आज : गते

ताजा शिर्षकहरु

चर्चित शिर्षकहरु

ओलीलाई अर्को झट्का, एमालेको सिंगो कमिटी माओवादी केन्द्रमा प्रबेश

प्रकाशित
2.2K
SHARES

काठमाडौ। नेकपा एमालेको सिंगो कमिटी नेकपा माओवादी केन्द्रमा प्रबेश गरेको छ। बागलुङको गलकोट–२ नरेठाँटीको एमाले कमिटी माओवादीमा प्रबेश गरेको हो।

उक्त कमिटिलाई गण्डकी प्रदेशका भूमी व्यवस्था, कृषि, सहकारी तथा गरिवी निवारण मन्त्री चन्द्रबहादुर बुढामगर सागरले विभिन्न समय र परिस्थीतिमा नेतृत्व पङ्तीले गलत निर्णय लिँदा जनभावनाको कदर नभएको भन्दै जनस्तरबाट धुब्रिकरण सुरु भएको बताए।

गलकोट नगरपालिका– २ मा एमालेबाट आएकालाई उचित जिम्मेवारी दिन कार्यदल बनेको छ । उक्त कार्यदलले बाँकी कामहरु छिटो सम्पन्न गर्ने कार्यभार पाएको छ ।

मन्त्री सागरले कम्युनिष्ट पार्टीको ध्रुबिकरणलाई मजबुद बनाउँदै नरेठाँटीबाट सुरु भएको एकता अभियानलाई सबै वडा, सबै पालिकाहरुमा अगाडि बढाउनुपर्ने आवश्यकता रहेको बताए ।

उनले नेकपाको विभाजनमा स्वदेशी र विदेशी शक्तिहरुको चलखेलको प्रभावले काम गरेको भन्दै जनस्तरबाट पार्टी एकता गरेर जनभावनाको कदर गर्नुपर्नेमा जोड दिए । उनले जनताको आकांक्षा पुरा भए नभएको र चुनावी घोषणाको समिक्षा गदै आगामी दिनमा पार्टी संगठन रुपान्तरण र सुदृढिकरण गर्नुपर्ने बताए ।

उनले आफू सांसद भए पछिका योजनाहरु तथा कामहरुको बारेमा समष्टिगत विवरण सार्वजनिक गर्ने तयारीमा रहेको बताए । मन्त्री बुढामगरले गण्डकी सरकारले कारोनाबाट मृत्यु भएका परिवारलाई आवश्यक सहयोग गर्ने नीति लिएकोले सुचिकृत गर्ने काम चलिरहेको बताए।

उनले गण्डकी प्रदेशलाई खोपयुक्त प्रदेश बनाउने उद्देश्यले सबै नागरिकलाई खोपको व्यवस्था गर्ने काममा सरकार जुटेको बताए। गलकोटसहितका आम कृषकलाई प्रविधि र सिप हस्तान्तरणको लागि आफ्ले सक्दो पहलकदमी लिने विश्वास समेत व्यक्त गरे।

कार्यक्रममा नेपाल कम्युनिष्ट पार्टी माओवादी केन्द्रका प्रदेश सचिवालय सदस्य ज्ञामनाथ गैरे, गलकोट नगरपालिकाका ईन्चार्ज फमलाल निउरे, नेकपा एमालेका जिल्ला सचिवालय सदस्य तथा कार्यदलका संयोजक बुलबहादुर केसी, नेकपा माओवादी केन्द्र गलकोट नगर कमिटी अध्यक्ष ललित श्रीस लगायतले शुभकामना मन्तब्य राखेका थिए।

भेलामा नेकपा एमाले र माओवादी केन्द्रबीच एकताका सम्पूर्ण काम सम्पन्न गर्न ९ सदस्यीय कार्यदल बनाइएको छ। एकता कार्यदलका संयोजकमा नेकपा एमालेबाट बुलबहादुर केसी रहेका छन् भने, सदस्यहरुमा एमालेबाट चिन्त नेपाली, टंक कार्की र यामबहादुर बस्नेत रहेका छन् । माओवादी केन्द्रबाट चन्द्र दत्त रेग्मी, मनोज पुन, जीतबहादुर केसी, प्रेमबहादुर कुवँर, रामबहादुर कुवँर रहेका छन्।

दशैंको दिन एकाविहानै भयानक दुर्घटना: दशैंकै दिन भनानक दुर्घटना भएको छ। गुल्मीको रेसुंगा नगरपालिकामा जिप दुर्घटना हुँदा ३ जनाको मृत्यु भएको छ। सोही दुर्घटनामा परी ६ जना घाइते भएका छन्। दशैं मनाउन बुटवलबाट सदरमुकाम तम्घासतर्फ जाँदै गरेकाहरु दुर्घटनामा पर्दा गुल्मीको मुसिकोट नगरपालिकाका दुई महिला र एक पुरुषको मृत्यु भएको हो।

मृत्यु हुनेमा गुल्मीको मुसिकोट नगरपालिका २ जलजला बस्ने ७० वर्षीय क्षेत्र बहादुर थापा, सोही ठाउँकी ४० वर्षीया राधिका थापा र मुसिकोट नगरपालिका ३ नेटाकी १९ वर्षीया संगीता सुनार रहेका जिल्ला प्रहरी कार्यालय गुल्मीले जनाएको छ।
उनीहरु तीनै जनाको उपचारको क्रममा मृत्यु भएको हो।

लु १ ज ४४९० नम्बरको जिप गएराति ११ बजेतिर रेसुंगा नगरपालिका– १० छहरा भन्ने स्थानमा सडकबाट करिब ५ सय मिटर तल खसेर दुर्घटना भएको थियो। दुर्घटनामा जिप चालकसहित ६ जना घाइते भएका छन् ।घाइते हुनेहरुमा जिप चालक मुसिकोट नगरपालिका–२ जलजलाका २६ वर्षीय कमल थापा, सोही ठाउँका ४३ वर्षीया खिमा थापा, ३८ वर्षीया जुना थापा र ३६ वर्षीय राजु थापा छन्।

यसैगरी मुसिकोट नगरपालिका–३ नेटा बस्ने ४७ वर्षीया सुमित्रा सुनार र चितवनको भरतपुर नगरपालिकाकी ५० वर्षीया राधा केसी पनि दुर्घटनामा घाइते भएका छन्। घाइतेहरुमध्ये खु्ट्टामा चोट लागेका राजु थापा डिस्चार्ज भएका छन् भने अन्यलाई पाल्पाको प्रभासमा रिफर गरिएको जिल्ला प्रहरी कार्यालय गुल्मीले जनाएको छ।

प्रतिक्रिया