सुनको मूल्य तोलामा ३ सय रुपैयाँले बढेको छ। नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ५३ हजार ५ सय रुपैयाँ निर्धारण गरिएको छ। अघिल्लो दिन यसको मूल्य २ लाख ५३ हजार २ सय रुपैयाँ मात्र थियो।

यससँगै चाँदीको मूल्य पनि तोलामा ५ रुपैयाँले बढेको छ। अघिल्लो दिन प्रतितोला ३ हजार २७५ रुपैयाँ रहेको चाँदी सोमबार ३ हजार २८० रुपैयाँ पुगेको छ। बजार विश्लेषकहरूका अनुसार अन्तर्राष्ट्रिय बजारमा सुनको दरमा आएको सानो वृद्धि र अमेरिकी डलरको उतारचढावका कारण नेपाली बजारमा पनि मूल्य वृद्धिको प्रभाव देखिएको हो।