आज : गते

ताजा शिर्षकहरु

चर्चित शिर्षकहरु

माओवादी विरुद्ध एक्सनमा उत्रिइन् आरजु, प्रचण्डको सातो गयो

प्रकाशित
1.5K
SHARES

काठमाडौ।  नेपालकी प्रथम महिला डा. आरजु राणा देउवाले नेकपा माओवादी केन्द्रका विरुद्ध एक्सनमा उत्रिएकी छिन् । कथित जनयुद्धका नाममा १७ हजार नागरिकको ज्यान लिएको माओवादीले नेपालको परम्परा र संस्कृति पनि मास्ने काम गरेको भन्दै आरजु एक्सनमा उत्रिएकी हुन् ।

सनातन धर्म संस्कृतिको रक्षामा अग्रसर प्रथम महिला आरजु अहिले गौरा मनाउन धनगढी पुगेकी छन् । गौरा मनाउने क्रममा आरजुले माओवादीले आफ्नो परिवारका महिलालाई दिएको दुस्ख र कर्तुतबारे मुख खोलेकी हुन् ।

केन्द्रमा सत्ता साझेदार रहेको माओवादीको आरजुले धर्म संस्कृति रक्षाका क्रममा भण्डाफोर गरेकी हुन् । जनयुद्धका नाममा माओवादीले संस्कृत शिक्षा नै मासेको थियो । जसकारण अहिले नेपालमा चरम सांस्कृतिक विचलन आएको छ । विदेशी संस्कृति नक्कल गर्ने र आफ्नो बिर्सिने क्रम बढ्दै गएको छ ।

यस्तो बेला आरजु धार्मिक जागरण अभियानमा सक्रिय छिन् । उनले हरेक चाड सार्वजनिक रुपमै मनाउने गरेकी छन् । यसैक्रममा उनी धनगढी पुगेर संस्कृति मास्ने अभियानको नेतृत्व गरेको माओवादीको भण्डाफोर गरेकी हुन् ।

माओवादी कारण आफ्नो परिवारले गाउँमा गौरा मनाउन नपाएको, घर ध्वस्त पारिएको र काठमाडौंमा गुरु ९पण्डित० मगाएर मनाउनुपरेको बताउँदै आरजुले माओवादीको कर्तुत बाहिर ल्याएकी हुन् ।

‘परिवारमा परम्पराकालदेखि नै गौरा पर्व मनाउँदै आएका छौं । पहिले देउरानीहरुले पहाडकै घरमा गर्नुहुन्थ्यो । पछि माओवादी कालमा घर पनि ध्वस्त पार्यो । उहाँहरुलाई बस्न गाह्रो भएपछि उहाँहरु विस्थापित भएर यहाँ (धनगढी) बस्नुभएको थियो । पूजा गर्न गाउँ जानुपर्ने धेरै त्रास थियो । त्यो बेलामा मैले काठमाडौंमा लगेर उतै पूजा गर्ने गरेको थिए,’ आरजुले भनिन् ।

आरजुले परापूर्वकालदेखि चलिआएको संस्कृतिलाई अगाडि बढाउन आफू धनगढी गौरा मनाउन आएको पनि बताइन् ।

‘अहिले यहाँ (धनगढी) घर भएपछि यहाँ मनाउछौं । यहाँका मान्छे अझै रमाउँछन् । त्यहीँ भएर यहाँ आएर मनाउँदैछु । यो हाम्रो इतिहास बोकेको पर्व हो । संस्कृतिलाई अगाडि बढाउन आए । म गौराको व्रत बसेको १६÷१७ वर्ष भइसक्यो ।’ उनले भनिन् ।

उनले अगाडि भनिन्, ‘नजिक गौरा ल्यायो भनेर भन्दा जेठा दिदीहरु दंग हुनुहुन्छ । मलाई पनि रमाइलो लाग्छ । मेरो गौरा अब सधै यतै हुन्छ । सारिरहनु हुन्न । गुरु पनि यतै बस्नुहुन्छ । परिवारै यहीँ छ । नत्र गुरुलाई पनि उतै लानुपर्थ्यो हामीले । अहिले आउन जान गाह्रो छ । हामी यतै मनाउँछौं ।’

यो पनि: माओवादी केन्द्रको सर्कुलर जारि 

नेकपा माओवादी केन्द्रले केन्द्रीय समितिले तयार पारेको सर्कुत तल्ला कमिटिमा पठाएको छ । सर्कुलरमा पाँच दलीय गठबन्धनलाई निरन्तरता दिँदै कम्युनिस्ट घटकहरुबीचको एकताको पहल पनि जारी राख्ने नीति लिएको छ ।

पार्टीलाई व्यवस्थित, संस्थागत सक्रिय र क्रान्तिकारीकरण गर्ने कार्यलाई मुख्य बनाउँदै क्रान्तिकारीहरुको बीचको एकता र ध्रुवीकरणको निम्ति पनि पहल गर्नुपर्ने माओवादीको निष्कर्ष छ ।

यस्तै, सो पार्टीले विगतमा एमालेसँग एकता गर्नु कतिपय कमजोरीका बीच पनि सही भएको ठहर गर्दै त्यसबाट पाठ सिक्दै अघि बढ्नुपर्ने औंल्याएको छ ।

‘हाम्रो पार्टीलाई व्यवस्थित, संस्थागत सक्रिय र क्रान्तिकारीकरण गर्ने कार्यलाई मुख्य बनाउँदै हामीले क्रान्तिकारीहरुको बीचको एकता र धु्रवीकरणको निम्ति पनि पहल गर्नु पर्दछ’, माओवादी केन्द्रको निष्कर्ष छ ।

‘तत्कालीन नेकपा (एमाले) सँग पार्टी एकीकरण गरी नेपाल कम्युनिष्ट पार्टी (ने क पा) निर्माण र सञ्चालनको क्रममा कतिपय कमीकमजोरीहरू भएको हुन सक्दछ र त्यसलाई आवश्यकता अनुसार समीक्षा गर्न सकिन्छ ।’

हालै सम्पन्न माओवादी केन्द्रीय समितिको बैठकमा पारित प्रतिवेदनमा अगाडि भनिएको छ, ‘पार्टी एकीकरण र नेपाल कम्युनिष्ट पार्टी (नेकपा) को निर्माण ऐतिहासिक महत्त्वको सही कदम नै हो । त्यसबाट शिक्षा लिनुको अर्थ एकता र ध्रुवीकरणको आवश्यकताबाट विचलित हुनु होइन भन्ने कुरामा स्पष्टताको आवश्यकता छ ।’

यस्तै माओवादी केन्द्रले ५ दलीय गठबन्धनको आवश्यकता र औचित्यमाथि प्रकाश पार्दै यस्तो गठबन्धनलाई चुनावसम्मै अघि बढाउनुपर्नेमा जोड दिएको छ । माओवादीको बुझाइमा ५ दलीय गठबन्धन प्रतिगमनविरुद्धको संघर्षको क्रममा आवश्यकताले जन्म भएको हो ।

उसले भनेको छ, ‘यो गठबन्धन र यसमा आधारित संयुक्त सरकारलाई प्रतिनिधिसभाको कार्यकालको पूर्णता र संविधान अनुरुप निर्वाचन सम्पन्न गर्ने बिन्दुसम्म सफलतापूर्वक अघि बढाउनुपर्दछ ।’

​बैठकपछि अध्यक्ष प्रचण्डले गरेको सर्कुलरमा अगाडि भनिएको छ, ‘प्रतिगमन र बाह्य हस्तक्षेपको खतराको सापेक्षतामा नै यस प्रकारको गठबन्धनको औचित्य वा निरन्तरता निर्धारित हुनेछ ।’

माओवादीले पुस ११, १२ र १३ गते आयोजना गर्ने निर्णय गरेको राष्ट्रिय सम्मेलनकै लागि भनेर तीन महिने अभियानसमेत सञ्चालन गर्ने निर्णय गरेको छ । जसअनुसार भाद्र मसान्तसम्म पार्टी सदस्यता नवीकरण र नयाँ सदस्यता वितरण अभियान सञ्चालन गरिनेछ भने आश्विन १० गते सेल र टोल भेला गरी कमिटी गठन÷पुनर्गठन गरिनेछ ।

त्यसैगरी आश्विन २० वडा सम्मेलन सम्पन्न गर्ने कार्ययोजना तय गरिएको छ भने कार्तिक ६ गते गाउँपालिका र नगरपालिका सम्मेलन सम्पन्न तय गरिएको छ । यसैगरी कार्तिक ७ गतेदेखि मंसिर १४ गतेसम्म संगठन सुदृढीकरण र जनपरिचालन अभियान सञ्चालन गर्ने निर्णय गरेको माओवादीले मंसिर १५ गते प्रदेश सम्मेलन गर्नेछ ।

माओवादीको सर्कुलरमा राष्ट्रिय स्वाधीनता र प्रतिगमनको खतराप्रति अझै सचेत हुन भनिएको छ । सर्कुलरमा भनिएको छ, ‘नेपाली जनताको दशकौँ लामो बलिदानीपूर्ण संघर्षको परिणामस्वरुप प्राप्त ऐतिहासिक राजनीतिक परिवर्तनका उपलब्धीहरु, संघीय गणतन्त्रात्मक समाजवाद उन्मुख समावेशी लोकतन्त्र र संविधानमाथि तत्कालिन प्रधानमन्त्री केपी ओलीद्वारा प्रतिगामी कोणबाट प्रहार भएपछि हाम्रो पार्टीले प्रारम्भदेखिनै प्रतिगामी कदमको विरुद्ध संघर्ष र त्यस विरुद्धको व्यापक मोर्चा निर्माणमा नेतृत्वदायी पहल गरेको थियो ।’

माओवादीको सर्कुलरमा प्रतिगमनविरोधि संघर्षको आवश्यकता औंल्याउँदै भनिएको छ, ‘त्यो संघर्ष र त्यसका निम्ति गरिएको पहल एवम् प्रयत्न सार्थक भई सम्पूर्ण प्रतिगामी शक्तिहरुको संघर्ष (राजनीतिक र कानूनी संघर्ष) र अदालतको संविधानसम्मत ऐतिहासिक फैसलाको परिणाम स्वरुप प्रतिगामी कदम असफल भएको छ ।’

हाल संविधान र लोकतन्त्रलाई ‘लिक’ मा ल्याउने कार्यमा सफलता प्राप्त भए पनि प्रतिगमनको खतरा कायमै रहने हुँदा सचेत बनिराख्नुपर्ने प्रचण्डको निर्देशन छ । माओवादीले भनेको छ, ‘प्रतिगमनसँग जोडिएको राष्ट्रिय आत्मसमर्पणवादी प्रवृत्ति र बाह्य हस्तक्षेपकारी प्रवृत्तिलाई परास्त गर्न पनि वर्तमान सन्दर्भमा सफलता प्राप्त भएको छ । तथापि राष्ट्रिय स्वाधिनता र प्रतिगमनको खतराप्रति अझै सचेत हुनु आवश्यक छ

।’माओवादीले केन्द्रीय समितिबाट पारित भएको प्रतिवेदनको महत्त्वपूर्ण पक्षका रुपमा क्रान्तिकारी पार्टी निर्माणलाई राखेको छ । क्रान्तिकारी पार्टी निर्माणकै लागि आधारका रुपमा आगामी पौष ११, १२ र १३ गते पार्टीको राष्ट्रिय सम्मेलन गर्ने र त्यसलाई केन्द्रमा राखेर चार महिनाको सदस्यता नवीकरण, वितरण, अधिवेशन, समिति निर्माणसहितको संगठन सुदृढीकरण अभियान चलाउने उल्लेख गरेको छ ।

क्रान्तिकारी कम्युनिष्ट पार्टी निर्माणका लागि सम्पूर्ण ध्यान, योजना र रणनीति बनाउनुपर्नेमा जोड दिए पनि कस्तो रणनीति बनाउने भन्नेबारे भने माओवादीले केही बोलेको छैन । यद्यपि हालको संगठनात्मक यथास्थिति र आवश्यकता बीचको अन्तरविरोधलाई समाधान गर्ने संकल्प र साहस गर्नुपर्ने प्रचण्डले बताएका छन् ।

संगठनात्मक यथास्थितिवादसँग सम्बन्ध विच्छेद गर्दै क्रान्तिकारी रुपान्तरण एवं पुनर्गठनको दिशामा फड्को मार्नुपर्ने आवश्यकता प्रचण्डले सर्कुलरमा औंल्याएका छन् ।

यस्तै प्रचण्डले पार्टीको संशोधित अन्तरिम विधान २०७३ को मुख्य पक्षबारे पनि ब्याख्या गरेका छन् । सर्कुलरमा उनले माओवादी जनआधारित कार्यकर्ताहरूको पार्टी भएको उल्लेख गर्दै पार्टीको संगठनात्मक सिद्धान्त जनवादी केन्द्रीयता भएको उल्लेख गरेका छन् ।

संविधानले संस्थागत गरेको संघीयताको मर्म अनुरुप पार्टी जिल्ला समितिहरूको व्यवस्था खारेज गरिएको र जिल्लाहरुमा अब जिल्ला समन्वय समिति मात्र रहने भन्दै प्रचण्डले अब निर्वाचित ३ तह केन्द्र, प्रदेश र स्थानीय तह मात्रै रहने स्पष्ट गरेका छन् ।

प्रतिक्रिया