आज : गते

ताजा शिर्षकहरु

चर्चित शिर्षकहरु

विश्व नै काेराेनासँग जुधिरहेका बेला ट्रम्पले फेरी गरे यस्ताे ठोस कदमकाे घोषणा, अब के गर्लानी व्यापारी ?

प्रकाशित
1.6K
SHARES

अमेरिका । संयुक्त राज्य अमेरिकाका राष्ट्रपति डोनल्ड ट्रम्पले केही राज्यले “सुरक्षित, क्रमिक र चरणबद्ध रूपमा” व्यापार तथा व्यवसाय पुन: सञ्चालन गर्न ठोस कदम घोषणा गरेको बताएका छन्। अमेरिकामा कोरोनाभाइरस फैलिन नदिन लगाइएका प्रतिबन्धहरू हटाएर अर्थतन्त्र पुन: सञ्चालन गर्न निर्देशिका जारी गरेपछि उनको यस्तो भनाइ आएको हो।

शनिवार ह्वाइट हाउसमा कोभिड-१९ बारे आयोजित दैनिक ब्रीफिङका क्रममा ट्रम्पले टेक्सस र भर्मन्टले “उपयुक्त सामाजिक दूरीका सावधानीसहित” केही व्यवसायहरू सोमवारबाट पुन: खोल्न दिने बताएका छन्। उनले फ्लोरिडा राज्यको समुद्री तट पनि पुन: खुल्न लागेको बताए।

ब्रीफिङकै क्रममा उनले भाइरसले आफ्नो उत्कर्ष पार गरेको सङ्केत देखिएको दाबी गरे। तर स्वास्थ्यविज्ञ र केही राज्यका गभर्नरहरूले भने प्रतिबन्धहरू छिट्टै हटाउँदा त्यसले थुप्रै मानिसहरू सङ्क्रमित हुन सक्ने चेतावनी दिएका छन्।

यसैबीच अमेरिकी राष्ट्रपति डोनाल्ड ट्रम्पले कोरोना भाइरस (कोभिड–१९) को महामारी फैलिनुमा जिम्मेवार देखिए चीनले त्यसको परिणाम भोग्नुपर्ने चेतावनी दिएका छन् । शनिबार उनले चीनलाई चेतावनी दिँदै नियतवश फैलाइएको पाइए चीनले त्यसको परिणाम भोग्नुपर्ने चेतावनी दिएका हुन् । तर, उनले अमेरिकाले कस्तो कदम चाल्छ भन्ने विषयमा भने केही बताएनन् ।

शनिबार नियमित ब्रिफिङमा बोल्दै ट्रम्पले चीनको ‘कमजोर’ अर्थतन्त्र, कोभिड–१९ को तथ्यांकबारे उठेको प्रश्न र भाइरसविरुद्ध चालेको सुस्त कदमले आशंका जन्माएको बताए । ट्रम्पले कोरोना भाइरसबाट मृत्यु हुनेमा अमेरिका सबैभन्दा अगाडि नरहेको जिकिर गरे । उनले अहिलेसम्मको अवस्थामा अमेरिका धेरै ठूलो मुलुक भएकाले मृत्यु हुनेको संख्या बढी देखिएको उल्लेख गरे ।

उनले बेलायत, इटाली र स्पेनजस्ता मुलुकको तुलनामा अमेरिका ठूलो मुलुक भएकाले मृत्यु हुनेको संख्या बढी देखिएको उनको जिकिर छ । उनले सञ्चारमाध्यमले अमेरिकालाई सबैभन्दा प्रभावित भनेकोप्रति आक्रोश व्यक्त गर्दै पहिलो नम्बरमा अमेरिका नभई चीन रहेको बताए । उनले चीनमा मृत्यु हुनेको संख्या पनि अमेरिकामा भन्दा धेरै रहेको बताए ।

रियलक्लियर पोलिटिक्सको तथ्यांकअनुसार अमेरिकामा प्रति १० लाख मानिसमा एक सय १९ जनाको कोरोना भाइरसको कारण मृत्यु भएको छ । जबकी बेलायतमा यो संख्या दुई सय ३२ छ भने इटालीमा तीन सय ९४ तथा स्पेनमा चार सय ४१ छ ।

सोही आधारमा ट्रम्पले जनसंख्याको आधारमा मृत्यु हुने संख्यालाई तुलना गर्नुपर्नेमा जोड दिएका हुन् । तर, चीनमा भने १० लाख मानिसमा केवल तीन दशमलव ३ मानिसले मात्र मृत्यु भएको तथ्यांक छ । ट्रम्पले कोरोना भाइरस फैलिनुमा चीन जिम्मेवार रहेको बताउँदै आएका छन् ।

शनिबार पनि उनले कोरोना भाइरसको महामारीमा चीनले पारदर्शिता नदेखाएको र यसलाई नियन्त्रणको कदम निकै ढिला मात्र चालेको बताए । उनले चीनले समयमा नै यो भाइरस रोकेको भए अहिले विश्वभर यसको महामारी नफैलिने दाबी गरे । तर, ट्रम्प आफैंले पनि भाइरस नियन्त्रणको लागि समयमा नै उचित कदम चाल्न नसकेको आरोप खेप्दै आएकाे  द साउथ चाइना मर्निङ पोष्टले समाचार लेखेकाे छ ।

प्रतिक्रिया