आज : गते

ताजा शिर्षकहरु

चर्चित शिर्षकहरु

ग्लोबल आईएमई बैङ्कको भित्री कुरा थाहा पाएपछि भकाभक शेयर बेच्दै लगानीकर्ता

प्रकाशित
794
SHARES

काठमाडौ। ग्लोबल आईएमई बैङ्कको भित्री कुरा थाहा पाएपछि लगानीकर्ताहरूले भकाभक सेयर बेच्न थालेका छन् । राम्रो प्रतिफल दिन्छ कि भनेर लगानी गरेका लगानीकर्ताहरूले भकाभक आफ्नो नामको सेयर बेच्न थालेका हुन् । त्यो पनि संस्थापक लगानीकर्ताहरूले नै सेयर बेच्न थालेपछि दोस्रो बजारका लगानीकर्ता पनि झस्किएका छन् । जनता बैङ्कसँग मर्जर गर्दा जति चार्मिङ थियो, त्यो ह्वात्तै घटपछि लगानीकर्ता त्रसित भएका हुन् ।

नेपालको सबैभन्दा ठूलो बैङ्क बन्न रातारात मर्जरमा गएको ग्लोबल आईएमई बैङ्कले सोचेजस्तो प्रगति गर्न नसकेपछि सेयर बेच्नुको विकल्प नभएको एक लगानीकर्ता बताए । ‘राम्रो प्रतिफलको आशा थियो । त्यो प्राप्त गर्न सकिएन ।’ नाम उल्लेख नगर्ने सर्तमा ती लगानीकर्ताले भने, ‘झन् झन् सेवा र प्रतिफल खस्किँदै गएपछि लगानी फिर्ता गर्ने निर्णयमा पुगियो ।’

बैङ्कका अध्यक्ष चन्द्र ढकालले व्यवस्थापनका कर्मचारीलाई अनावश्यक प्रेसर दिएर कानुन विपरीत थुप्रै काम गर्न लगाएको भन्दै बैङ्कमा जति वेला पनि समस्या आउने उनको भनाई छ । ‘कानुनले बन्देज लगाएको ठाउँमा पनि लगानी गर्न पठाएको छ । बाफियाको पुरै खिल्ली उडाएको छ । मौद्रिक नीति कुन चराको नाम हो बैङ्कलाई थाहै छैन ।’, उनले भने ‘नियामक निकाय पनि निकम्बा बनेपछि कसको के लाग्दो रहेछ र ।’

अहिले गरेको अपराध कर्मका कारण कुनै समय बैङ्कका अध्यक्षलाई कारागारमा भेट्नलाई जान पर्नेसम्मको अवस्था आउन सक्ने उनको विश्लेषण छ ।

बैङ्कका अध्यक्ष ढकालले उद्योग वाणिज्य महासङ्घको वरिष्ठ उपाध्यक्ष भइसकेपछि अरू सञ्चालकलाई समेत अटेरी गरेर आफूखुसी निर्णय लाद्न खोजेको आरोप एक सञ्चालक समिति सदस्यले लगाए । ‘व्यवस्थापकलाई बारम्बार धम्की दिएको छ । केही समस्या आए माथिबाट मिलाउँछु, तपाईँहरू भनेको गर्नुहोस् भन्दै प्रेसर दिएको छ ।’ उनले भने, ‘कहिले कार्यकाल सकिन्छ र बाहिरिन्छु जस्तो भएको छ । राजीनामा दिएर जाँदा पनि हुन्थ्यो, तर समाजले असक्षम भन्छ कि भन्ने पीरले बसेको छु ।’

पुँजीका हिसाबले सबैभन्दा ठूलो बैङ्क भए पनि सर्भिस र प्रतिफलका हिसाबले पुछारमा पुगेको भन्दै ग्लोबलबाट बाहिरिँदा बुद्धिमानी हुने लगानीकर्ताको भनाई छ ।

बैङ्कले अलिकति भएपछि प्रगति गर्ला कि भनेर बसेका संस्थापक लगानीकर्ता बैङ्कको हालत देखेपछि दिक्क भएर सेयर लिलाम गर्ने तहको अवस्थामा पुगेका छन् । बैङ्कलाई आफ्नो नामको सेयर लिलाम गरिदिन निवेदनसमेत दिएको उनीहरूको भनाई छ ।

उसो त बैङ्कले पनि संस्थापक सेयर धनीबाट आफ्नो नामको सेयर बिक्री गर्नुपर्ने अवस्था आएको भन्दै निवेदन दिएको स्वीकारेको छ । बैङ्कको दोस्रो बजारमा संस्थापक सेयर मूल्य सोमबारसम्म 162 रुपैयाँ रहेको छ ।

यो पनि : स्मार्ट लाइसेन्स खारेज हुन लागेको हो के भन्छन् महानिर्देशक

नेपाल सरकार यातायात व्यवस्था विभागले स्मार्ट सवारी चालक अनुमति पत्र स्मार्ट लाइसेन्स वितरण गर्न थालेको छ वर्ष भयो । सुरूदेखि नै विभिन्न समस्या देखिँदै आएको यो लाइसेन्स एसियाली विकास बैंकको आर्थिक सहयोगमा २०७२ मंसिरदेखि वितरण थालिएको हो यो भन्दा पहिले स्मार्ट लाइसेन्सको ब्यबस्था थिएन । केही समययता विभागले यो लाइसेन्स खारेज गर्न निर्णय गरेको छ । महानिर्देशक घिमिरेका अनुसार तत्काल स्मार्ट लाइसेन्स खारेज हुने कुरामा कुनै सत्यता छैन।

वितरण प्रक्रिया झन्झटिलो भएता पनि संशोधन हुने हल्ला सत्य नभएको र प्रविधिमा समस्या आयो भन्दैमा खारेजै गर्नुपर्ने तर्क सही नभएको पनि उनले बताए। प्रविधिमा समस्या निरन्तर आइरहेको हुन्छ नयाँ सुविधा आयो भने त्यसलाई अपडेट गर्नुपर्छ । विभागले वितरण गरिरहेको स्मार्ट लाइसेन्स चिप्ससहित हुन्छ । यसमा मुख्य चार कुरा हुन्छ कार्ड, चिप्स, कार्डमा हुने सूचना विकास गर्ने सफ्टवेयर जसले अनलाइन एप्लिकेसनबाट ट्रायल पास गरिसकेपछिको नतिजा अद्यावधिक गर्छ र त्यसलाई छाप्ने प्रिन्ट सफ्टवेयर रहेको जानकारी दिनुभयो ।

महानिर्देशक घिमिरेका अनुसार यसमा चालकको सम्पूर्ण परिचय, हस्ताक्षर र अन्य जानकारी हुन्छ । यो कार्ड भएपछि खासमा अरू परिचयात्मक कार्ड बोक्न नपर्ने हो । तर सरकारले नागरिकको पहिचान र विवरण प्रमाणीकरणका लागि छुट्टाछुट्टै कार्ड बनाएको छ । त्यसकारण अनुमति पत्रका रूपमा मात्र प्रयोग गर्न यो कार्ड आवश्यक नरहेको उनको भनाइ छ। स्मार्ट कार्डको स्मार्ट फिचर हामीले प्रयोग गरेकै छैनौं । लाइसेन्सका लागि मात्र यो चिप्ससहितको कार्ड नचाहिने हो उनले भने तर यो कुरा विभाग वा मैले भनेर हुने होइन । सरकारले नियमावलीमै संशोधन गर्नु पर्छ ।

चालकको विवरण प्राप्त गर्न, सक्कली हो वा होइन पत्ता लगाउन, सवारी सम्बन्धी शुल्क तिर्न बाँकी छ वा छैन लगायत सबै जानकारी पाउन एक विशेष किसिमको मेसिन कार्ड रिडर आवश्यक पर्छ । तर स्मार्ट लाइसेन्स दिन थालिएको यतिका वर्ष बितिसक्दा पनि सम्बन्धित निकाय सबैसँग यो मेसिन छैन । जाँच क्रममा शंका लागेका लाइसेन्स लिएर विभाग वा ट्राफिक कार्यालयमै पठाउनु पर्ने बाध्यता छ।

अर्कोतिर कहिले छपाइ मेसिन बिग्रेर त कहिले कार्डै सकिएर विभागले समयमा लाइसेन्स दिन सकेको छैन । हाल पनि लाइसेन्स वितरण ठप्प छ पोहोर साउनमा पहिले छापिएका कार्ड सकिएर दिन नसकिएको विभागले जानकारी दिएको छ । अहिले विदेश जानेका लागि मात्र विभागले अत्यावश्यक स्मार्ट लाइसेन्स छाप्दै आएको छ । विभागका अनुसार नयाँ र नवीकरण गरी सात लाख कार्ड छाप्न बाँकी छ ।

विभागले सुरूमा कार्ड छाप्ने जिम्मा मद्रास सेक्युरिटी प्रिन्टर्सलाई दिएको थियो । २०७७ साउनमा कार्ड सकिएपछि नयाँ ठेक्का आह्वान गर्‍यो र सेल्प कम्पनीले कार्ड छाप्ने जिम्मा पायो । घिमिरेका अनुसार कुनै पनि नयाँ कम्पनीले दिने कार्ड विभागमा भएको प्रविधिसँग पुनः मिलाउनु पर्छ । प्रणालीलाई कार्ड चिनाउनु पर्छ । यसलाई इञ्जिनियरिङ भाषामा पर्सनाइलेजसन भनिन्छ । चिप्ससहितको कार्ड भएकाले त्यसलाई पर्सनलाइजेसन गर्न विभागसँग भएको प्रिन्टिङ सफ्टवेयर अपडेट गर्नुपर्ने थियो ।

विभाग र कार्ड बनाउने ठेक्का पाएको कम्पनीबीच हुने सम्झौता शर्तअनुसार कम्पनीले विभागलाई नमूना कार्ड दिनुपर्छ । उक्त कार्ड विभागसँग भएको सफ्टवेयरले छाप्छ । अनि अर्डर दिएको ९० दिनभित्र कम्पनीले १४ लाख कार्ड दिनुपर्ने हुन्छ । कार्ड छाप्न मिल्ने गरीको सफ्टवेयर अद्यावधिक गर्ने जिम्मा विभागको हो । तर सम्झौता गर्ने बेला सफ्टवेयरले कम्पनीले दिएको कार्ड छाप्छ कि छाप्दैन भन्नेबारे जाँच्न विभाग अलमल परेको घिमिरेले बताए ।

सफ्टवेयरले कार्ड छाप्छ कि छाप्दैन भनेर जाँच्न विभाग अनबिज्ञ भयो उनले भने २०७७ मंसिरमा ठेक्का लागेको थियो । उनका अनुसार सेल्पले कार्ड दिन तयार भए पनि विभागले अर्डर दिन सकेको थिएन । समस्या बुझ्न दुवै पक्षका प्रतिनिधि बोलाएर छलफल गरियो । कार्ड रिड गर्न हामी सक्दैनौ तपाईहरूले गरिदिनुहोस् भनेर अनुरोध गरेपछि उनीहरूले हाम्रो सफ्टवेयरमा मिल्नेगरी नयाँ कार्ड रिड गरिदिए उनले भने ।

पर्सनलाइजेसनको काम सकेपछि गत शुक्रबार विभागले नमूनाअनुसार कार्ड पठाउन सेल्पलाई पत्राचार गरेको जनाएको छ। अर्डर पाएको तीन महिनाभित्र सेल्पले कार्ड पठाइसक्नु पर्नेछ। सम्झौताअनुसार कम्पनीले सबै कार्ड एकै चरणमा दिने हो। तर विभागले आधा कार्ड ९सात लाख० सकेसम्म चाँडो दिन आग्रह गरेको छ। कम्पनीले कार्ड ल्याएपछि पनि तुरून्तै वितरण भने हुँदैन । यो गुणस्तरीय हो कि होइन भनेर जाँच्न यहाँ सुविधा छैन, स्विट्जरल्यान्ड पठाउनु पर्छ यसका लागि थप छ महिना लाग्छ ।

भनेको समयमा स्मार्ट लाइसेन्स दिन नसकिएकाले विभागले तत्कालका लागि वैकल्पिक उपाय निकालेको छ एक वर्षका लागि परीक्षणकालीन कार्ड दिने।यो कार्ड ट्रायल पास गरेपछि राजश्व तिर्ने बेलामा दिइने घिमिरेले जानकारी दिए परीक्षणकालीन कार्ड बोक्न र जाँच्न पनि सहज हुने उनले बताए घिमिरेका अनुसार यसमा क्युआर कोड राखिनेछ ट्राफिक प्रहरीले बाटोमै मोबाइलबाट जाँच्न सक्नेछन् । स्मार्ट लाइसेन्सको जस्तो चिप्स हराउला भन्ने चिन्ता नहुने र जाँच्न ट्राफिक प्रहरी कार्यालय वा विभाग धाउनुपर्दैन।

प्रतिक्रिया