आज : गते

ताजा शिर्षकहरु

चर्चित शिर्षकहरु

लकडाउनका बेला भूकम्पकाे शक्तिशाली धक्का, मान्छेहरूकाे भागाभाग

प्रकाशित
1.9K
SHARES

काठमाडौं । कोरोनोको त्रासकाबीच राजधानीमा शक्तिशाली भूकम्पको धक्का गएको छ। भारतको राजधानी नयाँ दिल्लीमा भूकम्पको धक्का महशुस भएको छ । उक्त कोरोनाको त्रासकाबीच भूकम्प गएपछि मानिसहरु घर बाहिर निस्केका छन्।

लकडाउनले थुनिएका मानिस घरबाट बाहिर निस्केपछि अधिकारीहरुले सामाजिक दुरी कायम राख्न आग्रह गरेका छन्। दिल्ली, गाजियाबाद, नोयडा लगायतका स्थानमा भूकम्पको धम्का महशुस भएको थियो।

मानिसहरुले सामाजिक सञ्जालमा ठुलो भूकम्पको धक्का महसुस गरेको उल्लेख गरेका छन। दिल्लीका मुख्यमन्त्री अरविन्द केजरीवालले ट्विट गर्दै सबै सुरक्षित रहेको आशा व्यक्त गरेका छन।

यसैबीच भारतका प्रधानमन्त्री नरेन्द्र मोदीले कोरोनाभाइरसको सङ्क्रमण भारत विभिन्न राज्यमा फैलिने क्रममा कमी नआएपछि दुई हप्ताका लागि बन्दाबन्दी (लकडाउन) को अवधि थप्ने तयारीमा रहेको भारतीय अधिकारीहरूले बताएका छन् ।

प्रधानमन्त्रीले राज्य सरकारका मन्त्रीहरूसँग भिडियो सम्मेलनमार्फत शनिबार वार्ता गरेपछि ती राज्यका मुख्यमन्त्रीहरूले लकडाउन अवधि थप गर्नुपर्ने राय दिएका बताइएको छ ।

सम्मेलनमा प्रधानमन्त्रीले लकडाउन बढाउनु पर्ने वा नपर्ने भन्नेबारेमा कुराकानी गरेकाे बताइएको छ । सरकारले तत्काल घोषणा नगरेको तर अधिकारीहरूले प्रधानमन्त्री मोदीले आइतवारसम्म नयाँ घोषणा गर्नसक्ने बताएका छन् ।

प्रधानमन्त्री मोदीले लकडाउन गर्ने ‘सही निर्णय’ लिएका कारण भारतमा अन्य विकसित मुलुकको तुलनामा सङ्क्रमण फैलिने क्रम निकै न्यून रहेको र यसलाई व्यवस्थापनका लागि समय मिलेको एक अधिकारीले बताए ।

दिल्लीका मुख्यमन्त्री अरविन्द केजरीवालले प्रधानमन्त्रीसँगको कुरापछि ट्वीटरमा भने, “प्रधानमन्त्रीले बन्दाबन्दी थप गर्ने सम्बन्धमा हामीसँग परामर्श गरेका छन् ।

आज धेरै विकसित देशहरू भन्दा भारतको अवस्था राम्रो छ किनकि हामीले बन्दाबन्दीको घोषणा समयमै गरेका थियौँ । यदि यो अहिले रोकियो भने अहिलेसम्म हाँसिल गरेका सबै उपलब्धि प्रभावहीन हुनेछन् ।” भारतले तीन हप्ताका लागि गरेको लकडाउनको अवधि आगामी मंगलबार सकिनेछ ।

तर कोरोना भाइरस सङ्क्रमणका कारण मृत्यु सङ्ख्या बढ्दो क्रममा देखिएपछि भारतका २९ राज्य र क्षेत्रका धेरै मुख्यमन्त्रीहरूले सम्पूर्ण एक अर्ब ३० करोड जनसङ्ख्याका लागि थप केही हप्ता घरभित्र नै रहने निर्देशन ‘लकडाउन’ गर्न सुझाब दिएका थिए ।

दुई राज्य ओडिशा र पञ्जाबले पहिले नै थप करिब दुई हप्ता तालाबन्दी गर्ने तयारी गरेको अधिकारीहरूले बताएका छन् । आलोचकहरूले सङ्क्रमणलाई नियन्त्रणमा राख्न देशव्यापी बन्दाबन्दीको आवश्यक भएको बताएका छन् ।

भारतमा अहिलेसम्म करीव सात हजार ५०० व्यक्तिमा सङ्क्रमण पुष्टि भएको र २४० जनाको कोरोनाभाइरस सङ्क्रमणका कारण मृत्यु भएको रिपोर्ट गरेका छन् । सरकारले कुनै पनि समुदायमा महामारीका रूपमा सङ्क्रमण नफैलिएको बताएको छ ।

रिपोर्टका अनुसार हिन्दू९राष्ट्रवादी सरकार अर्थव्यवस्थामा अन्तर्रा्ष्ट्रिय उडानमा प्रतिबन्ध र प्रतिबन्धको प्रभावबाट चिन्तित छ जुन महामारीको स दभ्क्रिमण हुनुभन्दा अघि नै सुस्त थियो।

गत तीन हप्तामा लाखौं मानिसहरूको रोजगारी गुमेको छ लकडाउनका कारण कतिपय क्षेत्रमा श्रमिकहरू पैदल हिँडेर लामो दूरीको यात्रा गर्दै आफ्नो गाउँतिर गइरहेका भारतीय सञ्चारमाध्यम तथा सामाजिक सञ्जालमार्फत भिडियोहरू सार्वजनिक भएका छन् । रासस/एएफपी

प्रतिक्रिया