आज : गते

ताजा शिर्षकहरु

चर्चित शिर्षकहरु

भारतमा पहिलोपटक कोरोनाका कारण एक जनाको मृत्यु भएपछि देशभर हंगामा, के भन्छन मोदी ?

प्रकाशित
4.3K
SHARES

काठमाडौं । कोरोना भाइरस (कोभिड १९)का कारण भारतमा एकजनाको मृत्यु भएको छ । कोरोनाको संक्रमणमा रहेका कर्नाटकको कलबुर्गीमा ७६ वर्षीय एक व्यक्तिको मृत्यु भएको बीबीसीले जनाएको छ । उनी साउदी अरेबियाबाट केहिदिन अघिमात्र भारत आएका थिए ।

कर्नाटक राज्यका स्वास्थ्य तथा परिवार कल्याण विभागले भनेको छ, ‘यो विषयमा सबै दिशानिर्देशनहरुको पूर्ण पालना भइरहेको छ । उनको सम्पर्कमा आएका सबैलाई सम्पर्कमा ल्याउने प्रयास भइरहेको छ । ती व्यक्ति तेलंगनाको एक निजी अस्पतालमा गएका थिए यस कारण तेलंगना सरकारलाई पनि सचेत गराइएको छ ।’

केन्द्र सरकारद्वारा जारी विज्ञप्तिका अनुसार साउदीअरबबाट फर्केपछि स्वास फेर्न अप्ठ्यारो, खोकी र निमोनियकोल लक्षण देखिएपछि मार्च ६ मा एक डाक्टरले उनको घरमा नै उपचार गरेका थिए । तर स्वास्थ्य लगातार बिग्रेपछि मार्च ९ मा उनी कलबुर्गीमा एक निजी अस्पतालमा भर्ना भए । अस्पतालको प्रराम्भिक जाँचमा उनलाई कोरोना भाइरसको संक्रमणको आशंका गरियो ।

त्यसपछि विस्तृत जाँचका लागि बेंग्लोरको ल्यावमा परीक्षण भयो । जाँचको रिपोर्ट आउनु अगाबै उनलाई हैदराबादको एक निजी अस्पतालमा भर्ना गरियो । त्यसपछि मार्च १० मा उपचारकै क्रममा उनको मृत्यु भयो । कर्नाटक प्रदेशका स्वास्थ्यमन्त्री बि श्रीमालुले एक ट्वीट गरेर मृतक व्यक्तिमा कोरोना भाइरसको संक्रमण भेटिएको बताएका छन् । यस बिषयमा मोदीले अहिलेसम्म कुनै प्रतिक्रिया जनाएका छैनन् ।

विश्व स्वास्थ्य सङ्गठन (डब्लुएचओ) ले कोराना भाइरसलाई विश्वव्यापी महामारीको रुपमा घोषणा गरेपछि मुलुकको सम्भावित जोखिम रोक्न सरकारले पर्यटक भिसा रोक्ने निर्यण गरेको छ । कोरोना सङ्क्रमण नियन्त्रण तथा रोकथाम उच्चस्तरीय समन्वय समितिको विहिबार सिंहदरबारमा बसेको बैठकले पर्यटक भिसासँगै अरु थप मुलुकका नागरिलाई अनअराइभल भिसा प्रतिबन्ध गर्ने निर्णय गरेको छ ।

यद्यपी यसबारेको पूर्ण विवरण भने सार्वजनिक गरिएको छैन । चीनबाट फैलिएर युरोपियन र केही मध्यपूर्वका देशमा समेत कोरोना भाइरसको सङ्क्रमण बढेकाले थप देशको भिसा रोक्ने निर्णय भएको सरकारका प्रवक्ता डा युवराज खतिवडाले जानकारी दिए ।

‘शुरुमा पाँच मुलुकबाट आउने भिसा रोक्ने भनेकोमा अझै केही थप देशहरुको भिसा रोक्ने निर्णय भएको छ’, कोभिड–१९ सङ्क्रमण नियन्त्रण तथा रोकथाम उच्चस्तरीय समन्वय समितिको बैठकको निर्णय सुनाउँदै प्रवक्ता खतिवडाले भने ।

सूचना एकद्धार प्रणालीबाट जाने भएकाले समितिको सचिवालयले त्यसको आधिकारिक निर्णय सार्वजनिक गर्ने मन्त्री खतिवडाले जानकारी दिए । अहिलेसम्म हवाई उडानमा भने कटौती नगरिएको उनले प्रष्ट पारेका छन् । यसअघि सरकारले चीन, इरान, इटाली, फ्रान्स जर्मनी, स्पेन, दक्षिण कोरिया र जापानको अनअराइभल भिसामा रोक लगाएको थियो ।

भारतले आफ्नो देशको नाकामा नियमन गर्दै खास नाकाबाट आवागमन खोल्ने निर्णय गरेकाले नेपालतर्फबाट पनि त्यही नाका प्रयोग गरिने भएको छ । त्यसको आवश्यक प्रक्रिया मिलाउन गृह र परराष्ट्र मन्त्रालयलाई जिम्मा दिइएको खतिवडाले बताएका छन् ।

विश्वभर महामारीका रुपमा फैलिएको कोरोना भाइरसको संक्रमण विश्वका १२७ मा पुगेको छ । चीनको वुहानबाट फैलिएको यो भाइरसको संक्रमणबाट ४ हजार ९ सय ७३ जनाको मृत्यु भएको छ ।

अहिलेसम्म १ लाख ३४ हजार ६ सय ७८ जना संक्रमित छन् । संक्रमितमध्ये ६९ हजार १ सय ४२ जना स्वास्थ्यलाभ गरी घर फर्किएको चिनियाँ सञ्चारमाध्यमले जनाएका छन् । कोरोनाको संक्रमणबाट सबैभन्दा बढी चिनियाँ नागरिक प्रभावित भएका छन् । चीनका ८० हजार ७ सय ९७ मा संक्रमण फैलिएको छ भने ३ हजार १ सय ७० जनाले ज्यान गुमाएका छन् ।

चीनबाटै फैलिएको यो भाइरसको संक्रमण चीनमा भने नियन्त्रणमा आउनेक्रम जारी छ । चिनियाँ सञ्चारमाध्यमले सार्वजनिक गरेको तथ्यांक अनुसार कोरोना प्रभावित नयाँ ४ जनामात्र फेला परेका छन् भने बिहीबार एक जनाको मात्र मृत्यु भएको छ । संक्रमित चिनियाँ नागरिक स्वास्थ्यलाभ लिएर फर्कनेक्रम बढेको चिनियाँ अधिकारीहरुले बताएका छन् ।

(कोभिड–१९)को संभावित संक्रमणबाट बच्न भन्दै सरकारले ८ देशबाट आउने विदेशी तथा नेपालीलाई १४ दिन क्वारेन्टाइनमा राखिने जनाएको छ । स्वास्थ्य तथा जनसंख्या मन्त्रालयले बिहीबार पत्रकार सम्मेलन गर्दै कोरोना संक्रमणको उच्च जोखिममा रहेका ८ वटा देशबाट आउने स्वदेशी तथा विदेशी नागरिकलाई १४ दिने क्वारेन्टाइनमा राखिने जनाएको हो ।

सरकारले चीन तथा चीन स्वशाति क्षेत्र, इरान, इटाली, दक्षिण कोरिया, जापान, फ्रान्स, जर्मनी र स्पेनबाट आउने नेपाली तथा विदेशीलाई १४ दिने क्वारेन्टाइनमा राख्ने तयारी गरेको हो । सरकारले ती देशबाट आउने नागरिकले विमानस्थलमै पाउने गरेको अनअराइभल भिसा यसअघि नै रोकिसकेको छ ।

ती देशबाट आउने विदेशी नागरिकहरुले आफू कोरोना भाइरसबाट मुक्त रहेको प्रमाण देखाए मात्रै नेपाल प्रवेश गर्न पाउनेछन् । ती देशबाट आउने नेपालीहरुलाई भने क्वारेन्टाइनमा राखी कोरोना संक्रमण नभएको पुष्टि भएपछि मात्रै घर पठाइने स्वास्थ्य तथा जनसंख्या मन्त्रालयका सचिव यादव कोइरालाले जानकारी दिए ।

विदेशी पर्यटकको ट्र्याकिङ गरिन
सरकारले पर्यटक भिसामा नेपाल आएका हरेक विदेशीको अवस्था र उनीहरुका गतिविधिमाथि निरन्तर निगारानी गरिने पनि जनाएको छ । अध्यागमन विभागले हालै प्रचलनमा ल्याएको ‘नेपाल पोर्ट’ नामक सफ्टवेयरको मद्दतबाट विदेशी नागरिकलाई ट्र्याकिङ गरिने स्वास्थ्य मन्त्रालयका सचिव कोइरालाले जानकारी दिए ।

‘नेपालमा आउने विदेशी पर्यटकबाट पनि कोरोना भाइरसको संक्रमण बढ्नेतर्फ हामीले सजगता अपनाएको छौं । अहिले हामीले सबै विदेशी पर्यटकलाई ट्र्याकिङ गर्न सक्ने गरी काम अगाडि बढाएका छौं,’ कोइरालले भने, ‘उनीहरु कहाँ जान्छन्, को–कोसँग सम्पर्कमा रहे, सबै जानकारी हामीलाई प्राप्त हुन्छ ।’

कोराेनाको संक्रमण रोक्न स्थानीय तहमा कमिटी गठन
स्वास्थ्य सचिव कोइरालाले कोरोनाको सम्भावित संक्रमण रोक्नका लागि केन्द्र, प्रदेश र स्थानीय सरकारबीच समन्वय गर्ने गरी काम भइरहेको पनि जानकारी दिए । सचिव कोइरालाका अनुसार कोरोनाको संभावित संक्रमण रोक्नका लागि स्थानीय तहमा कमिटी गठन गर्ने काम शुरु गरिएको छ ।

उक्त कमिटीले स्थानीयस्तरमा कोरोना भाइरसबारे जनचेतना फैलाउनुका साथै कोरोना भाइरस संक्रमणको आशंका गरिएका व्यक्तिलाई अस्पतालसम्म पुर्‍याउन भूमिका खेल्ने छ । स्थानीयस्तरमा गठन हुन कमिटीले आफ्नो स्थानीय तह र सम्बन्धित प्रदेश सरकारसँग समन्वय गरेर काम गर्ने सचिव कोइरालाले जानकारी दिए ।

सचिव कोइरालाले कोरोना भाइरसको सम्भावित संक्रमण रोक्न तथा संक्रमण भइसकेको अवस्थामा बिरामीहरुलाई भर्ना गरेर उपचार गर्न सबै प्रदेशका अस्पतालहरुमा आइसोलेसन वार्डहरु तयार गरेर राखिएको बताए । यस्तै, जिल्ला अस्पताल र स्थानीय तहको स्वामित्वमा रहेका अस्पताल तथा प्राथमिक स्वास्थ्य केन्द्रमा पनि आइसोलेसन बेडहरु तयारी अवस्थामा राख्न निर्देशन दिइएको सचिव कोइरालाको भनाइ छ ।

प्रतिक्रिया