आज : गते

ताजा शिर्षकहरु

चर्चित शिर्षकहरु

प्रचण्डको गृह जिल्ला चितवनबाट आयो सबैलाई चकित पार्ने यस्तो खबर, मेयर रेणुले बल्ल गर्न लागिन यस्तो कार्य

प्रकाशित
21.4K
SHARES

चितवन । प्रचण्डको गृहजिल्ला चितवनमा कोरोनाको संक्रमण भएका र आशंका गरिएका बिरामीलाई राख्न ७० शैय्याको अलग्गै अस्पताल बनाइने भएको छ । उद्योग संघ चितवनको बन्दै गरेको अन्तर्राष्ट्रिय प्रदर्शनी केन्द्रमा ७२ घण्टाभित्र यस्तो अस्पताल तयार गरिसक्ने चितवनका प्रमुख जिल्ला अधिकारी नारायणप्रसाद भट्टराईले जानकारी दिए ।

अस्पताल बनाउन का लागि गर्ने तयारीका बारेमा जिल्लाका विभिन्न संघसंस्था तथा अस्पतालहरुलाई जिम्मा दिइएको उनले बताए । भरतपुर कोरोना विशेष अस्पताल नाम दिइने यस्तो अस्पतालमा ५० शैय्या साधारण बेड, १० शैय्याको एचडीयू (हाई डिपेन्डेन्ट यूनिट) र १० शैय्याको आईसीयू राखिने छ ।

विभिन्न अस्पताल तथा चेकपोष्टहरुमा आएका शंकास्पद बिरामी र संक्रमण पुष्टि भएका बिरामीलाई यही राखेर उपचार गरिने प्रजिअ भट्टराईले बताए । अस्पतालको बहिरंग सेवाको व्यवस्थापनको जिम्मा डा. भोजराज अधिकारी र डा. अनिलविक्रम कार्कीले लिनेछन् ।

जनरल वार्डको व्यवस्थापन क्यान्सर अस्पतालका कार्यकारी निर्देशक डा. विजय आचार्य, एचडीयूको व्यवस्थापन भरतपुर मेडिकल कलेज र निजी अस्पताल समन्वय समिति, आईसीयूको चितवन मेडिकल कलेज, जनशक्तिको व्यवस्थापनको जिम्मा भरतपुर अस्पतालका मेडिकल सुपरिटेण्डेन्ट डा. श्रीराम तिवारीलाई दिइएको छ ।

यस्तै अत्यावश्यक सामग्रीहरुको व्यवस्थापन भरतपुर महानगरपालिका, उद्योग वाणिज्य संघ चितवन, उद्योग संघ, जिल्ला समन्वय समितिले गर्ने सहमति भएको छ । अस्पतालका लागि क्यान्सर अस्पतालले २० वटा आईसीयू बेड र ८ वटा भेन्टिलेटर उपलब्ध गराउने जनाइएको छ ।

आवासीय रुपमा नै चिकित्सक, नर्स, पारामेडिक्स र ल्याबका कर्मचारीलाई यहाँ राखिने डा. अनिलविक्रम कार्कीले जानकारी दिए । यहाँ आउने बिरामीलाई चार तहको स्वास्थ्य सेवा उपलब्ध गराइने डा. कार्कीको भनाइ छ ।

ल्याबको स्याम्पल काठमाडौं पठाउनुपर्ने अवस्था विद्यमान रहेकोले यही नै यस्तो ल्याब बनाउन आवश्यक पहल थालिएको डा. कार्कीले बताए । भरतपुर महानगर प्रमुख रेनु दाहालको संयोजकत्वमा कोरोना रोकथाम तथा पूर्वतयारी समिति गठन गरिएको छ । यो समितिले जिल्लाका अन्य स्थानीय तहहरुसँग पनि समन्वय गर्नेछ ।

यसैबीच अस्ट्रेलियामा सोमबार दिउँसोसम्म ३७५ जना कोरोना भाइरसबाट संक्रमित बिरामी फेला परेका छन् । ५ जनाको मृत्यु भएको तथ्यांक सार्वजनिक भएको छ ।अष्ट्रेलियामा एक जना नेपालीमा समेत कोरोनाको संक्रमण देखिएको छ । नेपालीमा नै कोरोनाको संक्रमण देखिएपछि कूटनैतिक नियोगहरु, सामाजिक संस्थाका र व्यवसायीहरुले सचेतना र सतर्कता अपनाएको बताएका छन् ।

एकभन्दा धेरै नेपालीमा कोरोना फैलिएको आशंका गरिए पनि अस्ट्रेलियाका लागि नेपाली राजदूत महेशराज दाहालले तास्मानिया राज्यमा एक जना नेपालीलाई मात्रै कोरोना देखिएको बताए ।ती व्यक्तिलाई हाल तास्मानियाको एउटा होटेलको आइसोलेसनमा राखिएको छ । उनको अवस्था अहिले राम्रो रहेको राजदूत दाहालले बताए ।

यसबाहेक अस्ट्रेलियाका अन्य राज्यमा बसोबास गरेका कुनै पनि नेपालीमा सोमबारसम्म कोरोना संक्रमणको खबर नभएको बताए ।उनले नेपाल सरकारले जारी गरेका सतर्कता सम्बन्धी सूचनाहरु अस्ट्रेलियाको नेपाली समुदायका लागि दूतावासले सार्वजनिक गरेको जानकारी दिए ।गैरआवासीय नेपाली संघ अन्तर्रास्ट्रिय समितिका पूर्वअध्यक्ष शेष घलेले अस्ट्रेलियाका नेपालीहरुलाई संयम रहन र अस्ट्रेलियाको केन्द्रीय सरकार तथा राज्य सरकारका स्वास्थ्य सम्बन्धी निर्देशनहरु पालना गर्न सुझाव दिए ।

उनले शिक्षा क्षेत्रमा रहेका नेपाली हरुले पहिले आफ्ना विद्यार्थी, शिक्षक र कर्मचारीको स्वाथ्यलाई प्राथमिकतामा राख्न पनि अनुरोध गरे । ‘हामीले अस्ट्रेलियाले दिएको अवसरबाट व्यवसायलाई राम्रो गरेका छौं । अहिले संसारभर स्वास्थ्य संकटकाल भए पनि छिट्टै विश्वले यो संकटलाई पराजित गर्ने र सबै व्यवसायहरु फेरि राम्रो बन्ने छन्,’ उनले भने ।

अस्ट्रेलियाका पहिलो नेपाली कानून व्यवसायी डा शम्सेरसिंह थापाले यहाँका नेपालीहरुलाई स्वास्थ्य संकटकाल सम्बन्धी ध्यान दिनुपर्ने कानूनी तथा व्यवहारिक विषयमा यहाँस्थित नेपाली कूटनीतिक निकायहरुले पर्याप्त जानकारी दिनुनपर्ने दायित्व भएको बताए ।उनले शैक्षिक संस्थाहरु र परामर्श दाताहरुको पनि यहाँ रहेका विद्यार्थीको स्वास्थ्य अवस्थाबारे ध्यान दिनु पर्ने नैतिक दायित्व रहेको स्मरण गराए ।

स्वाथ्य संकटकाल भएकाबेला यहाँको सरकार तथा स्वास्थ्य संस्थाहरुले सार्वजनिक गरेका आधिकारिक सूचानाहरुमा मात्रै ध्यान दिन र सामाजिक संजालमा भएका अनाधिकृत सूचनामा विस्वास नगर्न पनि उनले सचेत गराए ।अस्ट्रेलियाका नेपाली शैक्षिक परामर्शदाता भुवन पाण्डेले अहिले आफूहरुले सरकारले जारी गरेका स्वास्थ्य सतर्कता सम्बन्धी सूचनाहरु विद्यार्थीलाई दिने गरेको बताए ।

उनी कार्यरत संस्थाले अस्ट्रेलियामा सबैभन्दा बढी नेपाली विद्यार्थीलाई शैक्षिक परामर्श दिने गरेको छ । उनले आफ्ना सबै राज्य तथा विदेशमा भएका कार्यालयहरुबाट विद्यार्थीलाई कोरोना भाइरसका कारण घोषणा गरिएको विश्वव्यापी स्वास्थ्य संकट तथा यसको असरबारे निरन्तर जानकारी दिने गरेको बताए ।

अस्ट्रेलियामा हरेक साता जस्तो कुनै न कुनै नेपाली कार्यक्रमहरु हुने गरेका छन् । तर सरकारले ५ सय भन्दा बढी जमघट हुने कुनै पनि सार्वजनिक कार्यक्रम स्थगित गर्ने निर्णय गरेपछि अस्ट्रेलियाका विभिन्न राज्यमा आयोजना गर्ने तयारी गरिएका दर्जनौं कार्यक्रमहरु स्थगित भइसकेका छन् । अस्ट्रेलियाले आइतबारदेखि लागू हुने गरी यहाँ आइपुगेका हरेकलाई दुई साता सेल्फ क्वारेन्टाइनमा बस्न अनिवार्य व्यवस्था लागू गरिसकेको छ ।

प्रतिक्रिया