आज : गते

ताजा शिर्षकहरु

चर्चित शिर्षकहरु

इंग्लिस प्रिमियर लिग फुटबल- म्यान्चेस्टर युनाइटेड अंक तालिकाको पाँचौ स्थानमा

प्रकाशित
781
SHARES

एजेन्सी । इंग्लिस प्रिमियर लिग फुटबलमा म्यान्चेस्टर युनाइटेड अंक तालिकाको पाँचौ स्थानमा उक्लिएको छ । ब्राइटनको घरेलु मैदानमा भएको खेलमा ३-० को सहज जित निकाल्दै तालिकाको पाँचौ स्थानमा उक्लिएको हो । युनाइटेडको जितका लागि मसोन ग्रीनवुडले एक तथा ब्रुनो फर्नान्डेजले दुई गोल गरे ।

खेलको १६ औं मिनेटमा ग्रीनवुडले गोल गर्दै युनाइटेडलाई अग्रता दिलाए । उनले आरोन वन बिसाकाको पासमा गोल गर्दै अग्रता दिलाएक हुन् । खेलको २९ औं मिनेटमा ब्रुनोले गोल गर्दै युनाइटेडको अग्रता दोब्बर पारे । उनले पाउल पोग्बाको पासमा गोल गर्दै पाहुना टोलिलाई पहिलो हाफम २-० को अग्रता दिलाएका हुन् ।

दोस्रो हाफमा ब्रुनोले व्यक्तिगत दोस्रो गोल गर्दै युनाइटेडलाई ३-० को अग्रता दिलाए । खेलको ५० औं मिनेटमा ग्रीनवुडको पासमा गिल गर्दै युनाइटेडलाई फराकिलो जित दिलाएका हुन् । जितसँगै तालिकाको पाँचौ स्थानमा उक्लिएको युनाइटेडले ३२ खेलबाट ५२ अंक जोडेको छ । समान खेल खेलेको ब्राइटन ३३ अंकसहित १५ औं स्थानमा छ ।

उता स्पेनिस महारथि बार्सिलोनाका कप्तान लियोनल मेस्सीले खेल जीवनमा ७ सय गोलको कोसेढुङ्गा पार गरेका छन् । बुधबार बिहान क्याम्प नाउमा भएको खेलमा एट्लेटिको मड्रिडविरुद्ध खेलको ५० औं मिनेटमा गोल गर्दै सात सय गोलको कोसेढुङ्गा पार गरेका हुन् ।

उनले पेनाल्टीमार्फत ७ सयौं गोल पूरा गरे । अन्तर्राष्ट्रिय सञ्चारमाध्यमले ७ सय गोल पूरा गर्नुलाई नयाँ कोसेढुंगाका रुपमा व्याख्या गरेका छन् । उनले ६ सय गोल पुरा गरेको १४ महिनामै ७ सय गोल पूरा गरेका हुन् ।

रेकर्डडटस्पोट्सडटसोकर स्टाटिस्टिक फाउण्डेसनका अनुसार मेस्सी ७ सय गोल पुरा गर्ने सातौं खेलाडीसमेत बनेका छन् । सात सय गोल पूरा गर्नेमध्ये मेस्सी र क्रिस्टियानो रोनाल्डो वर्तमान खेलाडी हुन् । जसमा मेस्सीभन्दा २६ गोल बढी गर्दै रोनाल्डो छैटौं स्थानमा छन् ।

विश्वमा सय गर्ने पहिलो खेलाडी हुन्, चेक–अस्ट्रियन जोसेफ बिकान । उनले सन् १९३१ देखि १९५५ सम्म को आफ्नो खेल करियरमा ८ सय ५ गोल गरेका थिए । दोस्रो खेलाडी हुन् ब्राजिलका रोमारियो । उनले सन् १९८५ देखि २००७ सम्म खेल्दै ७ सय ७२ गोल गरेका थिए ।

सात सय गोल पुरा गर्ने तेस्रो खेलाडी हुन् ब्राजिलका लिजेन्ड पेले । उनले सन् १९५७ देखि १९७७सम्मको आफ्नो खेल करियरमा ७ सय ६७ गोल गरेका थिए । हङ्गेरीका फेरेन्स पुसकास सात सय गोल पूरा गर्ने चौथो खेलाडी हुन् । उनले सन् १९४३ देखि १९६६ सम्मको खेल करियरमा ७ सय ४६ गोल गरेका थिए ।

यस्तै, जर्मनीका गेर्ड मुलर सात सय गोल पुरा गर्ने पाँचौ खेलाडी हुन् । उनले सन् १९६२ देखि १९८१ सम्मको खेल करियरमा सात सय ३५ गोल गरेका थिए । ७ सय गोल पूरा गर्ने छैटौं खेलाडी हुन् युभेन्ट्सका क्रिस्टीयानो रोनाल्डो । उनले २००२ देखि हालसम्म ७ सय २६ गोल गरिसकेका छन्

प्रतिक्रिया