आज : गते

ताजा शिर्षकहरु

चर्चित शिर्षकहरु

४० करोड रुपैयाँको वैदेशिक रोजगार बचत पत्रको बिक्री खुला

प्रकाशित
1.4K
SHARES

काठमाडौं । नेपाल राष्ट्र बैंकले शुत्रबारबाट ४० करोड रुपैयाँ बराबरको वैदेशिक रोजगार बचत पत्रको बिक्री खुला गरेको छ । ५ वर्षमा परिपक्व हुने गरी वैदेशिक रोजगार बचत पत्र २०८१ क, ख, ग बिक्री गर्न लागिएको नेपाल राष्ट्र बैंकले जारी गरेको सूचनामा उल्लेख गरिएको छ ।

वार्षिक १० प्रतिशतको दरमा ६/६ महिनामा व्याज भुक्तानी हुने उक्त बचत पत्र खरिदको लागि आउँदो चैत्र २१ गतेसम्म आवेदन दिन सकिने राष्ट्र बैंकले जानकारी दिएको छ । बचत पत्रको निष्काशन मिति माघ २७, फागुन २८ र चैत्र २७ गते तोकिएको छ । बचत पत्रको साँवा भुक्तानी मिति २०८१ को माघ २७, फागुन २८ र चैत्र २७ गते तोकिएको छ ।

राष्ट्र बैंकले बचत पत्र मुलुक बाहिर रोजगारीमा संलग्न वा मुलुक बाहिरको रोजगारीबाट फर्केको ६ महिना नपुगेका नेपाली नागरिक वा गैर–आवासीय नेपालीले आफू वा आफ्नो परिवारको सदस्य (बुवा, आमा, श्रीमान श्रीमती, छोरा, छोरी) मात्रको नाममा खरिद गर्न सक्ने जनाएको छ ।

घटीमा १० हजार रुपैयाँ र बढीमा १० हजारले भाग गर्दा निःशेष भाग जाने गरी आह्वान गरिएको रकमसम्म बचत पत्र खरिद गर्न सकिने छ । उक्त बचत धितो राखेर बैंक तथा फाईनान्स कम्पनीहरुसंग कर्जा समेत निकाल्न सकिने राष्ट्र बैंकले जानकारी दिएको छ ।

राष्ट्र बैंकको खरिदको लागि सिटिजन्स् बैंक इण्टरनेशनल लिमिटेड, नबिल बैंक, माछापुच्छ्रे बैंक, प्रभु बैंक, सनराइज बैंक, सिद्धार्थ बैंक, सानिमा बैंक, सेञ्चुरी कमर्सियल बैंक, प्रभु मनि ट्रान्सफर, सिटी एक्सप्रेस मनि ट्रान्सफर, आईएमई लिमिटेड र सेवा रेमिटका केद्रीय कार्यालय तथा शाखा कार्यालयमा सम्पर्क गर्न सकिने छ ।

यस्तै राष्ट्र बैंकले उपदान तथा निवृत्तिभरण कोषमा रहेको १ अर्ब ४० करोड रुपैयाँ बैंक तथा वित्तीय कम्पनीमा लगानी गर्ने भएको छ । राष्ट्र बैंकले उक्त रकम एक वर्षे मुद्दती निक्षेपको रूपमा २०७६ माघ १ देखि २०७७ पुस २९ गतेसम्मका लागि लगानी गर्न लागेको हो ।

लगानी गरिने रकममध्ये वाणिज्य बैंकहरूमा १ अर्ब १२ करोड, राष्ट्रिय स्तरका विकास बैंकमा २१ करोड र वित्त कम्पनीमा ७ करोड लगानी गर्ने बताइएको छ ।

निक्षेपको रूपमा रकम लिन चाहने बैंकले केन्द्रीय बैंकले तोकेको शर्त पूरा गरी आवश्यक रकम र प्रस्तावित ब्याजदर समेत खुलाएर पुस महीनाको १६ गते दिउँसो ३ बजेभित्र निवेदन पेश गरिसक्नु पर्ने छ ।

प्रतिक्रिया