आज : गते

ताजा शिर्षकहरु

एमाले महाधिवेशन- केन्द्रीय सदस्य र पदाधिकारी थप्ने, पोलिटब्युरो ब्युताउने तयारी

प्रकाशित
888
SHARES

काठमाडौं । १० औँ राष्ट्रिय महाधिवेशनलाई सहमतिको महाधिवेशन बनाउने भनेर उद्घोष गरेको नेकपा एमालेलाई नेताहरु व्यवस्थापनमा सकस देखिएको छ ।

यसपटक प्यानल बनाएर चुनाव लड्ने नदेखिएपनि निर्धारित पदभन्दा पनि बढी आकांक्षी देखिएपछि उनीहरुको व्यवस्थापनमा सकस देखिएको हो ।

सबै पदमा आकांक्षीहरु धेरै देखिएपछि पार्टीमा विधान संशोधनबारे नै छलफल गर्ने तयारी गरिएको छ । एमाले नेता गोकर्ण विष्टले यस विषयमा आज बस्ने बैठकमा छलफल हुन सक्ने बताए ।

त्यस्तै नेताहरु व्यवस्थापनका लागि पोलिटब्युरो र केन्द्रीय सदस्य र पदाधिकारी पनि थप्ने तयारी गरिएको छ । केन्द्रीय समितिलाई २९९ पुर्‍याउनुका साथै ७ जना पदाधिकारी थप्ने र हाल हटाइएको पोलिटब्युरोलाई ब्युँताउने तयारी गरिएको बताइएको छ ।

यता ट्राफिक जामका कारण नेताहरु आउन ढिला भएपछि शुक्रबार साँझ बस्ने भनिएको एमाले केन्द्रीय कमिटी बैठक अझै सुरु हुन सकेको छैन ।

आजको बैठकमा पार्टी अध्यक्ष केपी शर्मा ओलीले धन्यवाद ज्ञापन गर्ने र सीसीएमको अन्तिम बैठक समापन गर्ने कार्यसूची छ ।

प्रतिक्रिया

आजको ट्रेन्डिङ