आज : गते

ताजा शिर्षकहरु

चर्चित शिर्षकहरु

एकाएक प्रधानमन्त्री देउवाले सुन्नु पर्यो नमिठो खबर

प्रकाशित
1.1K
SHARES

काठमाडौं। प्रधानमन्त्री शेरबहादुर देउवाले एकाएक नमिठो खबर सुन्नु परेको छ। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र एकीकृत नेकपा समाजवादीका अध्यक्ष माधवकुमार नेपालले  एमसीसी बारे नमिठो खबर सुनाएका हुन्।

एमसीसी परियोजनाबारे छलफल गर्न बालुवाटार पुगेका  माधब नेपाल र प्रचण्ड संग देउवाको भनाभन भएको नाम नबताउने सर्तमा एक नेताले जानकारी दिए। श्रोतका अनुसार अब नयाँ समीकरण बन्ने तिर छलफल अगाडी बढेको छ।

प्रधानमन्त्री निवास बालुवाटारमा भएको छलफलमा प्रधानमन्त्री देउवाले एमसीसी संसदबाट पारित गर्नुपर्ने बताएका थिए। तर, प्रचण्ड र नेपालले भने चुनाव अगाडि एमसीसी जस्ताको तस्तै संसदबाट पारित गर्न नसकिने जानकारी गराएको स्रोतले बतायो।

यसअघि प्रधानमन्त्री देउवाले प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँग पनि छलफल गरेका थिए। सत्ता साझेदार दलहरूबीच एमसीसीको विषयमा एकमत नभएपछि देउवा दबावमा छन्।

नेपाली कांग्रेस र जसपा जतिसक्दो छिटो एमसीसी पास गर्नुपर्ने पक्षमा छन्।  माओवादी केन्द्र, एकीकृत समाजवादी र राष्ट्रिय जनमोर्चा भने एमसीसी जस्ताको तस्तै पास गर्न नहुने पक्षमा छन्।

यसअघि प्रधानमन्त्री देउवा र माओवादी केन्द्रका अध्यक्ष प्रचण्डले एमसीसी पारित गर्न चार/पाँच महिनाको समय मागेर एमसीसीलाई पठाएको पत्र  सार्वजनिक भएको थियो। एमसीसी पारित गर्न हुँदैन भन्दै आएका प्रचण्ड उक्त पत्र सार्वजनिक भएपछि संकटमा परेका छन्।

एमसीसीलाई संसदमा प्रवेश गराउने कि नगराउने भन्ने विषयमा सभामुख अग्नि सापकोटा निर्णायक अवस्थामा रहेका छन्। तर, यस विषयमा बहस र विवाद जारी रहेकाले संसद बैठक पनि पटक–पटक स्थगित हुँदै आएको छ।

तेस्तै, एमसीसीका कारण संकटमा परेको सत्ता गठबन्धन वारपारको अवस्थामा पुगेको छ। विपक्षी दल एमालेसंग मिलेर नै भएपनि एमसीसी पास गराउने गरि देउवा अघि बढेपछि सत्ता घटक माओवादी केन्द्र र नेकपा एकीकृत समाजवादी छुट्टै छलफलमा जुटेका छन।

यता देउवाका पछिल्ला कदम पनि एमालेको ईशारा केन्द्रीत भएपछि ओली–देउवा एक हुने सम्भावना बढेर गएको छ। प्रधानमन्त्री तथा नेपाली कांग्रेसका सभापति शेरबहादुर देउवाको गतिविधि गठबन्धनको मर्म अनुरुप नभएपछि सत्ता गठबन्धनभित्र नयाँ समिकरण देखिएको छ।

देउवाले गठबन्धनको सहमती भन्दा बाहिर गएर निर्वाचन मिति घोषणा गर्ने तथा पछिल्ला गतिविधी एमालेको हितअनुकुल गनै थालेपछि गठबन्धनका अन्य दलहरु छुट्टै छलफलमा जुटेका छन्।

लामो समयदेखि संकटमा रुमलिएको गठबन्धनका पछिल्ला गतिविधि विभाजनउन्मुख देखिन्छ। यता प्रधानमन्त्री देउवाले एमसीसी पास गर्न बाधक बनिरहेका सभामुखकै विकल्पका वारेमा समेत छलफल सुरु गरेको बुझिएको छ।

जसका लागि लोकतान्त्रिक समाजवादी पार्टीले पनि साथ दिने प्रतिवद्धता जनाएको छ। गठबन्धनको अन्तिम राय बुझ्न बुधबारका लागि तय भएको प्रतिनिधि सभाको बैठक स्थगीत गरिएको छ।

यदि सत्ता सहयात्री पुष्पकमल दाहाल प्रचण्ड र माधवकुमार नेपाल एमसीसीमा फेरी तगारो बने पेलेरै संसदबाट एमसीसी पारित गर्ने तयारी देउवाले थालेका छन्।

फकाउने, धम्याउने र थर्काउने त्यसपछि पनि माहोल आफ्नो पक्षमा नआए विकल्प खोज्ने देउवाको प्रवृत्ति गठबन्धनमा पनि लागू हुने देखिन्छ। गठबन्धन राष्ट्रिय मुद्धामा एक हुनुपर्नेमा त्यो अनुरुप अघि बढ्न नसकेपछि त्यसको विकल्प खोज्ने कांग्रेसको तयारी छ।

यता माओवादी र एकीकृत समाजवादीपनि पछि हट्न सक्ने अवस्थामा छैनन्। यसैपनि कमजोर अवस्थामा रहेका उनीहरु एमसीसी गराएर चुनावमा जान सक्ने आँटमा पनि छैनन्।

तर निर्वाचनसम्मै गठबन्धनको ग्यारेन्टी भए र आफ्नो प्रस्ताव अनुसार निर्वाचनका बारे निर्णय भए एमसीसी बारे सोच्ने सकिने मुडमा उनीहरु थिए। त्यो पनि नबनेपछि एमसीसीमा मात्र काध थापेर नजाने रणनितिमा प्रचण्ड-नेपाल देखिएका हुन।

कम्युनिष्टहरु टुटफुट भएकै वेला निर्वाचन भए त्यसको फाईदा आफूले उठाउन सक्ने देउवाले देखेको उनीहरुको बुझाइ छ। गठबन्धन फुटाउन एमसीसी हतियार हुनसक्ने बुझेको एमालले पनि सभामुखलाई हटाए संसद चल्न दिने र एमसीसीमा साथ दिने प्रस्ताव यसअघि नै काँग्रेसलाई गरेको थियो।

तर प्रचण्ड-नेपाल विरुद्ध देउवालाई प्रयोग गर्ने ओलीको दाउ कतै नेपाल विरुद्ध-प्रचण्ड प्रयोग गर्ने तर्फ प्रयोग हुने त हैन भन्ने आशंकाले देउवा अघि बढ्न सकिरहेका थिएनन्।

त्यसो भए नेपालबाहेक वामपन्थी एकता हुने र ७४ को निर्वाचनको नियती दोहोरिने डर उनमा छ। तर एमालेले प्रष्ट शब्दमा वाम एकताको सम्भावना नरहेको संकेत गरेपछि देउवा हौसिएका छन। अर्थात प्रचण्ड-नेपालको प्रवृत्ती

अवसरवाद भएको भन्दै समस्यामा परे भन्दैमा अंगालो हाल्ने पक्षमा नरहेको एमालेको तर्क छ। यी पछिल्ला घटनाक्रमले अव देउवा नरोकिने प्रष्ट पारेको छ भने ओली–देउवा नजिकिने सम्भावना बढेको छ।

अब सभामुख तारो बन्ने तथा पेलेरै एमसीसीमा अघि बढ्ने देखेपछि माओवादी केन्द्र र एकीकृत समाजवादी पनि त्यसको प्रतिकारमा अघि बढ्ने प्रष्ट छ। अर्कातर्फ ओलीसंग पनि एक,

हुनसक्ने सम्भावना नरहेपछि वामपन्थी भन्दा प्रचण्ड–नेपाल भर्सेस ओली– देउवा हुने अवस्था। फलत  अवको केहि दिनमै सत्ता गठबन्धन फुटेर नयाँ राजनीतिक समीकरण बन्ने सम्भावना बढेर गएको छ।

प्रतिक्रिया