आज : गते

ताजा शिर्षकहरु

चर्चित शिर्षकहरु

तेस्रो विश्वयुद्धको संकेत, मस्कोको रक्षा मन्त्रालयबाट बाहिरियो यस्तो खबर

प्रकाशित
617
SHARES

एजेन्सी। रुसले ’विश्वको मै हुँ’ भन्ने ’सुपरपावर’लाई ठेगान लगाउने सामर्थ्य आफूसँग भएको चेतावनी दिएको छ।रुसको सेनाले पहिलोपटक हाइपरसोनिक ब्यालिस्टिक क्षेप्यास्त्र प्रहार गरी पश्चिमी युक्रेनमा रहेको एउटा ठूलो भूमिगत हतियार भण्डारलाई ध्वस्त पारेपछि रुस तेस्रो विश्वयुद्धको मुडमा रहेको टिप्पणी हुन थालेको छ।

रुसले पहिलोपटक हाइपरसोनिक ब्यालिस्टिक क्षेप्यास्त्र प्रहार गरेको मस्कोको रक्षा मन्त्रालयले जनाएको हो। यदि पुष्टि भयो भने किन्जल नामको यो क्षेप्यास्त्र युद्धमा रुसको पहिलो प्रयोग हुनेछ।

यसलाई सम्भवतः मिग–३१ युद्धक विमानबाट प्रहार गरिएको थियो। राष्ट्रपति भ्लादिमिर पुटिनले हाइपरसोनिक क्षेप्यास्त्रमा रूसको लगानीलाई बारम्बार जोड दिने गरेका छन्। यसले आवाजभन्दा पाँच गुणा बढी गतिमा यात्रा गर्न सक्छ।

रूसी अधिकारीहरूका अनुसार किन्जलले २ हजार किलोमिटर टाढाको लक्ष्यमा प्रहार गर्न सक्छ र ६ हजार किमी घन्टाभन्दा छिटो उड्न सक्छ।राष्ट्रपति पुटिनले गत डिसेम्बरमा रुसले हाइपरसोनिक क्षेप्यास्त्र निर्माणमा विश्वमा सबैभन्दा अघि रहेको दाबी गरेका थिए।

यस क्षेप्यास्त्रलाई ट्र्याक गर्न गाह्रो हुने र उडानको बीचमा दिशा परिवर्तन गर्न सक्ने बताइएको छ। रुसले रोमानियासँगको सिमानाबाट १०० किलोमिटर मात्र दक्षिण–पश्चिम युक्रेनको गाउँ डेलियाटिनमा रहेको हतियार डिपोमा क्षेप्यास्त्र प्रहार भएको दाबी गर्दै भिडियो पोस्ट पनि गरेको छ।

अमेरिकाप्रति लक्षित गर्दै रुसले पश्चिमा जगतले रुसलाई तहसनहस बनाउन डरलाग्दो किसिमले घृणा फैलाउने काम गरिरहेको तर यसले केही फरक नपर्ने बताएको छ।

सन् २००८ देखि २०१२ सम्म रुसको राष्ट्रपति रहेका तथा हाल रुसको सुरक्षा परिषद्को उपसचिव दिमित्री मेदभेदेभले भनेका छन्, अमेरिकाले रुसलाई घुँडा टिकाउने प्रयास स्वरूप रुस विरोधी भावना फैलाउने घृणित काम गरिरहेको छ। यसले केही गर्न सक्तैन।

रुससँग सम्पूर्ण शत्रुलाई आ–आफनो ठाउँमा राख्ने शक्ति छ। २४ फ्रेब्रुअरीमा रुसले युक्रेनमा आक्रमण गरेयता अमेरिका, युरोपेली संघ र अमेरिकाको एसियाली गठबन्धनले रुसी नेता, कम्पनी र व्यापारीहरूमाथि प्रतिबन्ध लगाउँदै रुसलाई अन्तर्राष्ट्रिय अर्थतन्त्रबाट अलग्याएका छन्।

रुसका राष्ट्रपति भ्लादिमिर पुटिनले भनेका छन्, अमेरिकाले युक्रेनलाई प्रयोग गरेर रुसलाई तर्साउन खोजेकाले र युक्रेनमा रहेका रुसी भाषा बोल्ने वासिन्दाको आम नरसंहार हुन नदिन युक्रेनमा विशेष सैनिक अभियानका आवश्यक परेको हो।

तर युक्रेनले आफू आफ्नो अस्तित्वका लागि लडिरहेको र पुटिनको आम नरसंहार दाबी वाहियात भएको बताएको छ। त्यसैगरी पश्चिमा जगतले रुसलाई तहसनहस पार्न खोजिएको भन्ने दाबी पनि काल्पनिक भएको जनाएको छ।

रुसले अमेरिकाको नेतृत्वमा पश्चिम जगतले आफूमाथि लगाइएका भ्रष्ट र बेइमान प्रतिबन्धका बाबजुद राम्रो गर्ने सक्ने बताएको छ। साथै रुसले सन् १९९१ मा सोभियत संघको विघटनपछि आफूले पश्चिमा जगतसँग गरेको सम्बन्ध विस्तार अब समाप्त भएको र अब आफूले अन्य शक्तिहरूजस्तै चीनसँग सम्बन्ध विकास गर्ने जनाएको छ।

यस्तै युक्रेनमा जारी रुसी हमलाका कारण अहिलेसम्म ८४७ सर्वसाधारण मारिएका छन्। राष्ट्रसंघीय मानवअधिकार उच्चायोग ओएचसीएचआर ले जारी युद्धमा १८ मार्चसम्म उनीहरु मारिएको जनाएको छ।

अधिकांश हताहतहरू बिस्फोटक हतियारहरू जस्तै तोपखाना र रकेट प्रणालीहरू, मिसाइल र हवाई हमलाहरूबाट भएको जनाइएको छ। देशमा ठूलो अनुगमन टोली भएको ओएचसीएचआरले युद्ध प्रभावित केही सहरहरूबाट हताहतको रिपोर्टहरू प्रमाणित गर्न बाँकी रहेको वास्तविक मृतकको संख्या यो भन्दा धेरै हुने जनाएको छ।

रुसी सेनाले २४ फेब्रुवरीदेखि युक्रेनमा हमला गरिरहेको छ। युद्धका कारण २५ लाख भन्दाबढी मानिस युक्रेन छाडेर छिमेकी देशहरुमा शरण लिइरहेका छन्।

प्रतिक्रिया

आजको ट्रेन्डिङ