आज : गते

ताजा शिर्षकहरु

चर्चित शिर्षकहरु

एयर इन्डिया टाटा समूहले लियो, यात्रुहरूलाई विशेष सन्देश

प्रकाशित
666
SHARES

काठमाडौँ। एयर इन्डियाको स्वामित्व ६९ वर्षपछि टाटा समूहमा फर्केको छ। बिहीबार टाटाले एयर इन्डिया लिएलगत्तै शुक्रबारको उडानमा यात्रुहरूलाई सन्देश दिइएको छ, जहाँ क्याप्टेनहरूले नयाँ जोश र प्रतिबद्धतासाथ सेवा दिने वचन प्रकट गरेका छन्।

टाटा समूहले भारत सरकारबाट एयर इन्डिया फिर्ता भोलिपल्ट शुक्रबार सबै उडानहरूमा यात्रुहरूलाई विशेष सन्देश पठाइएको इन्डियन एक्सप्रेसले जनाएको छ।

प्रिय अतिथिहरू, यो ऐतिहासिक उडानमा स्वागत छ, एयर इन्डिया आधिकारिक रूपमा सात दशकपछि फेरि टाटा समूहको हिस्सा बनेको छ,’ शुक्रबार दिल्लीबाट मुम्बई उडान भरेको एयर इन्डियाको एआई ६६५ उडानका क्याप्टेन,

वरुण खण्डेवालले यात्रुहरूलाई सम्बोधन गर्दै भने, हामी तपाईंलाई यो र एयर इन्डियाको हरेक उडानमा नयाँ प्रतिबद्धता र जोशका साथ सेवा दिन तत्पर छौँ। एयर इन्डियाको भविष्यमा स्वागत छ।

बिहीबार टाटा सन्सका अध्यक्ष एन चन्द्रशेखरनले एयरलाइन्स कार्यालयमा आयोजित हस्तान्तरण समारोहमा भाग लिनुअघि दिल्लीमा प्रधानमन्त्री नरेन्द्र मोदीसँग भेटेका थिए।

हामी उड्डयन क्षेत्रको लागि प्रधानमन्त्रीको दृष्टिकोणसँग सैद्धान्तिक रूपमा सहमत छौँ, यसलाई किफायती बनाउने र यसले नागरिकहरूको लागि ‘जीवनको सहजता’अभिवृद्धिमा योगदान पुर्‍याउने सुनिश्चित गर्दछौँ।

एयर इन्डियाका कर्मचारीहरूलाई सम्बोधन गर्दै पठाइएको आन्तरिक पत्रमा अध्यक्ष चन्द्रशेखरनले लेखेका छन्,‘ आज एक नयाँ अध्यायको सुरुवात हो। राष्ट्रको नजर हामीमाथि छ।

हामी सँगै के हासिल गर्छौं भनेर पर्खिरहेका छौँ। हाम्रो देशलाई आवश्यक एयरलाइन्स निर्माण गर्न हामीले भविष्यलाई हेर्नुपर्नेछ। समूहको समृद्ध विरासत र राष्ट्रको सेवा गर्ने साझा मिसनका कारण प्रगति हासिल गर्ने पनि एयर इन्डियाको नयाँ व्यवस्थापनले जनाएको छ।

टाटा समूहको सहायक कम्पनीले गत वर्ष १ खर्ब ८० अर्ब भारुमा एयर इन्डिया खरिद गरेको थियो । सरकारी व्यवस्थापनमा एयर इन्डिया लगातार नोक्सानमा गएपछि सरकारले बिक्री गरेको हो ।

सन् १९३२ मा टाटा समूहले स्थापना भएको एयर इन्डियालाई सन् १९५३ मा भारत सरकारले राष्ट्रियकरण गरेको थियो । एयर इन्डियाले हाल ५७ वटा आन्तरिक तथा ३३ मुलुकमा उडान भर्दै आएको छ ।

विश्वका चार महादेशमा एयर इन्डियाको उडान छ। एयर इन्डियासँग न्यारो बडी र वाइड बडी गरी जम्मा १७२ वटा जहाज छन्। तेस्तै, भारतले फिलिपिन्सलाई साेर बेस्ड एन्टी–सिप मिसाइल प्रणाली आपूर्ति गर्ने सम्झौता गरेको छ।

भारतको ब्राह्मोस एयरोस्पेस प्राइभेट लिमिटेट तथा फिलिपिन्स सरकारको रक्षा विभागबीच भारतबाट साेर बेस्ड एन्टी–सिप मिसाइल प्रणाली आपूर्तिका लागि शुक्रबार सम्झौतामा हस्ताक्षर भएको छ।

यो सम्झौता ३७ करोड ५०लाख अमेरिकी डलरबराबरको छ। भारतले क्षेप्यास्त्र निर्यात गर्न सफल भएको भन्दै भारतीय रक्षाविज्ञहरूले सफलताको चर्चा गरेका छन्।

भारतको रक्षा अनुसन्धान र विकास संगठन र रूसको एनपिओ मासिनोस्ट्रोयेनियाले संयुक्त रूपमा ब्रह्मोस मिसाइलको विकास गरेका थिए। फिलिपिन्सले मिसाइलका तीनवटा ब्याट्रीहरू खरिद गर्नेछ।

यो भारतको पहिलो रक्षा निर्यात भएको भारतीय रक्षा मन्त्रालयले जनाएको छ। यो क्षेप्यास्त्र भारतको ब्रह्मोस एरोस्पेसले निर्माण गरेको हो।भारतीय रक्षा मन्त्रालयले शुक्रबार जारी विज्ञप्तिमा जिम्मेवार रक्षा निर्यात,

प्रवर्द्धन गर्ने भारत सरकारको नीतिको लागि यो सम्झौता एक महत्त्वपूर्ण कदम भएको भनेको छ। भारत र फिलिपिन्सबीच यसअघि धेरै चरणमा वार्ता भएको थियो । फिलिपिन्स भारतले मिसाइल प्रणाली निर्यात गर्ने पहिलो राष्ट्र बनेको छ।

भियतनाम र थाइल्यान्डलगायत दक्षिणपूर्व एसियाका अन्य राष्ट्रहरूले यसलाई किन्न इच्छुक रहेको भारतीय सञ्चारमाध्यमहरूले जनाएका छन्। चीनले दक्षिण चीन सागरमा आक्रामक कदम चालेको अवस्थामा फिलिपिन्सले भारतबाट क्षेप्यास्त्र खरिद गर्नुलाई अर्थपूर्ण रूपमा मानिएको छ।

ब्रह्मोस एक सुपरसोनिक क्रुज मिसाइल हो, जसले अधिकतम २.८ म्याच वा ध्वनिको गति दिन सक्ने विज्ञहरूले बताएका छन्। यसलाई जमिन, पनडुब्बी, सतही जहाज र लडाकु विमानबाट प्रक्षेपण गर्न सकिनेछ।

यही महिना भारतले नौसेनाको आइएनएस विशाखापट्टनमबाट मिसाइलको विस्तारित दायराको समुद्रदेखि–समुद्र संस्करणको सफलतापूर्वक परीक्षण गरेको थियो।

प्रतिक्रिया