आज : गते

ताजा शिर्षकहरु

चर्चित शिर्षकहरु

काठमाडौं उपत्यकामा अचानक बिग्रेयाे मौसम, पूर्वानुमान महाशाखाले गरे यस्ताे चेतवानी जारी

प्रकाशित
1.9K
SHARES

काठमाडौं । उपत्यका लगायत देशभरीको मौसम अचानक बिग्रेको छ । काठमाडौंमा अहिले हावाहुरीसहित अध्यारो छाएको छ । मौसम पुर्वानुमान महाशाखाका अनुसार आज देशको पहाडी भू–भागमा आँशिक बदली रहेको छ । मध्य तथा पश्चिमी पहाडी भू–भागमा सामान्य बदली भई एक–दुई स्थानमा मेघगर्जन–चट्याङ र हावाहुरी सहित वर्षाको सम्भावना रहेको जानकारी दिइएको छ ।

त्येसैबिच प्रधानमन्त्री केपी शर्मा ओलीले कोरोना भाइरस (कोभिड–१९) महामारी विरुद्धको लकडाउन अझै नखुल्ने स्पष्ट पारेका छन् । उनले अझै महामारीको भय नसकिएकाले लकडाउन खुलाउँने विषयमा निर्णय लिन सरकारले सोच्न नसक्ने बताएका हुन् । साथै कोरोना बिरुद्ध लड्न सरकार भन्दा भिन्न संयन्त्र आवश्यक नरहेको प्रष्ट पारेका छन् ।

सातै प्रदेशका मुख्यमन्त्रीहरुसँगको भिडियो कन्फरेन्समा कुरा गर्दै प्रधानमन्त्रीले सरकार स्वयंले बैधानिक अथोरिटीका साथ काम गरेको बताएका हुन् । उनले भने, ‘सरकारभन्दा भिन्न कुनै संयन्त्र आवश्यकता छैन । सरकार स्वयंले अथोरिटीका साथ काम गरेको हुनाले १५ दिन घरमा बस्दै बीचबीचमा एकपटक निर्देशन दिएजस्तो गरी सरकारले काम गरोस् भन्ने जस्तो नगरौं ।’

प्रधामनन्त्रीले लकडाउन छिट्टै अन्त्य नहुने समेत बताएका छन् । संक्रमण फैलिनबाट सबै सचेत हुनु अनिवार्य रहेको भन्दै प्रधानमन्त्री ओलीले भारतमा संक्रमण फैलिने क्रम बढिरहेको देख्दादेख्दै यहाँ लकडाउन खुला गर्ने कुरा हुन नसक्ने बताए । उनले सीमामा अझ कडाइ गर्नुपर्ने भन्दै नरम बनेर लापरबाही नगर्न पनि मुख्यमन्त्रीहरुलाई आग्रह गरे । विहान साढे ११ देखि पौने चार बजेसम्म सिंहदरबारस्थित एक्सन रूमबाट प्रधानमत्रीले पालैपालो मुख्यमन्त्रीहरुसँग भिडियो कन्फरेन्स गरेका थिए ।

सातवटै प्रदेशका मुख्यमन्त्रीहरूले आआफ्नो प्रदेशमा कोरोना भाइरस नियन्त्रण, रोकथाम र उपचारको क्रममा गरिएका प्रयासहरुको जानकारी गराएको प्रधानमन्त्रीका प्रेस सल्लाहकार सूर्य थापाले बताए । प्रधानमन्त्री ओलीले अझै धर्यताका साथ लकडाउनको पालना गर्न आफ्नो प्रदेशमा अपिल गर्न मुख्यमन्त्रीहरुलाई आग्रह समेत गरे ।

 

प्रतिक्रिया