आज : गते

ताजा शिर्षकहरु

चर्चित शिर्षकहरु

भारतमा यी व्यक्तिहरूलाई ३ महिनापछि मात्र खोप दिइने

प्रकाशित
506
SHARES

काठमाडौं । कोभिड १९ को खोप अभियानको लागि सरकारी प्यानल नेसनल एक्सपर्ट ग्रुप अन भ्याक्सिन एडमिनिस्ट्रेसनले केन्द्रीय स्वास्थ्य एवं परिवार कल्याण मन्त्रालयले कोरोना भाइरसको खोप अभियानको लागि नयाँ निर्देशन जारी गरेको छ ।

उक्त एक्सपर्ट ग्रुपले कोरोना भाइरस संक्रमण भएर पुष्टि हुनेहरुको खोप अभियान ३ महिनाको लागि स्थगित गर्न सुझाव दिएको छ । यसका अलावा कोरोनाको पहिलो खोप लिएपछि जो कोरोना भाइरस संक्रमित भइरहेका छन् । उनीहरुलाई समेत दोस्रो डोज ३ महिनापछि मात्रै दिन सल्लाह दिइएको छ । साथमा स्तनपान गराउने महिलालाई समेत खोप अभियानमा संलग्न गराउन आग्रह गरेको छ ।

के सल्लाह दिइएको थियो सरकारलाई ?

एनइजीभीएसीले कोभिड १९ महामारीको स्थिति र दुनियाँभरको वैज्ञानिक प्रमाणहरुको आधारमा केन्द्रीय स्वास्थ्य मन्त्रालयलाई दिइएको थियो। जसलाई सरकारले स्वीकार गरेको हो ।  यी सल्लाहलाई मन्त्रालयले राज्य र केन्द्र शासित प्रदेशहरुलाई समेत यसबारे सूचना दिइसकेको छ ।

केन्द्र सरकारले भाइरस कोरोना भाइरस लागेर निको भएकाहरुलाई तीन महिनासम्मको लागि रोक लगाइएको छ । साथमा केन्द्र सरकारलाई एक्सपर्टहरुले यो पनि सुझाव दिएका छन् कि गम्भीर किसिमको बिरामीहरु जसलाई अस्पताल या आइसीयूमा भर्ती गराउनु जरुरत हुन्छ । उनीहरुको लागि समेत खोप अभियान ४ देखि ८ हप्ता पछि सार्न भनिएको छ ।

कहिले गर्न सकिन्छ रक्तदान ?

सरकारले ती व्यक्तिहरुलाई कोरोनाको खोप अभियानमा संलग्न भएकाहरु र कोरोना ठीक भएकाहरुले १४ दिनपछि मात्रै रक्तदान गर्न सुझाव दिएको छ । कोरोनाबाट ठीक भएको भन्नुको अर्थ यो हो कि आरटीपीसीआर परीक्षणमा नेगेटिभ आएको १४ दिनपछि मात्रै संक्रमण भएको व्यक्तिले रक्तदान कार्यमा सहभागी हुन सक्नेगरी सूचना जारी गर्न सुझाव दिएको थियो ।

यसका साथ जो महिलाहरु बच्चालाई स्तनपान गराउछिन् उनीहरुलाई समेत खोप अभियानमा संलग्न गराउन सुझाव दिइएको छ । भारतमा गर्भवती महिलाहरुको खोप अभियान कहिले हुन्छ ? यसबारे अहिले पनि चर्चा जारी छ ।

केन्द्रीय स्वास्थ्य मन्त्रालयले भन्यो कि यसले यस सम्बन्धमा सबै राज्यहरु र केन्द्र शासित प्रदेशहरुका सम्बन्धित अधिकारीहरुलाई सूचित गरिसकेको छ र उनीहरुलाई सोही अनुसार काम गर्न भनिएको छ। यसका साथसाथै राज्यहरूलाई विभागका साथसाथै यी सूचनाहरू सर्वसाधारणमा पनि फैलाउन भनिएको छ । बिबिसीबाट

यस्तै नयाँ दिल्ली(एएनआई)- कोरोना भाइरस सङ्क्रमित बिरामीले सङ्क्रमणमुक्त भएको कति समयपछि खोप लगाउने ? ठ्याक्कै यति नै समय भन्ने उत्तर कसैसँग छैन । तर भारतीय विज्ञहरूले तीन महिनापछि खोप लिनु राम्रो हुने जनाएका छन् ।

कोरोनामुक्त भएकाहरूका लागि पनि तीन महिनापछि खोप जरूरी भएको भन्दै विज्ञहरूले भारतमा खोप अभियान तीन महिना स्थगित गर्न आग्रह गरेका छन् । भारतीय कोभिड–१९ खोप प्रशासन राष्ट्रिय विशेषज्ञ समिति (एनईजीभीएसी) ले बुधवार यस्तो सिफारिस गरेको हो ।

केन्द्रीय स्वास्थ्य तथा परिवार कल्याण मन्त्रालयका अनुसार एनईजीभीएसीको नयाँ सिफारिसहरू कोभिड–१९ महामारीको उदाउँदो अवस्था र उदाउँदो विश्वव्यापी वैज्ञानिक प्रमाण र अनुभवको आधारमा गरिएको हो ।

‘एन्टि सार्स–२ मोनोक्लोनल एन्टिबडी’ वा ‘कम्भलेसेन्ट प्लाज्मा’ दिई उपचार गरिएका कोभिड–१९ सङ्क्रमित बिरामीहरूलाई दिने खोप पनि अस्पतालबाट डिस्चार्ज हुने मितिदेखि तीन महिनासम्म स्थगित गरिनुपर्ने विज्ञहरूको समितिले बताएको छ ।

एनईजीभीएसीका नयाँ सिफारिसहरुमा भनिएको छ, “कुनै व्यक्ति खोपको पहिलो डोज लिएपछि सङ्क्रमित भएमा पनि दोस्रो मात्रा सङ्क्रमणमुक्त भएको तीन महिनासम्मका लागि स्थगित गर्नुपर्नेछ ।”

कोभिड–१९ सङ्क्रमणमुक्त भएको परीक्षण रिपोर्ट आएको १४ दिने वा खोप लगाएको १४ दिनपछि कुनै पनि व्यक्तिले रगतदान गर्न सक्ने विज्ञ समूहले सिफारिस गरेको छ । समितिले अन्य रोग लागेका गम्भीर बिरामीले कोभिड–१९ को खोप लिनुभन्दा पहिले ४–८ हप्ता अस्पतालमा भर्ना हुन वा चिकित्सकको हेरचाह आवश्यक रहेको पनि सुझाब दिएको छ ।

स्तनपान गराउने महिलाले चिकित्सकको सल्लाह लिएर खोप लिन सक्ने तर गर्भवतीहरुका लागि के गर्ने भन्ने बिषयमा अझै खोपका लागि राष्ट्रिय प्राबिधिक सल्लाहकार समूहले छलफल तथा अध्ययनहरू गरिरहेको भारतीय संघीय स्वास्थ्य मन्त्रालयले जानकारी गराएको छ ।

 

 

प्रतिक्रिया