आज : गते

ताजा शिर्षकहरु

चर्चित शिर्षकहरु

ज्वाला संग्रौलालाई तीन दिन हिरासतमा राख्न अनुमति

प्रकाशित
501
SHARES

काठमाडौं ।आफूलाई अभियन्ता बताउने ज्वाला संग्रौलालाई तीन दिन हिरासतमा राख्न प्रशासनले अनुमति दिएको छ । अभद्र व्यवहार सम्बन्धी कसूरमा अनुसन्धानका लागि हिरासतमा राख्न जिल्ला प्रशासन कार्यालय, काठमाडौंले अनुमति दिएको हो ।काठमाडौंका प्रमुख जिल्ला अधिकारी कालिप्रसाद पराजुलीले काठमाडौं प्रहरी आएको माग अनुसार अनुसन्धानका लागि अनुमति दिइएको बताय संग्रौलासँगै उनका पति हिमाल उपाध्याय र शर्मिला वाइवालाई पनि थुनामा राख्न अनुमति दिइएको छ ।

युवा संघकी नेतृ खुश्बु (नविता) घिमिरेले दिएको किटानी जाहेरीका आधारमा संग्रौला पक्राउ परेकी थिइन् । घिमिरेमाथि एक महिनाअघि संग्रौलाले प्रहरी वृत्त, गौशालामा कुटपिट गरेको जाहेरीमा भनिएको छ ।

संग्रौलाले महाराजगञ्ज प्रहरीका असई मणिकान्त झालाई रंगभेदी अभिव्यक्ति दिएर दुर्व्यवहार गरेपछि पुरानो घटना पनि सतहमा आएको थियो  र, प्रहरीले उनको खोजी थालेको थियो ।

टेलिभिजन कार्यकम प्रस्तोता रवि लामिछानेले ज्वाला संग्रौला सहित अन्य केही ब्यक्तीहरुले गल्ती गरेको प्रमाणित भए कडा भन्दा कडा कारवाही गर्न माग गरेका छन् । प्रस्तोता लामिछानेले आफूलाई सामाजिक अभियान्त बताउने संग्रौलासहित अन्य व्यक्तीमाथि अभद्र व्यवहार र कुटपिटमा जाहेरी परेको थाहा पाए पछि थप जानकारी लिन टेकु पुगेको जानकारी दिएका हुन्।

पत्रकार रवि लामिछानेले, कार्यक्रम सकेर जादा अलि ढिला भएकाले भेट्न नपाइएको जानकारी दिएका छन्। जाहेरीमा उल्लेख भए बमोजिम ज्वाला संग्रौलाले गल्ती गरेको पाइएको र सो प्रमाणित भयो भने कडा भन्दा कडा सजाय दिइयोस् भन्दै पत्रकार रवि लामिछानेले माग गरेका छन्।

“ज्वाला संग्रौला सहित अन्य केही ब्यक्तीहरु माथि कुटपिटमा जाहेरी परेको थाहा पाए पछि थप जानकारी लिन टेकु पुगेको थिएं,कार्यक्रम सकेर जादा अलि ढिला भएकाले भेट्न दिइएन र थप बुझ्न पाइएन।जाहेरीमा उल्लेख भए बमोजिम उनले गल्ती गरेकी रहिछन् र सो प्रमाणित भयो भने कडा भन्दा कडा सजाय दिइयोस्।” पत्रकार रवि लामिछानेले भनेका छन्।

पत्रकार रवि लामिछानेले सामाजिक संजालमा लेखेका छन् “ज्वाला संग्रौला सहित अन्य केही ब्यक्तीहरु माथि कुटपिटमा जाहेरी परेको थाहा पाए पछि थप जानकारी लिन टेकु पुगेको थिएं,कार्यक्रम सकेर जादा अलि ढिला भएकाले भेट्न दिइएन र थप बुझ्न पाइएन।जाहेरीमा उल्लेख भए बमोजिम उनले गल्ती गरेकी रहिछन् र सो प्रमाणित भयो भने कडा भन्दा कडा सजाय दिइयोस्।तर बिगतमा विभिन्न बेथितिका विरुद्ध बोलेको रिस पनि यहि मौकामा फेर्न,मुद्दा माथी मुद्दा चलाउने दाउ चाहिँ नरचियोस् है।न्यायको समान अवसर दुबै पक्षलाई मिल्ने नै छ भन्नेमा दृढ़ छु।”

आफूलाई अभियन्ता बताउने ज्वाला संग्रौलासहित तीन जना पक्राउ परेका छन् । प्रहरी कार्यालयमा महिलामाथि कुटपिट गरेको अभियोगमा ज्वालासँगै शर्मिला वाइबा र हिमाल उपाध्याय पक्राउ परेका छन् ।

पीडित खुश्बु घिमिरेले दिएको किटानी जाहेरीका आधारमा उनीहरुलाई अभद्र व्यवहारको कसूरमा अनुसन्धानका लागि पक्राउ गरिएको प्रहरीले जनाएको छ । संग्रौलामाथि ट्राफिक प्रहरी वृत्त, महाराजगञ्जका प्रहरी सहायक निरीक्षक ९असई० मणिकान्त झालाई दुर्व्यवहार गरेको पनि आरोप छ ।

झालाई उनले सरुवा गराइदिने धम्की दिंदै रंगभेदी अभिव्यक्ति दिएकी थिइन् । त्यसको चर्को विरोध भइरहेका बेला झाको काज सरुवा भएको खुल्यो । पछि ट्राफिकले पुनः उनलाई महाराजगञ्ज नै फिर्ता पठाएको थियो ।

प्रहरी परिसर टेकुमा राखिएका वेला संग्रौलालाई पनि पीडितको तर्फबाट बताउने सुजन खत्री र सुमन चित्रकारले कुटपिट गरेका छन् । उनीहरुले आफूलाई युवा संघको कार्यकर्ता बताएका छन् ।

 

प्रतिक्रिया