आज : गते

ताजा शिर्षकहरु

चर्चित शिर्षकहरु

विज्ञप्तिमा प्रयोग गरिएको भाषामा देउवाप्रति ओलीको आक्रोश

प्रकाशित
486
SHARES

काठमाडौँ । प्रधानमन्त्री केपी शर्मा ओलीले नेपाली काँग्रेसले राष्ट्रपतिलाई तपाईँ भनेर सम्बोधन नगरेको भन्दै आक्रोश पोखेका छन् । आज काँग्रेस सभापति शेरबहादुर देउवाले जारी गरेको वक्तव्यको भाषाप्रति असन्तुष्टि जनाउँदै उनले ‘राष्ट्रपतिलाई तपाई समेत भन्ने सभ्यता नेपाली काँग्रेसमा रहेनछ’ भन्दै कटाक्ष गरे ।

बुद्धिबहादुर रायमाझीको १६ वर्षे जेल जीवनको पुस्तक लोकार्पण कार्यक्रममा बोल्दै प्रधानमन्त्री ओलीले राष्ट्रपतिको सम्बन्धमा देउवाको विज्ञप्तिमा प्रयोग गरिएको भाषामा ‘तिमी, गरिन्’ भन्ने रहेको भन्दै असन्तुष्टि पोखेका हुन् । ‘तपाईँ पनि भन्नु हुँदैन राष्ट्रपतिलाई भन्ने ठान्छन् । असभ्य तरिकाले बोल्ने तिनै आफूलाई महान ठान्छन् । नेपाली काँग्रेसका सभापतिको त्यस स्तरको भाषा देखेपछि गणतन्त्रलाई खुइल्याउने अभियान कहाँसम्म पुगेको रहेछ भन्ने अचम्म लाग्यो’ ओलीले भने ।

जसले लोकतन्त्र मान्दैनन्, उसैले लोकतन्त्रको प्वाँख जोडे : प्रधानमन्त्री ओली

प्रधानमन्त्री केपी शर्मा ओलीले कम्युनिस्ट आन्दोलन विरुद्ध भद्दा, नग्न र कुरुपता प्रदर्शन भइरहेको बताएका छन् । शनिबार बालुवाटारमा बुद्धिबहादुर रायमाझीको १३ बर्षे जेल जीवन पुस्तक विमोचन कार्यक्रममा प्रधानमन्त्री ओलीले विरोधी प्रतिक्रियावादीसँग मिलेर नेपालभर फिँजिएको उज्यालो निभाउन खोजिएको बताए ।

‘आन्दोलनका विरुद्ध इतिहासमा कहीँ नदेखिएको भद्दा, नग्न र कुरुपता, अराजकताको विपक्षीसँग मिलेर विरोधीसँग मिलेर नेपालभरी फिँजिएको उज्यालोलाई निभाउन प्रतिक्रियावादी शक्तिको मतियार भएर निर्लज्जता पूर्वक अहिले पनि आन्दोलनविरुद्ध लााग्ने तत्व देखिएका छन्’, प्रधानमन्त्री ओलीको भनाई छ ।

उनले यस्तै प्रवृत्तिका कारण मलेसिया लगायतका देशको आन्दोलन सिद्धिएको भन्दै दुनियाँमा सामाजिक न्याय र समृद्धिका निम्ती लड्ने कम्युनिस्ट विचार मात्रै भएको बताए । तर त्यस विचारको यात्रा सहज नहुने र प्रतिक्रियावादीले नसहने प्रधानमन्त्री ओलीको भनाइ छ ।

कठिन दिन र भोगाइहरूबाट आजको उपलव्धी भएको भन्दै ओलीले आज केही नेताहरु इमान छोड्ने र अहंकारी बन्ने र म हुँ भन्ने भावनाबाट विमारी भएको बताए । इमान छोड्ने प्रवृति हिजो पनि देखिएको भन्दै प्रधानमन्त्रीले जुन दलसँग प्रतिस्पर्धा गरिएको हो उही दलको नेतालाई प्रधानमन्त्री बनाएर अनुशासनहीन काममा एमालेकै नेताहरु लागि परेको बताए ।

उनले यस्तो अराजकतालाई सामान्य भन्न नमिल्ने भन्दै जव नेता बिक्छन् र पतित हुन्छन तब आन्दोलनलाई सकिने बताए । ‘इमान छोड्नु अहंकारी हुनु म भन्ने भावनाबाट आक्रान्त बिमारी हुनुले नेपालको आन्दोलन ध्वस्त पार्ने प्रयास भइरहेको छ’, ओलीले भने, ‘त्यसलाई फुटाइयो तर अदालतलाई अपजस लगाइयो ।

जसले लोकतन्त्र मान्दैनन्, उनीहरु लोकतन्त्रको प्वाँख जोडेर देशलाई अराजकता र असभ्यताको असभ्यतातिर लान खोजेको छ’, उनले काँग्रेस सभापति शेरबहादुरर देउवाको नामै लिएर पाखण्डी भाषा प्रयोग गरेको बताए । ओलीले पुष्पकमल दाहालले १५ वर्षदेखि बोलेका र बचन लगाएका आरोप हेर्ने हो भने अत्यन्तै गम्भिर रहेको भन्दै त्यसलाई असभ्यताको पराकाष्ठाको संज्ञा दिए ।

 

प्रतिक्रिया