आज : गते

ताजा शिर्षकहरु

चर्चित शिर्षकहरु

एमसीसी संसदमा पेश गर्नु देशप्रतिको गद्दारी हो : भीम रावल

प्रकाशित
603
SHARES

काठमाडौं। नेकपा एमालेका नेता भीम रावलले अमेरिकी सहयोग परियोजना परियोजना संसदमा पेश गर्नु राष्ट्रप्रतिको अपमान र जनताप्रतिको धोका भएको बताएका छन्।

आइतबार प्रतिनिधिसभाको बैठकमा अमेरिकी सहयोग परियोजना एमसीसीमाथिको छलफलमा भाग लिँदै उनले राष्ट्रिय स्वाधीनतासँग जोडिएको विषय होहल्लाका बीच संसदमा पेश गर्नु देशप्रतिको गद्दारी भएको बताए ।

‘यत्रो राष्ट्रिय स्वाधीनतासँग सम्बन्धित विषय यस्तो होहल्लाका बीच पेश गर्नु देशप्रतिको गद्दारी हो, जनताप्रतिको धोका हो र नेपाल राष्ट्रको अपमान हो । यस्तो अपमान गर्ने सरकार इतिहासमा देशघाती बनेर दर्ज हुनेछ’ उनले भने ।

नेता रावलले एमसीसीमा समर्थन गर्नेहरु गद्दारको रुपमा इतिहासमा अंकित हुने टिप्पणी गरे । एमसीसी राष्ट्रिय हित र स्वाधीनताको विरुद्ध रहेको भन्दै नेता रावलले व्याख्यात्मक टिप्पणीबाट राष्ट्रविरोधी प्रावधान सच्याउँछु भन्नु धोका भएको बताए ।

त्यस्तै नेकपा माओवादी केन्द्रका प्रमुख सचेतक देव गुरुङले अमेरिकी सहयोग परियोजना एमसीसीमा संसदले गर्ने व्याख्यात्मक घोषणालाई मिलेनियम च्यालेन्ज कर्पोरेसनले स्वीकार गर्छ कि गर्दैन भन्ने प्रश्न गरेका छन् ।

मिलेनियम च्यालेन्ज कम्प्याक्टबारे संसदमा सुरु भएको छलफलमा भाग लिँदै गुरुङले एमसीसीमा नेपालको सर्वभौम अधिकार खण्डित हुने प्रावधानहरू रहेको बताए । सुरुमा भएको सहमति विपरित संसदबाट अनुमोदन गर्नुपर्ने प्रवधान राख्दा समस्या आएको भन्दै उनले भने,

एउटा परियोजनाका लागि मुलुकको सर्वभौम अधिकार नै खण्डित हुने, नेपालको सविधान नै निश्क्रिय हुने, एमसीसीका कानुनहरू लागू हुने प्रकारका प्रावधानहरू छन् ।’

अमेरिकी अधिकारीहरूले सैन्य रणनीतिसँग जोडिएको बताएकाले पनि यो संशोधन नगरी नहुने उनले बताए । छलफलका क्रममा चार दलबीच संशोधनलाई आकर्षित गर्ने घोषणा तयार भएको सुनेको भन्दै उनले भने,

‘सामान्यता यो सम्झौतामा संशोधन वा विरोधको सूचना दिने प्रक्रिया देखिँदैन । तर, राजनीतिक दलहरूले सहमति गरेर सरकारले योयो कुरा संशोधन हुनुपर्छ भनेर ल्याउँछ भने सकारात्मक हुनसक्छ ।’

द्वीपक्षित सम्झौता भएकाले नेपालको संसदले गरेको घोषणा एमसीसीले मान्छ कि मान्दैन भन्ने प्रश्न रहेको उनले बताए । माओवादी प्रमुख सचेतक गुरुङले भने, ‘

एमसीसीलाई स्वीकार्य हुन्छ भने हामीले गरेको घोषणा सकारात्मक हुन्छ ।’उनले दलहरूबीच भएको सहमति र त्यसअनुसारको घोषणा संसदमा ल्याउन माग गरेका छन् । हेर्नुहोस संसद बैठक लाइभ

प्रतिक्रिया

आजको ट्रेन्डिङ