आज : गते

ताजा शिर्षकहरु

चर्चित शिर्षकहरु

थप ७५ जना कोरोना संक्रमितको मृत्यु , कति भयो संक्रमण पुष्टि ?

प्रकाशित
468
SHARES

काठमाडौं । नेपालमा बितेको पछिल्लो २४ घण्टामा थप ६८२५ जनामा कोरोनाभाइरस संक्रमण पुष्टि भएको छ । यस्तै ५९०४ जना निको भएको स्वास्थ्य तथा जनसंख्या मन्त्रालयले बिहीबार जनाएको छ । मन्त्रालयका अनुसार सोही अवधिमा ७५ जनाले ज्यान गुमाएका छन् ।

मन्त्रालयका अनुसार २१ हजार ७७३ जनामा कोरोना परीक्षण गर्दा ६८२५ जनामा संक्रमण पुष्टि भएको हो । जसमा एन्टिजेन विधिबाट ३२११ जनाको परीक्षण भएको छ भने पीसीआर विधिबाट १८ हजार ५६२ जनाको परीक्षण भएको छ ।

यससँगै देशभर कोरोनाभाइरस संक्रमितको कुल संख्या ५ लाख ७६ हजार ९३६ पुगेको छ भने निको हुनेको संख्या ४ लाख ६७ हजार ४६७ जना रहेको छ । यस्तै मृतकको कुल संख्या ७ हजार ६३० पुगेको छ । हाल देशभर कोरोनाको सक्रिय संक्रमित १ लाख १ हजार ८३९ जना रहेको छ । हाल संक्रमण निको हुने दर ८१ प्रतिशत रहेको छ ।

त्यस्तै नेपालमा कोरोना भाइरसको नयाँ भेरियन्ट भेटिएको दावीसहित बेलायती पत्रपत्रिकाले समाचार प्रकाशित गरेपछि नेपालले बेलायत सरकारसँग जानकारी माग गरेको छ ।

स्वास्थ्य तथा जनसंख्या मन्त्रालयका प्रवक्ता डा. कृष्ण पौडेलले नेपालमा नयाँ भेरियन्ट भेटिएकोबारे बेलायत सरकारसँग भएको जानकारी पठाउन शुक्रबार बिहान त्यहाँको इन्टरनेशनल हेल्थ रेगुलेशनलाई इमेलमार्फत पत्राचार गरेको बताए ।

‘बेलायती सञ्चारमाध्यमहरुमा नेपालमा नयाँ भेरियन्ट भेटिएको बारे दावी गरिएको रहेछ । तर यसबारे हामीलाई कुनै जानकारी छैन,’ उनले भने, ‘नेपालमा अल्फा र डेल्टा भेरियन्ट भेटिएका छन् । तर एक्कासी नयाँ भेरियन्ट भेटिएको कुराले हामी आश्चर्यचकित भएका छौं ।’ बेलायतले पनि हालसम्म नेपालबाट फर्किएकाहरुमा डेल्टा भेरियन्ट भेटिएको बताएको तर नयाँ भेरियन्टबारे आधिकारिक जानकारी नगराएको पौडेलले जानकारी दिए ।

‘हामी आफैं यसबारे अनभिज्ञ छौं । बेलायतले जानकारी गराए अनुसार यहाँबाट गएकाहरुमा डेल्टा भेरियन्ट भेटिएको खबर पाएका छौं । नयाँ भेरियन्टबारे कुनै अफिसियल जानकारी छैन’ डा. पौडेलले भने । डेल्टा (बी.१.६१७.२) भेरियन्ट भने भारतमा पत्ता लागेको र नेपालमा पनि फैलिएको भेरियन्ट हो ।

नेपालमा कुन भेरियन्ट फैलिएको भन्नेबारे नियमित अध्ययन भइरहेको समेत उनले बताएका छन् । स्वास्थ्य मन्त्रालयका प्रवक्ता डा पौडेल भन्छन्, ‘भेरियन्टबारे पत्ता लगाउन जिन सिक्वेन्सिङ भइरहेको छ, तर नयाँ भेरियन्टबारे हाम्रो जानकारीमा छैन ।’

चिन्ता र तनावले निम्त्याउने ११ जोखिम

चिन्ता, तनाव यि दुबैले मानिसलाई सताउन थालेपछि मानिस बिना कारण रोगी बन्न पुग्दछ । नेपालीमा उखान पनि छ, चिन्ताले चितामा पुर्याउँछ । त्यसैले आफैमा रोग नभए पनि चिन्ताले धेरैं शारीरिक तथा मानसिक रोगलाई जन्माउँछ । चिन्ता वा तनावले निम्त्याउने समस्याहरु निम्न छन् :

१. मधुमेह, उच्च रक्तचाप
यदि चिन्ता र तनाव कम भएन वा समयमै उपचार भएन भने डिप्रेसनका साथै अन्य कडा खालका मानसिक रोग हुनसक्छ । चिन्ता र तनाव लिने व्यक्तिमा क्यान्सर, फोक्सोसम्बन्धी रोग, लिभर सिरोसिस, उच्च रक्तचाप, मधुमेहजस्ता रोग लाग्ने जोखिम बढी हुन्छ ।

२. कमजोर यौन जीवन
तनाव र चिन्ताले यौन उत्तेजना जगाउने रसायनलाई निस्तेज पारिदिन्छ । जसले व्यक्तिमा यौनप्रति इच्छा कम हुँदै जान्छ । चिन्ता लिने व्यक्तिको शरीरमा सेक्स हर्मोन टेस्टोस्टेरोनको मात्रा कम हुदैँ जान्छ ।

३. कपाल झर्न थाल्छ
अहिले उमेरले ३० नकट्दै अधिकाशं युवामा कपाल झर्ने समस्या रहने गरेको छ । जसको प्रमुख कारक हो, चिन्ता । चिन्ता लिदाँ शरीरमा कोर्टिसोल नामक हर्मोन उत्सर्जन हुन्छ, जसले कपालका जरालाई कमजोर गरिदिन्छ र कपाल झर्न थाल्दछ ।

४. दाँत बिग्रने
अनावश्यक रुपमा धेरै चिन्ता लिने वा तनावमा बस्नेहरुमा दाँत खिइने, गिजामा समस्या हुने लगायतका दाँत सम्बन्धी समस्या हुने गर्दछ ।

५. मुटु कमजोर हुन्छ
चिन्ता लिने व्यक्तिको मुटुको मांसपेशी कमजोर हुदैँ जान्छ । अर्थात स्टेस हर्मोनले मुटुको धड्कन बढाउनुका साथै नसा संकुचित पारेर रक्तसञ्चारमा बाधा उत्पन्न गराउँछ । तसर्थ यस्ता व्यक्तिलाई हृदयाघात हुने जोखिम अन्य व्यक्तिलाई भन्दा बढी हुन्छ ।

६. मोटो बनाउँछ
चिन्ता लिने व्यक्तिहरु शरिरलाई चाहिनेभन्दा बढि खाना खाने गर्दछन् । उनिहरु जति खाए पनि अघाउँदैनन् । जसले गर्दा शरीर मोटो र अस्वभाविक बन्न पुग्दछ ।

७. उमेर अगावै बूढो
सधैँ चिन्तामा रहने व्यक्तिको शरीरमा नयाँ कोषको विकास ढिलो हुन पुग्दछ । जसले व्यक्ति चाँडै बूढो देखिन्छ । छालामा चाउरी पर्ने, मांसपेशी कमजोर हुने, आँखा कमजोर हुने जस्ता बुढ्यौलीका संकेत चिन्ता लिने व्यक्तिमा अरु भन्दा चाँडै देखा पर्दछ ।

८. रोगप्रतिरोधी क्षमतामा कमी
चिन्ता लिने व्यक्तिको शरीरमा रोगप्रतिरोधी क्षमता कम हुन्छ । यस्ता व्यक्तिमा रुघाखोकी, ज्वरोजस्ता रोग बारम्बार लागि रहन्छ ।

९. मष्तिकमा असर
चिन्ता लिने व्यक्तिहरुमा दिमागमा पनि हानी पुग्दछ । चिन्ताले मष्तिकमा रहने हिप्पोक्यामस भन्ने भाग ‘ड्यामेज’ गरिदिन्छ । परिणामतः व्यक्तिको स्मरणशक्ति घट्दछ ।

१०. शरीरमा विकार बढ्दछ
चिन्ता लिँदा शरिरमा बोसो र चिनीयुक्त खानाप्रति आशक्ति बढ्न जान्छ । जसले शरीरमा विकार निरन्तर सञ्चय हुन पुग्दछ । र शरीरमा रोगहरु थपिदै जान्छ ।

११. अत्यधिक जीउ दुख्छ
चिन्ता र तनाव लिइरहने व्यक्तिको हड्डीमा खनिजकोे मात्रा घट्न जान्छ । जसका कारण निरन्तर चिन्ता लिने व्यक्तिहरुमा अत्यधिक जीउ दुख्ने समस्या हुने गर्दछ।

प्रतिक्रिया