आज : गते

ताजा शिर्षकहरु

यसरी गरिन्छ कोरोनाबाट मृत्यु भएकाको दाहासस्कार, परिवारले शव छुन पनि नपाउने

प्रकाशित
0.9K
SHARES

काठमाडौं । नेपालमा कोराना भाइरसको संक्रमणबाट एक जना महिलाको ज्यान गएपछि उनको शव व्यवस्थापन कसरी गरिन्छ भन्ने जिज्ञास धेरैमा रहेको हुनसक्छ । कोरोना भाइरस (कोभिड १९) बाट मृत्यु भएकाहरुको शव अन्य रोगबाट मृत्यु भएकाहरुको भन्दा भिन्न तरिकाले गरिन्छ । विश्वभर कोरोनाबाट ज्यान गुमाउनेहरुको सरकारले नै दाहासस्कार गरेको समाचार आइरहेका छन् ।

नेपालमा पनि सरकारले यसको पुर्व तयारि गरिसकेको थियो । कोरोनाबाट ज्यान गुमाउनेहरुको शव व्यवस्थापन गर्न सरकारले यसअघि नै कार्यविधि बनाइसकेको छ। सोही कार्यविधिअनुसार शनिवार निधन भएकी सिन्धुपाल्चोककी २९ वर्षीय महिलाको शव व्यवस्थापन गरिएको छ । उनको शनिबार राति नै पशुपति आर्यघाटमा अन्तिम संस्कार भइसकेको छ ।

उनको मृत्यु कोरोनाकै कारण भएको औपचारिक घोषणा गर्नु अघि नै शव व्यवस्थापनको सम्पूर्ण तयारी पुरा भइसकेको थियो । उनको मृत्यु कोरोनाकै कारण भएको रिपोर्ट सार्बजनिक भइसक्दा उनको दाहासस्कारको काम पनि लगभग सकिसकेको थियो ।

स्वास्थ्य तथा जनसंख्या मन्त्रालयले बनाएको शव व्यवस्थापन कार्यविधिमा मृत्यु भएका व्यक्तिको अन्तिम कर्म अन्य रोगका मृतकको जस्तो नभई शव उठाउनुअघि शव वाहनका चालक र कर्मचारीले व्यक्तिगत सुरक्षा सामग्री (पीपीई) अनिवार्य प्रयोग गर्नुपर्छ ।

त्यस्तै मृतकको अन्तिम संस्कारमा सहभागी हुने आफन्त र नातेदार सबैले अनिवार्य रुपमा पन्जा, चस्मा, टोपी, मास्क सहितको पीपीई लगाउनुपर्छ भने मृतकको शवलाई कम चलाउने र शवमा लागेका पाइप, केथेटरलगायत सामग्री सतर्कतापूर्वक हटाउनुपर्ने हुन्छ । मृतकलाई अन्तिम संस्कार गर्ने घाटसम्म लान साधारण शव वाहनको प्रयोग गर्न सकिएपनि सकेसम्म शवलाई छिटो अन्तिम संस्कार गर्ने ठाउँमा पुर्याउनपर्ने हुन्छ ।

६० वर्ष उमेर कटेका व्यक्ति र दीर्घ रोगीलाई कोरोनाका कारण ज्यान गुमाएका व्यक्तिको नजिकै जान दिनु नदिने, अन्तिम संस्कार गर्दा सकभर शव नछुने तथा कोरोनाबाट मृत्यु भएकाको पोष्टमार्टम गर्न नपर्ने गरेपनि सावधानी अपनाएर मात्रै गर्ने कार्यविधिमा उल्लेख छ । चैत्र २५ गते जारी उक्त कार्यविधिमा मृृतकका आफन्तले शव हेर्न चाहेमा एक मिटरको दुरीबाट मात्र हेर्न पाउने उल्लेख छ ।

प्रतिक्रिया