आज : गते

ताजा शिर्षकहरु

चर्चित शिर्षकहरु

कोरोनाको आशङकामा सिन्धुलीमा एक वृद्ध आइसोलेसनमा भर्ना , कस्ताे छ उपचार अवस्था

प्रकाशित
2.6K
SHARES

काठमाडौं । सिन्धुली अस्पतालमा एकजनालाई आइसोलेसन वार्डमा राखेर उपचार शुरु गरिएको छ । आज ज्वरो बढेपछि अस्पतालमा ल्याइएका कमलामाई नगरपालिका–७ का ८१ वर्षीय वृद्धलाई कोरोनाको आशङकामा अस्पतालको आइसोलेसन वार्डमा छुट्टै उपचार शुरु गरिएको सिन्धुली अस्पतालका डा अभिशेष भण्डारीले जानकारी दिनुभयो ।

यसैबीच सिन्धुली अस्पतालले फिवर क्लिनिक चलाउने तयारी गरेको छ । अस्पताल विकास समितिले सो का लागि भवन अभाव भएपछि अस्पताल प्राङ्गणमा टेण्टको व्यवस्था गरेको छ । अस्पताल विकास समितिका अध्यक्ष प्रल्हादकुमार पोखरेलका अनुसार स्वास्थ्यकर्मीले लगाउने पिपिइ नभएकाले सेवा सुचारु गर्न कठिन भएको छ ।

यसैबीच सिन्धुली अस्पतालमा आउने सबैले अनिवार्य रुपमा साबुन पानीले हात धुनुपर्ने भएको छ । विश्वभर फैलिँदै गएको कोरोना भाइरसको सङ्क्रमण हुन नदिन सावधानीस्वरुप अनिवार्य हात धुनुपर्ने भएको हो । अस्पताल सञ्चालन तथा व्यवस्थापन समितिको निर्णय अनुसार अस्पतालमा जानु पूर्व सबैले अनिवार्य रुपमा हात धुनुपर्ने नियम बनाइएको अध्यक्ष प्रल्हाद पोख्रेलले जानकारी दिनुभयो ।

यस्तै इमरजेन्सी कक्षमा जाने बिरामीका लागि स्यानीटाइजर लगाउनुपर्नेछ । आपत्कालीन सेवा भएकाले त्यहाँ साबुन पानीले हातधुन असम्भव रहेकाले स्यानिटाइजरको व्यवस्था गरिएको हो । सचेत र सावधानी अपनाएमा कोरोनाको सङ्क्रमणबाट बच्न सकिने भएकाले अस्पताले यस्तो नियम बनाएको हो ।

त्यसैबिच नेपाली काँग्रेसका युवा नेता एवं पूर्वस्वास्थ्यमन्त्री गगनकुमार थापाले ‘कोभिड–१९’ जोखिम रोकथामका लागि तत्काल विभिन्न कदम चाल्न सरकारलाई सुझाव दिनुभएको छ । ‘कोभिड–१९’ रोकथाम तथा नियन्त्रण उच्चस्तरीय समितिका संयोगक उपप्रधानमन्त्री ईश्वर पोखरल ‘कोभिड– १९’ जोखिम सम्बन्धमा तत्काल आवश्यक कदम चाल्न ध्यानाकर्षण गराउँदै उहाँले सम्भावित जोखिमलाई मध्यनजर गरी आवश्यक तयारीमा जुट्न आग्रह गर्नुभएको छ ।

नेपाल बाहिरबाट हवाई मार्गहुँदै नेपाल भित्रने व्यक्तिलाई आगमनमा प्रतिबन्ध लगाउने वा अनिवार्य क्वारेन्टाइनमा राख्ने वा निश्चित प्रक्रिया पूरा गरेर आउनेलाई उचित स्वास्थ्य परीक्षणपछि मात्र प्रवेश दिने तीन विकल्प उहाँले प्रस्तुत गर्नुभएको छ । सेल्फ क्वारेन्टाइनलाई अनिवार्य गर्न, विमानस्थालबाट यात्रु बस्ने स्थानसम्म सुरक्षित लैजाने व्यवस्था गर्न र स्वास्थ्यकर्मीलाई संलग्न गरी स्थानीय तहलाई परिचालन गरी सेल्फ क्वारेन्टाइनको पूर्ण पालना गर्न लगाउने संयन्त्रको तत्काल निर्माण गरी कार्यान्वयनमा लैजान पूर्वमन्त्री थापाले सुझाव दिनुभएको छ ।

उहाँले नेपाल भारतबीच रहेका खुला नाकामध्ये अत्यावश्यकबाहेक अन्य सम्पूर्ण बन्द गर्न तथा खुला नाकामा आवश्यक जनशक्ति, उपकरण, आइसोलेशन कक्ष, एम्बुलेन्स र सुरक्षाको प्रबन्ध गरी २४सै घण्टा जाँच गर्ने कार्यलाई निश्चित गरी एम्बुलेन्स र अस्पताल तोक्नेलगायतका ११ बुँदे ध्यानाकर्षणपत्र बुझाउनुभएको छ ।

प्रतिक्रिया