आज : गते

ताजा शिर्षकहरु

चर्चित शिर्षकहरु

गुण्डा नाइके चरीलाई इन्काउन्टर गर्ने डिआईजी पुष्कर भन्छन्- ‘अब रेशम चौधरीलाई पनि छाड्दैनौं’

प्रकाशित
21.1K
SHARES

गुण्डा नाइके कथित डन दिनेश अधिकारी ‘चरी’लाई इन्काउन्टर गरेर सिध्याउने डिआईजी पुष्कर कार्कीले प्रहरीको मोस्ट वान्टेड सुचिमा रहेका नव निर्वाचित सांसद रेशम चौधरीलाई समेत नछोड्ने बताएका छन् ।

एक टेलिभिजनलाई अन्तर्वार्ता दिदै डिआईजी कार्कीले यस्तो बताएका हुन्। गत मंसिरमा सम्पन्न प्रतिनिधिसभा र प्रदेशसभा निर्वाचनको समाचारले नेपालको राजनीतिक माहोल तातिरहेका बेला त्यहि निर्वाचनबाट सांसद बनेका चौधरीलाई नछोड्ने बताएपछि कार्कीको चर्चा चल्न थालेको छ ।

पछिल्लो समयमा नेपालमा निर्वाचनका समाचारहरुले निकै चर्चा पाइरहेका छन् । निर्वाचनको नतिजा बाहिर आए पनि समानुपातिक सांसदहरुको सुची निर्वाचन आयोगले अझै सार्बजनिक गरेको छैन । सोसँग सम्बन्धित समाचारहरु आउनेक्रम जारी नै छ ।

प्रहरीको मोस्ट वान्टेड सुचिमा हुँदाहुँदै पनि हालै भएको निर्वाचनमा कैलाली क्षेत्रनम्बर १ बाट प्रतिनिधिसभा सदस्यमा रेशम चौधरी निर्वाचित भएका थिए।

चौधरी ३४ हजार ३ सय ४१ मतसहित निर्वाचित हुँदा उनको निकटतम प्रतिस्पर्धी वाम गठबन्धबाट एमाले उम्मेदवार मदन कुमारी शाह (गरिमा)ले १३ हजार ४ सय ६ मत मात्र पाएकि थिइन् ।

चौधरी र शाहबीचको मतान्तर २० हजार ९ सय ३५ छ । चौधरीलाई टिकापुर घटनाका मुख्य दोषीको रुपमा प्रहरीले मोस्ट वान्टेड सुचिमा राखेको छ ।

उनलाई यसका अलावा बिभिन्न अपराधिक कृयाकलापमा संलग्न रहेको आरोप समेत लागेको छ । गुण्डा नाइके ‘चरी’को इन्काउन्टर गर्ने चर्चित डीआईजी पुष्कर कार्कीले रेशम चौधरीलाई प्रहरीले जसरी पनि पक्राउ गर्ने बताएका छन् ।

नेपाल प्रहरीको केन्द्रीय अनुसन्धान ब्यूरो (सिआईबी)का प्रमुख समेत रहेका कार्कीले आवश्यक परे चौधरीलाई सिआईबीले पक्राउ गरेर अदालतमा बुझाउने स्पष्ट पारे । उनको कार्यकालमा गुण्डागर्दी र अपराध नियन्त्रणका घटनामा कमि आएको बताइन्छ ।

हेर्नुहोस् भिडियो

प्रतिक्रिया