आज : गते

ताजा शिर्षकहरु

चर्चित शिर्षकहरु

खनाल अस्पताल भर्ना भएका बेला एकाएक माधव नेपाल निवास किन पुगे देउवा र प्रचण्ड ?

प्रकाशित
219
SHARES

काठमाडौँ । प्रधानमन्त्री एवं एमाले अध्यक्ष केपी शर्मा ओलीले पार्टीभित्र दादागिरी मच्चाएको भन्दै बरिष्ट नेता झलनाथ खनाल र माधव नेपाल एक भएकाे लामो समय हुन् लाग्यो । यतिबेला नेता खनाल स्वास्थ्यमा आएको समस्याका कारण नर्भिक अस्पतालमा उपचाररत छन् ।

यहि समयमा यता माधवकुमार नेपालले कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’लाई आफ्नै निवासमा बोलाएर बैठक सुरु गरेका छन् । एमाले नेता लाई भेट्न प्रचण्ड र देउवा २ जना उनको निवास पुगेका छन् । नेपालको सचिवालयका अनुसार देउवा पहिला पुगेका थिए भने त्यसको केहीबेर पछि प्रचण्ड पनि नेपालको निवास कोटेश्वर पुगेका हुन् ।

अहिले तीन नेताबीच छलफल चलिरहेको नेपाललको सचिवालयले जानकारी दियो । पछिल्लो समय एमालेका दोस्रो तहका नेताहरु पार्टी एकताका लागि संवादमा रहेकै बेला देउवा र प्रचण्ड नेपाललाई भेट्न उनको निवास पुगेका हुन् ।

नेपाल निकट नेता बेदुराम भुसालले पछिल्लो समसामयिक विषयमा छलफलका लागि तीन नेताबीच भेट भएको बताए । ‘उहाँहरु भेटिरहनु भएको छ । कहिले बुढानिलकण्ठ, कहिले कोटेश्वर, कहिले कता । यो सामान्य भेटघाट हो,’ भुसालले भने ।

एमालेको संस्थापन पक्षसँग संवादमा रहेका नेपाल निकट एक नेताका अनुसार अध्यक्ष केपी शर्मा ओली ०७५ जेठ २ मा कायम पार्टी संगठनका बैठक बोलाउन र फागुन २८ यताका निर्णय सच्याउन करिबकरिब तयार भएका छन् ।

तर, देउवालाई प्रधानमन्त्री बनाउन माग गर्दै सर्वोच्चमा दायर रिटमा गरिएको २३ सांसदको हस्ताक्षर फिर्ता लिनुपर्ने अडान ओली पक्षले राखेको छ । नेपाल पक्षले भने प्रतिनिधिसभा विघटनको निर्णय फिर्ता लिए हस्ताक्षर पनि फिर्ता हुने अडान राखेको छ ।

यस्तै उता नेकपा एमाले सुदूरपश्चिम प्रदेश संसदीय दलले ७ प्रदेशसभा सदस्यलाई निलम्बन गरेको छ । संसदीय दलको सोमबार बसेको बैठकले ह्वीप उल्लंघन गरेको भन्दै केपी शर्मा ओली पक्षका ७ जनालाई निलम्बन गरेको हो ।

माधवकुमार नेपाल समूहको बहुमत भएको संसदीय दलले मुख्यमन्त्री त्रिलोचन भट्टलाई विश्वासको मत दिन ह्वीप जारी गरेको थियो । तर ओली पक्षका सांसद लिलाधर भट्ट, नेपालु चौधरी, रतन थापा, पठानसिंह बोहरा, ग्याल्बु बोहरा, माया तामाङ र बलदेव रेग्मीले विपक्षमा मत दिएपछि दल नेता प्रकाशबहादुर शाहले स्पष्टीकरण सोधेका थिए । यस्तै उनीहरुले संसदीय दलको ह्वीप विपरी सुदूरपश्चिम प्रदेश सरकारको नीति तथा कार्यक्रमको विपक्षमा मतदान गरेका थिए ।

सोमबार बसेको दलको बैठकले उनीहरुमध्ये केहीलाई ७ र केहीलाई १० दिनका लागि निलम्बन गर्ने निर्णय गरेको प्रमुख सचेतक दुर्गा विकले जानकारी दिइन् । संसदीय दलको बैठकमा ओली पक्षका प्रदेशसभा सदस्यहरु पनि सहभागी थिए । संसदीय दलको विधान केन्द्रीय कमिटीबाट अनुमोदन नभएकाले निलम्बन गलत भएको ओली पक्षका प्रदेशसभा सदस्य लिलाधर भट्टले बताए ।

यसैबीच राजनीतिक प्रतिशोधका आधारमा सरकारको दबाव र प्रभावका कारण आफ्नो पार्टीका प्रदेशसभा सदस्य नरोत्तम वैद्यमाथि ह’त्या दुरुत्साहनको आरोपमा जाहेरी दर्ता गरिएको प्रतिपक्षी दल नेपाली कांग्रेसले आरोप लगाएको छ ।

प्रदेशसभा आफ्नो धारणा राख्ने क्रममा सांसद वैद्यले महात्मा गान्धीको ह’त्यारा नाथुराम गोड्सेको नाम लिएर प्रधानमन्त्री केपी शर्मा ओलीविरुद्ध आफू गोड्से बन्न तयार रहेकोभन्दै संसदीय मर्यादाविपरित अभिव्यक्ति दिएका थिए । उनीविरुद्ध आइतबार जिल्ला प्रहरी कार्यालय मकवानपुरमा सत्तारुढ एमालेको भातृ संगठन युवा संघका जिल्ला सदस्यले हत्या दुरुत्साहनको आरोपमा मुद्दा चलाउन जाहेरी दर्खास्त दर्ता गराएका हुन् ।

कांग्रेस वाग्मती प्रदेश संसदीय दल नेता इन्द्रबहादुर बानियाँले सोमबार विज्ञप्ति जारी गर्दै वर्तमान अवस्थामा देशमा व्याप्त चरम निराशा र यसबाट उत्पन्न राजनीतिक परिस्थितीको विश्लेषण गर्दै उदाहरणको क्रममा भावावेशमा आएर प्रधानमन्त्रीप्रति लक्षित गरी अभिव्यक्ति दिएको बताएका छन् ।

‘वैद्यको अभिव्यक्ति पार्टीको आदर्श, नीति र संसदीय अभ्यास र गरिमा विपरीत भएकाले अभिव्यक्ति फिर्ता लिन लगाएका हौं । सदनको रेकर्डबाट हटाउन सभामुखलाई औपचारिक रुपमा अनुरोध गरिसकेका छौं । सोहीअनुसार रेकर्डबाट समेत हटाइसकिएको छ । यस्तो अवस्थामा राजनीतिक प्रतिशोधका आधारमा सरकारको दबाव र प्रभावमा हत्या दुरुत्साहनमा प्रहरी कार्यालयमा जाहेरी दर्ता भएको छ,’ विज्ञप्तिमा भनिएको छ ।

‘नेपालको संविधानको धारा १८७ मा प्रदेशसभाको विशेष अधिकारको उपधारा १ मा संविधानको अधिनमा रही प्रदेशसभामा पूर्ण वाक स्वतन्त्रता हुनेछ । प्रदेशसभामा व्यक्त गरेको कुनै कुरा वादिएको कुनै मतलाई लिएर प्रदेशसभा सदस्यलाई पक्राउ गर्ने थुनामा राख्ने वा निजउपर कुनै अदालतमा कारबाही चलाइने छैन भन्ने संवैधानिक व्यवस्थाको पूर्णरुपमा बर्खिलाप बद्नियतपूर्ण तवरबाट जाहेरी दर्ता भएकोमा संसदीय दल गम्भीर आपति प्रकट गर्दछ,’ विज्ञप्तिमा भनिएको छ ।

प्रदेश सभाको विशेषाधिकारको हनन् गर्दै प्रदेशसभाको मानहानी गर्ने कार्य नेपालको संविधानको बर्खिलापमा रहेको र प्रहरी अनुसन्धान अधिकारीलगायत सरकारका कुनै पनि निकायलाई यसो गर्ने कानूनी अधिकार नभएको कांग्रेस संसदीय दलका नेता बानियाँको दाबी छ ।

उनले प्रहरीले जोहरी दर्ता गरेर संवैधानिक मूल्यमान्यता र संसदीय अभ्यासमा गम्भीर आघात पुर्‍याएको बताए । ‘संवैधानिक व्यवस्था विधिका शासन र प्रचलित कानुनविपरित गरेको यस्तो कार्यको आवश्यक परेमा प्रदेशसभामा सशक्त प्रतिवाद गर्नेछौं,’ उनले भने ।

यस्तै नेपाली कांग्रेसले क्रियाशील सदस्यताको थप विवरण सार्वजनिक गरेको छ । नेपाली कांग्रेसको केन्द्रीय क्रियाशील सदस्यता छानबिन समितिले आज थप ३३ जिल्लाका ६५ स्थानको क्रियाशील सदस्यता नामावली पार्टीको वेबसाइटमार्फत सार्वजनिक गरेको छ ।

समितिको यही जेठ २९ गतेको निर्णयअनुसार आवश्यक प्रक्रिया पूरा गरेका क्रियाशील सदस्यताका लागि प्रस्ताव गरिएका थप नामावली सार्वजनिक गरिएको समिति सचिव केशव रिजालले जानकारी दिए । कांग्रेसले यसअघि १०१ स्थानका क्रियाशील सदस्यता विवरण सार्वजनिक गरी सकेको छ ।

आज सार्वजनिक गरिएका र यसअघि सार्वजनिक गरिएका नामावलीउपर कुनै उजूरी, गुनासा वा सुझाव भएमा समितिमा उजूरी तथा गुनासो पठाउन सकिने व्यवस्था गरिएको उनले बताए । आगामी असार ६ गतेपछि प्राप्त भएका उजूरीउपर कुनै सुनुवाइ नहुने पार्टी कार्यालयले जनाएको छ ।

सार्वजनिक गरिएका प्रस्तावित नामावलीमा कुनै त्रुटि भएको भए वा छुट भएको भए नयाँ सदस्यतातर्फ प्रतिनिधिसभा क्षेत्रीय कार्यसमितिले र नवीकरण तर्फका जिल्ला कार्यसमितिले स्पष्ट आधार र प्रमाणसहित त्रुटि सच्याउन वा नाम समावेश गराउन असार ६ गतेभित्र नै लेखी पठाउनुपर्ने व्यवस्था गरिएको छ ।

सार्वजनिक गरिएका सबै जिल्ला र क्षेत्रले आफूअन्तर्गतका वडा, पालिका, प्रदेशसभा क्षेत्र, प्रतिनिधिसभा क्षेत्र र जिल्ला कार्यसमितिको निर्णय प्रतिलिपि तथा आवश्यक विवरण एक हप्ताभित्र अनिवार्यरुपमा केन्द्रीय कार्यालयमा पठाउन कांग्रेसले निर्देशन दिएको छ ।

प्रतिक्रिया