आज : गते

ताजा शिर्षकहरु

चर्चित शिर्षकहरु

शेन्जो-१२ : नयाँ अन्तरिक्ष स्टेशनमा राख्न चीनले पठायो तीन अन्तरिक्षयात्री

प्रकाशित
430
SHARES

सिनहा। चीनले आफ्नै अन्तरिक्ष केन्द्र निर्माणका लागि तीन जना अन्तरिक्ष यात्री सहितको शेन्झाउ-१२ रकेट प्रक्षेपण गरेको छ। तियान्हे नाम दिइएको नयाँ अन्तरिक्ष केन्द्र निर्माणमा यी अन्तरिक्ष यात्रीले काम गर्नेछन्। उनीहरु अन्तरिक्ष केन्द्रमा तीन महिना बस्नेछन्। हाल संयुक्तराज्य अमेरिका र रुससँग मात्र अन्तर्राष्ट्रिय अन्तरिक्ष केन्द्र छन् जहाँ पृथ्वीबाट पठाइएका अन्तरिक्ष यात्रीहरु महिनौं बसेर अध्ययन र अनुसन्धानका कार्यहरु गर्ने गर्दछन्।

चीनले यसअघि पनि अन्तरिक्षमा मानव पठाइसकेको छ। यो चीनको सातौं मानव सहितको अन्तरिक्ष यात्रा हो। चीनले पाँच वर्ष यता मानव सहितको रकेट अन्तरिक्षमा प्रक्षेपण गरेको थिएन।

चीनको अन्तरिक्ष केन्द्र सीएमएसए का अनुसार चीनको उत्तरपश्चिम स्थित गोबी मरुभूमिबाट चिनियाँ समयानुसार बिहान ९.२२ बजे रकेट प्रक्षेपण गरिएको थियो। प्रक्षेपण गरिएको करिब ५७३ सेकेन्डपछि शेन्झाउ-२ भूउपग्रह अन्तरिक्ष केन्द्रमा प्रवेश गरेको थियो। सीएमएसएले भूउपग्रह र त्यहाँ यात्रारत सबै अन्तरिक्ष यात्रीको अवस्था राम्रो रहेकाले अन्तरिक्ष कार्यक्रम सफल भएको जनाएको छ।

यसपटक अन्तरिक्ष गएका यात्रीहरुमा शेन्झाउ-६ र शेन्झाउ-१० बाट दुई पटक अन्तरिक्ष यात्रा गरिसकेका ५६ वर्षीय निई हाइसेङ, शेन्झाउ-७ अभियानमा संलग्न ५४ वर्षीय लिउ बोमिङ र पहिलो पटक अन्तरिक्ष यात्रा गर्न लागेका ४५ वर्षीय टाङ होङ्बो रहेका छन्। उनीहरुले चीनको अन्तरिक्ष कार्यक्रममा तीन महिनासम्म बसेर नयाँ रेकर्ड कायम गर्नेछ। यसअघि सन् २०१६ मा शेन्झाउ-११ बाट अन्तरिक्ष गएका यात्रीहरु ३३ दिनसम्म अन्तरिक्षमा बसेका थिए।

यसपटक अन्तरिक्षको यात्रामा जानेहरुले यसअघिका भन्दा निकै जटिल र चुनौतीपूर्ण कार्य गर्नु पर्ने चिनियाँ अन्तरिक्ष केन्द्रका सहायक निर्देशक हाओ चुनले बताए। यस पटक अन्तरिक्ष यात्रीहरुले खासगरी अन्तरिक्ष केन्द्रको सञ्चालन, सरसफाई, उपकरणको परीक्षण एवं केही वैज्ञानिक अनुसन्धान गर्नेछन्। चीनले गत अप्रिल २९ मा नयाँ अन्तरिक्ष केन्द्रको मुख्य मोड्युल पठाएको थियो।

यो पनि : नयाँदिल्ली भारतले दुई महिनाको लागि दक्षिण चीन सागरमा चार युद्धपोतको एक टास्क फोर्स पठाउँदैछ। जहाँ भारतीय फौजले अमेरिका, जापान र अष्ट्रेलियाका क्वाड साझेदार मुलुकका फौजसँग अभ्यास गर्नेछ।

भारतीय रक्षा मन्त्रालयले सोमबार यसबारे विज्ञप्ति जारी गर्दै जानकारी दिएको हो। रक्षा मन्त्रालयका अनुसार दुई युद्धपोतहरु यसै महिनको सुरुमा त्यसतर्फ प्रस्थान गर्नेछन्। तर प्रस्थान मिति भने रक्षा मन्त्रालयले यकिन गरेको छैन।

भारतीय टास्क फोर्सले अन्तिम तयारी गरेको बताइएको छ। जसमा एक गाइडेड मिसाइल विनाशक लगायत लडाकु विमान तयारी अवस्थामा राखिएको छ। दुई महिनाको अवधिमा भारतीय फौजले मालाबार २०२१ मा अमेरिका, जापान र अष्ट्रेलियासँग नौसेना अभ्यासमा पनि भाग लिनेछन्।

यस क्रममा भारतीय युद्धपोतको सिंगापुर, भियतनाम, इन्डोनेसिया र फिलिपिन्सका नौसेनासँग पनि द्विपक्षीय अभ्यास हुने भारतीय रक्षा मन्त्रालयले जनाएको छ। विश्वका शक्ति राष्ट्रहरुबीच विवादको कारण बनेको दक्षिण चीन सागरलाई चीनले आफ्नो सार्वभौम क्षेत्र दावी गर्दैआएको छ। पछिल्लो समय यही क्षेत्रलाई लिएर चीन र अमेरिकाबीच विवाद तिब्र रुपमा बढेको छ।

प्रतिक्रिया