आज : गते

ताजा शिर्षकहरु

चर्चित शिर्षकहरु

वामदेव गौतमलाई राष्ट्रिय सभा सदस्य बनाउने नेकपाको निर्णय

प्रकाशित
1.1K
SHARES

काठमाडौं । सत्तारुढ दल नेपाल कम्युनिस्ट पार्टी नेककपाले उपाध्यक्ष वामदेव गौतमलाई राष्ट्रिय सभामा लैजाने निर्णय गरेको छ । बुधवार बसेको नेकपाको सचिवालय बैठकले उपाध्यक्ष गौतमलाई राष्ट्रियसभामा लैजाने निर्णय गरेको प्रवक्ता नारायणकाजी श्रेष्ठले जानकारी दिए ।

मन्त्रिपरिषद्को सिफारिसमा राष्ट्रपतिबाट मनोनीत हुने राष्ट्रिय सभाको सिटमा गौतमलाई २० फागुनपछि लैजान लागिएको हो । यसअघि मनोनीत अर्थमन्त्री युवराज खतिवडाको कार्यकाल २० फागुनमा सकिँदै छ । ०७४ मा प्रतिनिधिसभा चुनावमा बर्दिया–१ बाट तत्कालीन वामगठबन्धनबाट उम्मेदवार बनेका गौतम पराजित भएका थिए ।

त्यसयता उनले केही पटक प्रतिनिधि सभामा निर्वाचित भएर जान खोजेका थिए । डोल्पा र काठमाडौंबाट उनी विजयी सांसदलाई फिर्ता गराएर भएपनि उनी निर्वाचित हुन खोजेका थिए । तर चौतर्फी आलोचना भएपछि उनी व्याक भएका थिए । यस्तै नेकपाले संविधान संशोधनका लागि बनाएको कार्यदल भङ्ग गरेको छ ।

राष्ट्रियसभा सदस्य पनि प्रधानमन्त्री हुन पाउने गरी संविधान संशोधन गर्न नेकपाले वरिष्ठ नेता माधवकुमार नेपालको संयोजकत्वमा कार्यदल बनाएको थियो । तर कार्यदलका सदस्यद्वय सुवासचन्द्र नेम्वाङ र खिमलाल देवकोटा कार्यदलमा बस्न तयार भएनन् ।

राष्ट्रियसभा सदस्य पनि प्रधानमन्त्री बन्न पाउने गरी संविधान संशोधन गर्ने प्रस्ताव नेपाल कम्युनिस्ट पार्टी (नेकपा)को स्थायी कमिटीमा अस्वीकृत भएपछि सचिवालयमा पुगेको पाइएको छ । सचिवालयले यसका लागि कार्यदल गठन गरेको भएपनि नेताहरुले सार्वजनिक रुपमा स्वीकार गर्न समेत सकेका छैनन् ।

पार्टीभित्र र बाहिर चर्को आलोचना भएपछि संविधान संशोधनका लागि कार्यदल गठन गर्ने सहमति गरेका सचिवालयका नेताहरु तैचुप मैचुपको अवस्थामा पुगेका छन् । संविधान संशोधन गर्ने प्रस्ताव पुसमा सम्पन्न स्थायी कमिटी बैठकको अन्तिम दिन नै आएको एक नेताले बताएका छन्।

अध्यक्ष पुष्पकमल दाहाल प्रचण्डले नेता बामदेव गौतमलाई प्रधानमन्त्री बन्ने बाटो खुलाउन संविधान संशोधन गर्ने र त्यसका लागि कार्यदल गठन गर्ने प्रस्ताव राखेका थिए । तर त्यो बैठकमा रघुजी पन्त एकजना नेतामात्र थिए, जसले सो प्रस्तावको ठाडै बिरोध गरेपछि एजेण्डामा थप छलफल भएन ।

स्थायी कमिटी बैठकले अस्वीकार गरेको एजेण्डा सचिवालयमा ल्याइएको पन्तले बताए । ‘गएको स्थायी कमिटी बैठकको अन्तिम दिन विविध शीर्षक अन्तर्गत प्रस्ताव ल्याउनुभयो पार्टी अध्यक्ष प्रचण्डले । बामदेव कमरेडलाई प्रधानमन्त्री बन्ने बाटो खुला गर्नुप¥यो, त्यसैले राष्ट्रियसभाको सदस्य पनि प्रधानमन्त्री हुन पाउनेगरी संविधान संशोधन गर्नुप¥यो । त्यसका लागि कार्यदल गठन गर्ने प्रस्ताव ल्याएको छु भन्नुभयो’ पन्तले अनलाइनखबरलाई दिएको अन्तर्वार्तामा भनेका छन्, दुई तीन मिनेट त्यस प्रस्तावले सन्नाटा छायो । कसैले केही बोलेनन् ।’

कोही नबोलेपछि आफूले हात उठाएर संविधान संशोधनको प्रस्तावमा असहमति जनाएको पन्तले सम्झिए । बामदेवप्रति आफ्नो कुनै पुर्वाग्रह नभएको तर संविधान संशोधनको एजेण्डा अहिले खुला गर्नु भनेको पाण्डोराको बक्स खुला गर्नु भएको आफूले त्यसबेला नै बताएको उनले बताए ।

त्यसपछि यो एजेण्डा त्यही सकिएको भन्दै उनले भने, स्थायी कमिटीले स्वीकार नगरेको एजेण्डालाई सचिवालयमा लगियो ।’ आफूले पाएको जानकारीअनुसार संविधान संशोधनको कार्यदल गठन गर्दा सचिवालयका एक जना नेताले पनि विरोध नगरेको भन्दै उनले यो निर्णयको जिम्मेवारी निर्णय गर्नेहरुले नै लिनुपर्ने बताएका छन् ।

प्रतिक्रिया