आज : गते

ताजा शिर्षकहरु

चर्चित शिर्षकहरु

भारतीयसहित विदेसी नागरिकमाथि नेपाल आउन प्रतिबन्ध, नेपालीले स्वोदेश फर्किन पुरा गर्नुपर्ने यस्तो मापदण्ड

प्रकाशित
208
SHARES

काठमाडौं । सरकारले नेपाल–भारत स्थलमार्गबाट नेपाल प्रवेश गर्ने हरेक नागरिकको एन्टिजेन परीक्षण गर्ने निर्णय गरेको छ । हालै बसेको मन्त्रिपरिषद् बैठकले विदेशी नागरिकको आवगमन बन्द गर्दै नेपाली नागरिकको अनिवार्य एन्टिजेन परीक्षण गर्ने निर्णय गरेको हो ।

गृह मन्त्रालयका प्रवक्ता जनकराज दाहालका अनुसार सीमा नाकाबाट प्रवेश गर्ने नागरिकको एन्टिजेन परीक्षणको व्यवस्थापन सम्बन्धित स्थानीय तहले गर्नेछ । तर, त्यसमा प्रदेश सरकारसँग समन्वय गर्नुपर्नेछ ।

‘यसरी आउनेलाई १० दिन होम वा संस्थागत क्वारेन्टिनमा राख्नुपर्ने पनि आदेश छ’, दाहालले भने, ‘क्वारेन्टिनमा बसे/नबसेकोबारे स्थानीय तहले अनुगमनसमेत गर्नुपर्ने छ ।’

क्वारेन्टिन व्यवस्थापनका लागि स्थानीय ठाउँमा भएका सार्वजनिक भवन, होटल तथा पार्टी प्यालेसहरुलाई पनि प्रयोग गर्न सकिने भनिएको छ । मन्त्रिपरिषद्ले नेपाल प्रवेशका लागि १३ वटा नाका पनि तोकेको छ । यस्तै सरकारले प्रदेश र राजधानीमा एक हजार शय्याको अस्थायी अस्पताल बनाउने घोषणा गरेको छ ।

सोमबार देशबासीलाई सम्बोधन गर्दै प्रधानमन्त्री केपी शर्मा ओलीले नागरिकको जीवन रक्षा सरकारको पहिलो दायित्व भएको बताए । दोस्रो लहर नियन्त्रणका लागि सरकारका सबै संयन्त्र परिचालन गरेको भन्दै उनले हवाई उडान रोक्ने, निषेधाज्ञालाई कडाई गर्नेलगायतका निर्णयहरु सुनाए ।

प्रदेश र राजधानीमा एक हजार शश्याको अस्थायी अस्पताल बनाउन नेपाली सेनालाई जिम्मा दिइएको उनले बताए । प्रधानमन्त्री ओलीले भने, ‘वीर अस्पतालको नयाँ भावन, नेपाली सेनाको त्रिचन्द्र मिलिटरी अस्पताल, काठमाडौं उपत्यकाका धेरै शय्या भएका मेडिकल कलेज, ठूला सरकारी तथा निजी अस्पताललाई कोभिड अस्पतालका रुपमा सञ्चालन गरिनेछ ।’

प्रदेश सरकारले पनि मेडिकल कलेज र ठूला अस्पताललाई कोभिड अस्पताल र साना अस्पताललाई ननकोभिड अस्पतालका रुपमा सञ्चालन गर्ने उनले जानकारी दिए । सबै सार्वजनिक स्थल, सभाहल, रंगशाला, होटल, पार्टी प्यालेस, कारखाना तथा गोदामघर लगायतका संरचना प्रयोग गरी सुविधायुक्त क्वारेन्टिन, आइसोलेन तथा होल्डिङ सेन्टर बनाइने प्रधानमन्त्री ओलीले जानकारी दिएका छन् ।

ठूला अस्पताल तथा मेडिकल कलेजमा मेडिकल प्लान्ट स्थापना गर्ने, सञ्चालनमा नआएकाहरुलाई ममर्त गर्ने र लिक्विड अक्सिजनको निर्यात रोक्ने निर्णय भएको उनले बताए । देशभरका अक्सिजन प्लान्टबाट उत्पादित अक्सिजन हाललाई अस्पताल र उपचार प्रयोजनका लागि मात्र प्रयोग गर्ने गरी अन्य क्षेत्रमा आपूर्ति गर्न रोक लगाइएको प्रधानमन्त्री ओलीले जानकारी दिए ।

जनशक्ति अभाव हुन नदिन अवकाश प्राप्त चिकित्सक र अन्य स्वाथ्यकर्मीलाई एक वर्षका लागि करारमा भर्ना गर्ने तथा फ्रन्टलाइनमा खटिने चिकित्सक, स्वास्थ्यकर्मी, सुरक्षाकर्मी लगायतलाई सुरुको तलब स्केलको ५० प्रतिशत जोमिख भत्ता दिनुका साथै विमा र परिवारको उपचार गर्ने उनले बताए ।

प्रतिक्रिया