आज : गते

ताजा शिर्षकहरु

चर्चित शिर्षकहरु

‘पार्टी फुटाउने ओलीको प्लानमा चीन र पाकिस्तानको साथ’

प्रकाशित
877
SHARES

काठमाडाैं । प्रधानमन्त्री केपी शर्मा ओली केन्द्रित भएर यतिबेला सत्ता युद्ध चलिरहेको छ । नेपालमा सरकारमाथि देखिएको संकटको बारेमा भारतीय पत्रिका इकोनोमिक टाइम्सले आफ्नो दोस्रो पृष्ठमा विस्तारित रिपोर्ट प्रकाशित गरेको छ ।

रिपोर्टमा प्रधानमन्त्री केपी ओलीले आफ्ना कुर्सी बचाउनका लागि नेपाल कम्युनिस्ट पार्टीलाई फुटाउने कोशिस गरिरहेको उल्लेख छ । पत्रिकाका अनुसार यस मामिलामा पाकिस्तान र चीनमाथि ओली सरकार बचाउने खेलमा लागिरहेको आरोप लागेको छ ।

ओलीमाथि राजीनामाको दबाब छ । त्यही भएर उनले अचानक संसदको बजेट अधिवेशनलाई अन्त्य गर्ने फैसला गरेका थिए । पत्रिकाको दाबी छ, ‘ओली एउटा अध्यादेश ल्याएर पार्टी फुटाउने प्रयास गरिरहेका छन् ।’ रिपोर्ट अनुसार ओलीले प्रमुख प्रतिपक्षी दल नेपाली काँग्रेससँग पनि सम्पर्क गरेका छन् ।

ओली दल विभाजनसम्बन्धी अध्यादेश पुनः ल्याउन चाहन्छन् । अध्यादेशको सहयोगले पार्टी फुटाएर ओली सत्तामा विराजमान भइराख्न चाहन्छन् । यसमा उनलाई चीन र पाकिस्तानको समर्थनको रहेको पत्रिकाले दाबी गरेको छ ।

पत्रिकामा भनिएको छ, ‘भारतविरोधी फैसलाको बारेमा ओली पाकिस्तानका प्रधानमन्त्री इमारान खानको पनि सम्पर्कमा रहेका छन् । यसको साथै नेपालका लागि चिनियाँ राजदूत होउ याङ्छी पनि ओलीलाई सत्तामा टिकाइराख्न प्रयासरत छिन् । हालका दिनमा ओलीले जे फैसला लिएका छन्, त्यसमा काठमाडौँ स्थित चियिनाँ दूतावासको पनि हात रहेको छ । होउ नेपालअघि पाकिस्तानमा तीन वर्ष रहेकी थिइन् ।’

ओलीमाथि पार्टी अध्यक्ष र प्रधानमन्त्री पदबाट राजीनामा दिन दबाब बढेको छ । ओलीले बिहीबार संसद बजेट सत्रलाई स्थगित गर्ने निर्णय लिएका थिए जसलाई राष्ट्रपतिले स्वीकृत गरेका छन् ।

नेकपाको स्थायी समितिमा कूल ४४ सदस्य रहेका छन् । जसमध्ये ३० जनाले ओलीले राजीनामा माग गरेका छन् । अधिवेशन अन्त्य गर्दै ओलीलाई आफ्नो पक्षमा समर्थन जुटाउन र संसदमा तत्काल अविश्वास प्रस्तावबाट बच्ने समय मिलेको छ ।

त्यस्तै, अध्यादेशले ओलीलाई बहुमत पुर्याउन र पार्टी फुटाउन सहज हुनेछ । ओलीविरुद्ध पार्टी अध्यक्ष तथा पूर्वप्रधानमन्त्री प्रचण्ड, झलनाथ खनाल, माधवकुमार नेपाल, वामदेव गौतमलगायत रहेका छन् । स्रोतः इकोनोमिक टाइम्स/ बीबीसी

यसैबीच प्रधानमन्त्री समेत रहेका सत्तारुढ नेपाल कम्युनिष्ट पार्टी नेकपाका अध्यक्ष केपी शर्मा ओलीले अर्का अध्यक्ष पुष्पकमल दाहाल प्रचण्डसँग पार्टी फुटिसकेको घोषणा गरेका छन् । शुक्रबार प्रधानमन्त्री ओलीले अर्का अध्यक्ष दाहालसँगको भेटमा यस्तो बताएका हुन् । उनले आफुलाई पार्टीबाट निक्लन समेत प्रचण्डलाई ध’म्की दिएको बताइएको छ ।

‘पार्टी त फुटिसक्यो सही कुरा हो । भोलि तपाईंहरुले मलाई निकाल्नुस्, त्यसपछि म घोषणा गर्छु,’ ओलीले प्रचण्डसँग भनेको भनाइ उद्धृत गर्दै एक नेताले भने । ओली र प्रचण्डसँगै छलफलमा केहिबेर महासचिव विष्णु पौडेल र जनार्दन शर्मा पनि सहभागी थिए ।

प्रचण्डले शुक्रबार साँझ सचिवालयका ६ सदस्यहरुसँग ओलीसँग भएको कुराकानी वरिष्ठ नेता झलनाथ खनाल र माधवकुमार नेपाल, उपाध्यक्ष वामदेव गौतम, प्रवक्ता नारायणकाजी श्रेष्ठ र सचिवालय सदस्य रामबहादुर थापालाई सुनाएका थिए ।

ओलीले भेटमा आफूले प्रधानमन्त्री र पार्टी अध्यक्षबाट राजीनामा नदिने अडान पनि लिएका छन् । ‘प्रधानमन्त्री र अध्यक्षको कुरा गर्न आउनु भएको हो भने कुरै नगर्नु । त्यो सम्भावना छैन,’ ओलीले प्रचण्डलाई भनेका थिए ।

प्रधानमन्त्री ओलीले प्रचण्डलाई अर्को प्रस्ताव पनि गरेका छन् । ‘पार्टी एकता नै गर्ने हो भने एउटा कुरा अझै बाँकी छ । तपाईंले फैसला गर्नुपर्यो, मेरो टिममा बसेर काम गर्ने कि माधव नेपालको टिममा बसेर काम गर्ने ?’ ओलीले प्रचण्डलाई भनेका थिए ।

जवाफमा प्रचण्डले यो असम्भव भएको र यस्ता अनावश्यक कुरा नर्गन सुझाएका थिए । उनले ओलीलाई सहमतिमा आउन पनि भनेका थिए । शनिबार स्थायी कमिटी बैठक बस्नुअघि प्रधानमन्त्री ओलीसँग प्रचण्डले छलफल गर्ने तय भए पनि बैठक नै स्थगित भएको छ । त्यो छलफलपछि मात्रै कसरी अगाडि बढ्ने भन्नेबारे बैठकबाट निर्णय गर्ने तयारी प्रचण्ड  र नेपाल समूहको छ ।

यस्तै ओली समूहले उपाध्यक्ष गौतमलाई फकाउने प्रयास पनि जारी राखेको छ । शुक्रबार साँझ महासचिव पौडेल, शंकर पोखेरललगायतका नेताहरुले गौतमलाई भेटेका थिए । प्रधानमन्त्री एवं नेकपा अध्यक्ष ओली र अर्का अध्यक्ष प्रचण्ड=बीचको शक्ति संघर्ष २०७६ मंसिर ४ को सहमति कार्यान्वयन गर्ने कि पार्टी एकताताका २०७५ जेठ २ मा भएको सहमतिमा फर्किने भन्नेमा अड्किएको छ ।

ओलीले प्रधानमन्त्री र पार्टी अध्यक्ष दुवै नछाड्ने तर एकताबद्ध भएर जान चाहे मंसिर ४ को सहमतिलाई थप परिभाषित गर्न तयार रहेको भन्दै प्रचण्डलाई आफ्नो बटमलाइन दिएका छन् । मंसिर ४ को सहमति ओलीले पाँच वर्ष सरकार चलाउने र प्रचण्डले पार्टीको काम गर्ने भन्ने हो । अध्यक्ष प्रचण्डले भने मंसिर ४ को सहमति कार्यान्वयनमा ओलीले नै बाधा सिर्जना गरेकाले अब पार्टी एकता गर्दा जेठ २ मा भएको सहमतिअनुसार जानुपर्ने प्रस्ताव गरेका छन् । जेठ २ को सहमतिको स्पिरिट भनेको दुवै अध्यक्षले सरकारको नेतृत्व आलोपालो गर्ने भन्ने हो । यसको अर्थ ओलीले अब पद छोड्नुपर्छ भन्ने हो ।

जेठ २ को पाँचबुँदे सहमतिको बुँदा नम्बर ४ मा समानता र सहमतिका आधारमा आवश्यकता अनुरुप दुवै अध्यक्षले सरकारको नेतृत्व गर्ने उल्लेख छ । यस्तै सहमतिमा एकता महाधिवेशन गर्ने, सिद्धान्त, समानता र सम्मानजनक र न्यायोचित एकता गर्ने, एकता महाधिवेशन नहुँदासम्म सम्पूर्ण निर्णय विधिसम्मत र कमिटीबद्ध छलफलका आधारमा गर्ने, दुवै अध्यक्षको सहमति र हस्ताक्षरलाई मात्रै आधिकारिक मानिने उल्लेख छ । दाहालले एकीकरणको यही बिन्दुमा पुगेर छलफलको थालनी गर्न ओलीलाई प्रस्ताव गरेका थिए तर ओली त्यसलाई स्वीकार्न तयार भएनन् ।

प्रचण्डको प्रस्तावमा छलफलमा सहभागी स्थायी कमिटी सदस्य जनार्दन शर्माले सहमति जनाएका थिए । सरकारको लोकप्रियता खस्किरहेको र पार्टीभित्र पनि समस्या बढेको अहिलेको सन्दर्भमा पुरानै सहमतिमा फर्किन उचित हुने धारणा शर्माको थियो । पूर्व माओवादी धारका अधिकांश नेताहरु दाहालले मंसिर ४ मा गरेको सहमति नै गलत थियो भन्ने निष्कर्षमा पुगेका छन्, यो निष्कर्ष स्वयम् प्रचण्डको पनि हो । ‘तत्कालीन एमाले र माओवादी केन्द्रका अध्यक्षहरुले नै पार्टी एकता गरेकाले पार्टी बचाउने काम पनि उहाँहरुकै हो,’ स्थायी कमिटी सदस्य मणि थापाले भने, ‘दुवै अध्यक्षहरुले २०७५ जेठ २ गतेको सहमतिभन्दा अझै अगाडि गएर छलफल थाल्नुपर्छ र त्यसमा नयाँ समस्याबारे पनि कुराकानी हुनुपर्छ ।’

जेठ २ को सहमतिमा उल्लेख भएको आलोपालोमा सरकार चलाउने प्रावधानअनुसार प्रचण्डले यही साउनदेखि सरकारले नेतृत्व पाउन सक्थे । त्यसैले पनि प्रचण्ड पक्षीय नेताहरु वरिष्ठ नेता माधवकुमार नेपाललाई सम्मानजनक स्थान दिने, मुख्यमन्त्री र मन्त्रीमा नेपाल निकट नेताहरुलाई व्यवस्थापन गर्नेगरी अघि बढ्नुपर्ने पक्षमा छन् । बैठकमा ओली र प्रचण्डबीच ठोस सहमति हुन नसकेको नेता शर्माले बताए । ‘नेताहरुबीच खुलमखुल्ला छलफल भयो, विषयबस्तुमा ठोस सहमति भएको छैन, फेरि छलफल हुन्छ,’ उनले भने ।

प्रतिक्रिया