आज : गते

ताजा शिर्षकहरु

चर्चित शिर्षकहरु

आज देशका यी जिल्लामा हुदैछ भारी बर्षा, बाहिर निस्किनुपूर्व सबैले अनिवार्य पढ्नुहोस

प्रकाशित
1.1K
SHARES

काठमाडौं । मनसुनी वायु सक्रिय रहँदा आज पनि मुलुकका विभिन्न स्थानमा भारी वर्षा भइरहेको छ । मौसम पूर्वानुमान महाशाखाका अनुसार सुदूरपश्चिम प्रदेश बाहेकका सबै क्षेत्रमा अहिले वर्षा भइरहेको छ ।

नवलपरासी, रूपन्देही, कपिलवस्तु, स्याङ्जा, पर्सा, बारा, रौतहट, सर्लाही र महोत्तरीका विभिन्न स्थानमा भने भारी वर्षा भइरहेकाले ती क्षेत्र बाढीपहिरो र डुबानको उच्च जोखिममा छन् ।

नवलपरासी डण्डा, कावाशोती र आसपासको गिरिउवारी लगायत अन्य स-साना नदी तटीय क्षेत्रमा खतरा तह आसपासको बाढी आउन सक्ने भएकाले सतर्क रहन बाढी सूचना केन्द्रले आह्वान गरेको छ ।

यस्तै स्याङ्जाको पुतलीबजार स्थित बर्षामापन केन्द्रमा पनि भारी बर्षामापन भएकाले आधीखोला, बाधखोला लगायत साना नदीहरुमा आकस्मिक बाढी हुनको साथै कमजोर भिरालो क्षेत्रमा पहिरो जान सक्ने भएकाले सतर्क रहन मौसम विज्ञान विभागले अनुरोध गरेको छ ।

प्रदेश २ को पर्सा, बारा, रौतहट, सर्लाही र महोत्तरी लगायतका जिल्लाको भारतीय सीमा आसपास मध्यमदेखि भारी वर्षा भइरहेकाले बाढी र डुबानको खतरा रहेकाले सतर्क रहन आह्वान गरिएको मौसमविद् वरूण पौडेलले जानकारी दिए ।

मौसम पूर्वानुमान महाशाखाले जारी गरेको मौसम पूर्वानुमान बुलेटिनका अनुसार अहिले आज दिउँसो पनि देशभर सामान्य देखि पूर्ण बदली रही धेरैजसो स्थानहरुमा मेघगर्जन, चट्याङसहित मध्यम वर्षाको सम्भावना रहेको छ । प्रदेश १, प्रदेश २, बागमती प्रदेश र गण्डकी प्रदेशका थोरै स्थानहरुमा दिउँसो पनि भारी वर्षाको सम्भावना रहेकाले सतर्कता अपनाउन महाशाखाले अनुरोध गरेको छ ।

यसैबीच अविरल वर्षासँगै आएको पहिरोमा पुरिएर तनहुँको म्याग्दे गाउँपालिका र व्यास नगरपालिकामा दुई जनाको मृत्यु भएको छ। ऋषिङ गाउँपालिकामा पहिरोले पुरिएर पाँच जना बेपत्ता भएको जिल्ला प्रहरी कार्यालय तनहुँले जनाएको छ।

म्याग्दे गाउँपालिका–६ बेलौतेडाँडामा घरमाथिबाट आएको पहिरोले घर भत्किँदा १७ वर्षीय लक्ष्मी विकको मृत्यु भएको छ। घरको भित्ताले पुरिएर घाइते विकको दमौलीस्थित रत्नहरि अस्पतालमा उपचारका क्रममा मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिए।

यसैगरी व्यास नगरपालिका–७ कलेस्तीमा पहिरोले पुरिएर एक जनाको मृत्यु भएको र उनको सनाखत हुन बाँकी रहेको प्रहरीले जनाएको छ। त्यस्तै ऋषिङ गाउँपालिका–८ पल्ट्याङमा घर पुरिँदा पाँच जना बेपत्ता भएको प्रहरीले जनाएको छ। बेपत्ता हुनेमा एकै परिवारका पाँच जना छन्।

३० वर्षीय भेषबहादुर थापा, २९ वर्षीय नानुमाया थापा, पाँच वर्षीया अमिषा थापा, २२ वर्षीय महादेव थापा र १९ वर्षीया मनिसरा थापा बेपत्ता रहेको प्रहरीले जनाएको छ। सोही ठाउँकी ६० वर्षीया ज्योतिमाया थापालाई उपचारका लागि भीमाद ल्याइएको छ।

प्रतिक्रिया