आज : गते

ताजा शिर्षकहरु

चर्चित शिर्षकहरु

घरमै बसी पेटको बोसो घटाउने मन छ ? उसोभए यी काम गर्नुस्

प्रकाशित
1.4K
SHARES

काठमाडौं। पेटको बोसो कम गर्न चाहनुहुन्छ भने तपाईंले आफ्नो जीवनशैलीमा परिवर्तन गर्नुपर्छ । घरमै बसेर तपाईं आफ्नो बेसो घटाउन चाहनुहुन्छ भने यी तरिका अपनाउनुहोस् ।

१ कागती पानीले दिनको सुरुवातः
आफ्नो दिनको सुरुवात कागती पानीले गर्नुहोस् । यो पेटमा जम्मा भएको अतिरिक्त बोसोलाई कम गर्ने प्रभावकारी घरेलु उपाय हो । मनतातो पानीमा कागतीको रस राखेर थोरै नुन राख्नुहोस् । दैनिक बिहान यसको सेवन गर्दा तपाईंको मेटाबोलिजम एक्टिभ रहन्छ जसले तपाईंको तौल कम गर्न सहयोग गर्छ ।

२ ब्राउन राइसः
सेतो चामलबाट टाढा रहनुहोस् । यदि तपाईंलाई भात नै खानुपर्छ भने सेतो चामलको साटो ब्राउन राइस खानुहोस् । यसका साथै, आहारमा ब्राउन ब्रेड र ओट्सलगायतका खाद्य पदार्थ समावेश गर्नुहोस् ।

३ गुलियो खानबाट बच्नुहोस्ः
यदि तपाईं बोसो कम गर्न चाहनुहुन्छ भने गुलियो खानबाट बच्नुहोस् । मिठाई, गुलियो पेय पदार्थ, चिल्लो खानेकुराबाट टाढा रहनुहोस्, यस्ता खाद्य पदार्थले तपाईंको शरिरको अतिरिक्त बोसो जम्मा गर्दछ ।

४ अत्यधिक पानी पिउनुहोस्ः
पेटको बोसो कम गर्न चाहनेले अत्यधिक पानीको सेवन गर्नुपर्छ । यो निकै प्रभावकारी उपाय हो । नियमित अन्तरालमा पानी पिउँदा तपाईंको मेटाबोलिजम रेट बढ्छ जसका कारण तपाईंको विषाक्त पदार्थ बाहिर निस्कन पाउँछ भने तपाईंको शरिर पनि स्वस्थ रहन्छ ।

५ काँचो लसुन खानुहोस्ः
बिहान काँचो लसुन खाँदा तपाईंको शरिरलाई निकै फाइदा पुग्छ । दैनिक बिहान दुई तीनवटा लसुन चपाउनुहोस् र त्यसपछि कागती पानी पिउनुहोस् । यसले तपाईंको तौल कम गर्ने प्रक्रियामा दोब्बर सघाउ पुर्याउँछ । यसका साथै तपाईंको रक्त प्रवाहमा पनि सुचारु हुने गर्दछ ।

६ मांसाहारी भोजनबाट टाढै रहनुहोस्ः
मासुमा बोसोको मात्रा निकै धेरै हुन्छ । उक्त बोसो तपाईंको शरिरमा जम्मा हुने गर्दछ जसले स्वास्थ्य सम्बन्धि समस्या निम्त्याउने गर्दछ । यदि तपाईं साँच्चै तौल कम गर्न चाहनुहुन्छ भने मासुजन्य खाद्य पदार्थ छोडेर शाकाहारी भोजन अपनाउनुहोस् ।

७ हरिया सागसब्जीको सेवनः
आफ्नो आहारमा फलफूल र सागसब्जी समावेश गर्नुहोस् । बिहान बेलुका एक कचौरा फलफूल र तरकारी खाँदा तपाईंको स्वास्थ्यमा निकै फाइदा पुर्याउँछ । यसले तपाईंलाई धेरै बेरसम्म भोक लाग्दैन भने तपाईंले एन्टीअक्सिडेन्ट, मिनरल र भिटामिन पाउनुहुनेछ ।

८ खाना पकाउने तरिका परिवर्तन गर्नुहोस्ः
खाना पकाउँदा तौल कम गर्न मद्दत गर्ने मसलाको प्रयोग गर्नुहोस् । दालचीनि, अदुवा र कालो मरिचको प्रयोग खानामा समावेश गर्नुहोस् । यी मसला स्वास्थ्यका लागि निकै फाइदाजनक हुन्छ । यसले तपाईंको इन्सुलिन क्षमता बढाउँछ भने रगतमा चीनिको मात्रालाई कम गर्दछ ।

९ क्रेनबेरी जुसः
क्रेनबेरीको जुसमा अर्गाजिक एसिडको मात्रा निकै धेरै हुन्छ जसले हाम्रो डाइजेस्टिव इन्जाइममाथि सकारात्मक असर पार्ने गर्दछ । यो इन्जाइमले हाम्रो शरिरमा जम्मा भएको अतिरिक्त बोसोलाई नष्ट गर्न सहयोग पुर्याउँछ ।

१० बदामः
बदाममा भिटामिन इ र प्रोटिनका साथै फाइबरको मात्रा पनि अत्यधिक हुन्छ जसले छिटो छिटो भोक लाग्नबाट रोक्छ । यद्यपी, यसमा क्यालोरीको मात्रा अलि बढि हुन्छ तर यसले पेटको बोसोलाई भने बढाउँदैन ।

उच्च रक्तचापबारे

उच्च रक्तचाप अर्थात ‘हाइपरटेन्शन’ को समस्यालाई मानिसलाई मृत्युको मुखसम्म पुर्याउँछ । उच्च रक्तचापको सम्बन्ध आर्टिरियल्स धमनीसँग हुन्छ । यो धमनीले रगतको चाप नियन्त्रण गर्ने काम गर्छ । यो धमनी पातलो भएमा मुटुले रगत प्रवाह गर्दा अत्यधिक बल प्रयोग गर्छ जसले गर्दा उच्च रक्तचापको समस्या देखापर्छ ।

चिकित्सकहरुले उक्त धमनीमा समस्या आउनेवित्तिकै उपचार नगराए हृदयघात, स्ट्रोक जस्ता गम्भीर समस्या आउने बताएका छन् । उच्च रक्तचापका रोगीहरुको शरीरमा समस्या आएको सुरुवाती चरणमा नै स्पष्ट हुँदैन । चिकित्सकहरुले उच्च रक्तचापका रोगीहरुको शरीरमा देखिने केही संकेतलाई नै खतराको घण्टी मान्नुपर्ने बताएका छन् ।

चिकित्सकका अनुसार उच्च रक्तचापको समस्यामा शरीरमा विभिन्न प्रकारका परिवर्तनहरु आउँछन् । उच्च रक्तचापको दुईवटा क्षण हुन्छ । जसमा एउटा अर्जेन्ट र अर्को इमरजेन्सी पर्छ ।

अर्जेन्टमा व्यक्तिको रक्तचाप उच्च हुन्छ । तर कुनै पनि अंगमा नोक्सान पुग्दैन । तर, अर्को इमरजेन्सी हुन्छ जसमा उच्च रक्तचापले अंगहरुमा नोक्सान पुर्याउँछ ।

यदि कुनै उच्च रक्तचापको बिरामीले धमिलो देख्न थाल्छ भने उसको शरीरमा रक्तचाप उच्च भएको हुनसक्छ ।यसका साथै, धेरै टाउको दुख्ने, छातीमा दुखाई हुने, सास फेर्न गाह्रो हुने जस्ता समस्याहरु देखिन्छन् । यसका साथै, बेहोस हुने, छालाहरुमा रातो धब्बा बस्ने जस्ता उच्च रक्तचापका गम्भीर संकेत हुन् ।

यस्तै, अचानक शरीरको कुनै पनि अंग सुन्निने वा फुल्ने भएमा, बान्ता हुने, एन्जाइटी हुने जस्ता संकेत पनि देखिन सक्छन् । यदि उच्च रक्तचापको समस्या भएमा बिरामीले तुरुन्तै डाक्टरको सल्लाह लिएर उपचार गराउनु पर्छ ।

यसकारण लाग्छ बाडुली, कहिले हुनसक्छ खतरा ?

बाडुली लाग्दा कसैले सम्झना गरेको, कसैले कुरा गरेको भन्ने मानिसको आमधारणा हुन्छ । तर, बाडुली बारम्बार लाग्न थालेपछि रोक्न निकै गाह्रो पनि पर्न सक्छ ।

बाडुली शरीरको तल्लो भागको डायाफ्रामबाट आउन सुरु हुन्छ । यो अंग फोक्सो र पेटको बीचमा रहेको गजुर आकारको मांसपेशी हो । सामान्यतया सास लिँदा डायाफ्राम तल्लो भागतिर खुम्चिन्छ भने सास फाल्दा फेरि सामान्य आकारमा परिवर्तन हुन्छ ।

डायाफ्रामले नियमित तालिकामा काम गर्छ तर जब यसमा समस्या आउँछ तब ऐठन हुन थाल्छ । जसको कारण सास घाँटीमा अचानक अड्किन्छ र आवाज निकाल्छ समस्या हुन्छ । भोकल कर्डमा अचानक आएको रोकावटका कारण बाडुली लाग्न थाल्छ ।

किन आउँछ बाडुली ?
बाडुली लाग्नुको थुप्रै कारणहरु हुन्छन् । शारीरिक र मानसिक कारणले बाडुली लाग्ने गर्छ । कोशिकाहरुमा आउने समस्याले मस्तिष्क र डायाफ्रामसँग जोडिएको हुन्छ । धेरै छिटो खाने र धेरै खाने व्यक्तिलाई बाडुलीको समस्या आउँछ । धेरै दुखी र उत्साहित हुने, कार्बोनेटेड पदार्थ पिउने, मादक पदार्थ पिउने व्यक्तिहरुलाई बाडुली धेरै लाग्छ । तनाव, तापमानमा अचानक परिवर्तन आउँदा पनि बाडुली लाग्छ । यस्तै, धेरै चुइगम चपाउँदा पनि मुखमा हावा भरिन्छ र बाडुली लाग्छ ।

बाडुली लागेपछि छिट्टै कम हुन्छ । तर कहिलेकाँही धेरै लामो समयसम्म बाडुली लागिरहन्छ । डायाफ्रामसँग जोडिएको नसामा समस्या आउँदा पनि लामो समयसम्म बाडुली लागिरहन्छ । कानको समस्या, घाँटीमा खसखस जस्ता कारणले पनि डायाफ्रामको नसा प्रभावित हुन्छ र बाडुलीको समस्या आउँछ ।

लामो समयसम्म बाडुली लाग्नु स्नायु प्रणालीमा डिसअर्डरसँग जोडिएको हुनसक्छ । जस्तैः एन्सेफ्लाइटिस, म्यानिन्जाइटिस, मेटाबोलिक डिसअर्डर, मधुमेह, मिर्गौला फेल जस्ता समस्यासँग बाडुली लाग्नुको कारण जोडिएको हुनसक्छ । यस्तै, स्टेरोइड र ट्र्याक्विलाइजर जस्ता औषधिको कारण पनि बाडुली लाग्छ । यदि कसैलाई २ दिनभन्दा बढी लगातार बाडुली लाग्यो भने डाक्टरको सल्लाह लिन जरुरी हुन्छ ।

प्रतिक्रिया