आज : गते

ताजा शिर्षकहरु

चर्चित शिर्षकहरु

बर्षा राउतलाई नायिका केकी अधिकारीको काउन्टर, फेसबुकमा लेखेको यस्तो स्टाटस भाइरल

प्रकाशित
0.9K
SHARES

काठमाडौं । भारतीय अतिक्रमणबिरुद्ध सिङ्गो देश एक भएका बेला नेपाली नायिका बर्षा राउतले निक्कै बिबादित अभिव्यक्ति दिएपछि अहिले उनको सामाजिक सञ्जालमा चौतर्फी चर्को बिरोध भईरहेको छ । नायिका बर्षाले दिएको उक्त लजास्पद अभिव्यक्तिले सामाजिक सञ्जाल तातेको छ भने उनका फ्यानहरुले राष्ट्रियताकाे विषयलाई मजाक नसम्झन चेतावनी समेत दिएका छन् ।

बर्षाको बिबादित अभिव्यक्तिले सामाजिक सञ्जाल तातेको बेला यता नायिका केकी अधिकारीले आफ्नो फेसबुक मार्फत छिमेकीलाई आफ्नो भूमिबाट स–सम्मानका साथ फिर्ता पठाउन तयार रहेको धारणा राखेकी छिन् । उनले फेसबुकमा लेखेकी छिन्, ‘भूपरिवेष्ठित राष्ट्र भएको कारणले हाम्रो भारतसँगको निर्भरता र अन्तराष्ट्रिय सम्बन्ध आफ्नो ठाउँमा छ । तर जब प्रश्न राष्ट्रिय स्वाधीनता र स्वार्वभौमसम्त्ता माथी उठछ, हाम्रो स्वाभिमान संसार कै अग्लो सगरमाथा जति नै उच्च हुन्छ ।

सीमाको विषयमा हामी सबै नेपाली एक छौँ । कोही पक्ष अनि विपक्ष छैनौं । हामीसँग स्पष्ट प्रमाणहरु प्रशस्त छन् । हामीले आफ्नै भूमिको विषयमा कसैसङ्ग बहस गर्न आवश्यक त छैन । तर सम्मान स्वरुप हामी प्रमाणसहित बार्ता गर्न तयार छौँ । हामी आफ्नो चिज चाहन्छौँ । अरुकोमा र्याल काड्दैनौँ ।’

नायिका केकी अधिकारीले थप लेख्छिन्, ‘हामीले आज हाम्रो भूमिकै लागि आवाज उठाइरहँदा यो नभुलौँ कि हामी नेपाली विश्वभर आफ्नो विरता, सभ्यता र सरलताको लागी कहलिएका छौँ । कुनै पनि धारणा र विचार राख्नु अघि हामी राष्ट्रियताको नाउँमा अरु राष्ट्रको खिल्ली उडाउने, आत्मसम्मानमा ठेस पुगाउने व्यबहारले परिचित छैनौँ भन्ने नभुलौ । हामी बदलामा हैन बलिदानमा बिश्वास राख्छौं । हामी वैमनस्यतामा हैन बिचारमा बिश्वास राख्छौ ।

हामी छिमेकीको जमीन हडप्नमा हैन, छिमेकीलाई हाम्रै हडप्न खोजेको जमिनमा ससम्मान चिया नास्ता खुवाएर बिदा गर्नमा बिश्वास राख्छौं । भूगोलले सानो भएपनि नेपालीको मन ठूला ठूला देश भन्दा पनि विशाल छ । नेपाली हो नि’ ।नायिका केकीले फेसबुकमामा लेखेको उक्त स्टाट्स सामाजिक सञ्जालमा भाइरल बनेको छ भने उनको चौतर्फी प्रशंसा भईरहेको छ ।

प्रतिक्रिया