आज : गते

ताजा शिर्षकहरु

चर्चित शिर्षकहरु

मन्त्री आले झन आक्रामक, केपी ओलीको पनि फाइल खुल्यो

प्रकाशित
674
SHARES

काठमाडौ। संस्कृतिक, पर्याटन तथा नागरिक उड्यनमन्त्री प्रेमबहादुर आले झन् आक्रामक भएका छन्। मन्त्री आलेले एमालेका अध्यक्ष केपी शर्मा ओलीको प्रत्यक्ष संलग्नता रहेको फाइल खोलेका छन्।

ओली प्रधानमन्त्री भएका बखत महामारीका वेला निजी कम्पनीका जहाजलाई उडानमा सघाएको विषयमा छानबिन गर्न मन्त्रीले समिति गठन गरेर एक्सनमै उत्रिएका छन्। पहिलो लकडाउन भएको समय ११ चैत ०७६ देखि करिब एक वर्षयता भएका चार्टर्ड उडानबारे छानबिन गर्न समितिले जिम्मा पाएको छ ।

कोरोनाको पहिलो र दोस्रो संक्रमणका वेला विदेशमा फसेका नागरिक उद्धारका क्रममा राष्ट्रिय ध्वजाबाहक नेपाल एयरलाइन्सको उडानसमेत कटौती गरी हिमालय एयरलाइन्सलाई जिम्मा दिएको र यात्रुसँग बढी भाडा असुलेको विषयमा छानबिन गर्न सरकारले समिति गठन गरेको हो।

संस्कृति पर्यटन तथा नागरिक उड्डयनमन्त्री प्रेम आलेले मन्त्रालयका सहसचिव होमप्रसाद लुइँटेलको संयोजकत्वमा तीन सदस्यीय समिति गठन गरेका हुन् ।

मन्त्रालयकै उपसचिव टेकनारायण पौडेल र नेपाल नागरिक उड्डयन प्राधिकरणका निमित्त महानिर्देशक प्रेमनाथ ठाकुर सदस्य रहेको तीन सदस्यीय समितिलाई १० दिनभित्र छानविन गरेर प्रतिवेदन बुझाउन निर्देशन भएको छ।

समितिले नेपाल एयरलाइन्सको उडान कटौती गरेर निजी एयरलाइन्स हिमालयलाई जिम्मा दिनुको कारण र टिकट बिक्री गर्ने ट्राभल एजेन्सीले यात्रुहरूलाई ठगी गरेको विषयमा सत्यतथ्य छानविनको जिम्मा पाएको छ।

‘महामारीका बेला निजी कम्पनीका जहाजलाई उडानमा सघाएको विषयमा छानविन गर्न मन्त्रीज्यूले समिति गठन गर्नुभएको हो, पर्यटन मन्त्रालयका प्रवक्ता टोकराज पाण्डेले भने।

पहिलो लकडाउन भएको समय ११ चैत ०७६ देखि करिब एक वर्षयता भएका चार्टर्ड उडानबारे छानविन गर्न समितिले जिम्मा पाएको छ ।’त्यतिबेला नेपाल एयरलाइन्सले ५६ वटा चार्टर्ड उडान गरेकोमा हिमालय एयरलाइन्सले २३९ उडान भरेको थियो ।

चार्टर्ड उडान कटौटी हुँदा निगमको वाइडबडीले दिनमा पाँच घण्टामात्रै उडान भरेको थियो। जसका कारण निगमको आम्दानीको स्रोत नै खुम्चिएको थियो । त्यतिबेलै हिमालयको चार्टर्ड उडानमा यात्रुसँग तीन गुणासम्म बढी भाडा असुलेको गुनासा बाहिरिएका थिए।

तत्कालीन पर्यटन मन्त्रीकै मिलेमतोमा अनियमितताको आशंका सरकारले गरेको छ। त्यतिबेला योगेश भट्टराई पर्यटनमन्त्री थिए। चार्टर्ड उडानका नाममा यात्रुसँग बढी भाडा असुलेको गुनासो आएपछि ०७७ मा तत्कालीन सरकारले छानबिन समिति गठन गरेको थियो।

चार्टर्डमा हङकङ र जापानमा जान अनुमति पाएका ट्राभल एजेन्सीहरूले यात्रुबाट अस्वाभाविक भाडा असुलेको गुनासो आएपछि मन्त्रालयले सहसचिव सुरेश आचार्यको संयोजकत्वमा चार सदस्यीय छानबिन समिति गठन गरेको थियो ।

उक्त समितिले बढी भाडा असुलेको र निजी हवाई कम्पनीसँग मिलेमतो गरेको निष्कर्ष निकालेको थियो । उक्त प्रतिवेदन मन्त्रालयमा पेस गरे पनि कार्यान्वयनमा आएन । हाल आलेले मन्त्रालय सम्हालेपछि पुनः छानबिन समिति गठन गरेर छानबिन गर्न लगाएका हुन् ।

तेस्तै, नेकपा एमाले अध्यक्ष केपी शर्मा ओली दक्षिपन्थी अवसरवादमा भाँसिएको भन्दै एमालेका चर्चित नेताले पार्टी परित्यागको घोषणा गरेका छन् । उनले ओलीमा दम्भ र आडम्बर देखिएको तथा पार्टी प्रतिगमनकारी एवम् दक्षिणपन्थी भासमा भासिएको भन्दै,

अनेरास्ववियु जिल्ला कमिटी जुम्लाका सचिवालय सदस्यले एमाले परित्याग गरेका हुन्। जुम्लाको सिंजा गाउँपालिका कमिटीका संयोजक लोकेन्द्रबहादुर शाहीले जिल्ला कमिटीका अध्यक्षलाई सम्बोधन गर्दै राजीनामा दिएका हुन्।

उनले राजीनामापत्रमा लामो समयदेखि नेकपा एमाले र जनताको बहुदलीय जनवादलाई आत्मसात गरे पनि अध्यक्ष ओलीको व्यवहारबाट दिक्क भएर राजीनामा दिएको उल्लेख गरेका छन्।

राजीनामामा लेखेका छन्, नेकपा एमाले र त्यसको जनवर्गीय संगठन अनेरास्ववियुको कुनै पदमा नरहने र आजका मितिबाट नेकपा एमालेको कुनै पदमा नरहने बताएका छन्। उनले आफू नेकपा एकीकृत समाजवादी पार्टी प्रवेश गरेको घोषणा समेत गरेका छन्।

प्रतिक्रिया