आज : गते

ताजा शिर्षकहरु

चर्चित शिर्षकहरु

एकै प्रकृतिको घटना : पूर्वयुवराज पारसलाई छुट, आस्थामाथि उजुरी !

प्रकाशित
1.4K
SHARES

काठमाडौँ । नेपालको कानुन दैवले जानुन । एकै ठाउँ । घटना उस्तै प्रकृति अर्थात ‘दुर्व्यवहार’ । तर, किन ‘सानालाई ऐन र ठूलालाई चैन’ ? यो प्रश्न प्रहरी अधिकारी र सम्बन्धितप्रति तेर्सिएको छ ।केही महिनाअघि पूर्वयुवराज पारस साहले विमानस्थलमा ड्युटीमा खटिएका प्रहरी नायव निरीक्षक (सई)माथि हातपातको प्रयास गरे । यस्तै गायिका आस्था राउतले पनि गत बुधबार फेसबुक लाइभमार्फत प्रहरीलाई तथानाम गाली गरिन् ।

घटना पनि एकै ठाउँको थियो अर्थात त्रिभुवन अन्तर्राष्ट्रिय विमानस्थलको । घटनाको प्रकति पनि एउटै हो, ‘प्रहरीमाथि दुर्व्यवहार ।’ पारसविरुद्ध उजुरी दिने कसैको आँट गरेन भने गायिका राउतविरुद्ध शुक्रबार उजुरी परेको छ ।यसरी बुझौं कि पारसको हकमा कानुन लागू भएन भने गायिका राउतको हकमा लागू भएको छ ।पारस पूर्वयुवराज हुन् भने राउत गायिका । यहाँ पदको कुरा गर्ने हो भने गायिका राउतभन्दा पारस धेरै माथि छन् । पारस सुरक्षा गार्डसहित गाडीमा यात्रा गर्छन् भने गायिका राउत स्कुटीमा यात्रा गर्छिन्

गत भदौ २ गते पूर्वयुवराज पारस शाहले त्रिभुवन अन्तर्राष्ट्रिय विमानस्थलमा ड्युटीमा रहेका प्रहरीमाथि हातपातै नै गरेको भिडियो सामाजिक सञ्जालमार्फत नै सार्वजनिक भयो ।आमा र छोराछोरीलाई थाइल्याण्ड जान लागेका बेला विमानस्थलमा बिदाइका लागि पुगेका पारसले ड्युटीमा रहेका प्रहरी नायव निरीक्षक (सई) माथि हातपात गरेका थिए ।

सार्वजनिकस्थलमै पारसले बर्दीधारी प्रहरीमाथि हातपात गरे । त्रिभुवन अन्तर्राष्ट्रिय विमानस्थलको भीआईपी कक्षको सुरक्षामा खटिएका सई ईश्वर खत्रीमाथि पारसले हातपात गरेका हुन् ।आफ्ना छोरा र भाञ्जामाथि प्रहरीले ‘अपमान’ गरेको भन्दै पारसले सई खत्रीलाई छातीमा समातेर धकलेको भिडियो सार्वजनिक भएको थियो । भिडियोमा देखिएको दृश्य हेर्दा पनि पूर्वयुवराज पारस फर्की–फर्की सई खत्रीमाथि झम्टिएको देखिएको छ ।

त्यतिबेला सामाजिक सञ्जालमा जनताको सुरक्षाका लागि खटिएका सुरक्षाकर्मीमाथि दुव्र्यवहार गर्ने पूर्वयुवराज पारसलाई कारबाही गर्न माग गरिएको थियो ।सामान्य नागरिकले पारसको जस्तो हर्कत गथ्र्यो भने तत्कालै पक्राउ पुर्जी जारी गरेर समात्न सक्ने नेपाल प्रहरी पारस प्रकरणमा भने मौन रह्यो । सई खत्रीले पनि पारसविरुद्ध उजुरी हाल्न सकेनन् । सायद उनलाई तत्कालीन विमानस्थल प्रहरी नेतृत्वले नै पारसविरुद्ध उजुरी नहाल्न भनेका थिए ।

मिडियामा प्रहरी नेतृत्वको नै चर्को आलोचना भएपछि तत्कालीन महानगरीय प्रहरी कार्यालय, रानीपोखरीका प्रमुख शैलेश थापा क्षत्रीले घटनाको छानबिन प्रक्रिया अघि बढेको बताएका थिए ।यो पनि…पूर्वयुवराज पारसद्वारा बर्दीवाला प्रहरीमाथि हातपात : तर, प्रहरी नै भन्छ – सामान्य घटना हो !

विमानस्थलमा प्रहरीमाथि जाइलाग्नुको कारणबारे बोले पारस शाह पछि पारसको घटनाबारे थापासँग बुझ्दा छानबिन भइरहेको भन्दै टार्दै आए । यसरी बुझ्न सकिन्छ कि पारसको घटनामा प्रहरी डराएको थियो ।सामाजिक सञ्जालमा चर्को आलोचना भएपछि पारसले सोही दिन सई खत्रीले आफ्नो छोरामाथि डण्डा बर्साएपछि सहन नसकेको र उनीमाथि जाइलागेको प्रतिक्रिया दिए ।

अनेकन् विवाद र अराजक क्रियाकलापसँग जोडिएका पारसले युवराज हुनुअघिदेखि नै मादक पदार्थ सेवन गरेर सार्वजनिक स्थानमा होहल्ला, आम मानिसमाथि मारपिटदेखि फायरिङसम्ममा घटना गराउँदै आएको दृष्टान्त छ ।कुनै बेला गायक प्रविण गुरुङ मृत्यु प्रकरणमा समेत पारसको नाम जोडिएको थियो । नेपालमा मात्र नभएर विदेशमा समेत लागुपदार्थ सेवनको आरोपमा पारस पक्राउ परेका थिए ।

बेला–बेला चर्चामै आउनको लागि विभिन्न फण्डाहरु गर्ने गरिन्छ । कोही चर्चामा आउनको लागि नाङ्गिन्छन् भने कोही बोल्ड फोटो सुट गर्छन् त कोही गालीगलौज गरेर चर्चामा आउँछन् ।यतिबेला सामाजिक सञ्जालमा गायिका आस्था राउत ‘भाइरल’ छिन् । सामाजिक सञ्जालमार्फत नै राउतलाई कसैलाई गाली गरेका छन् त कसैले समर्थन गरेका छन् ।

बुधबार त्रिभुवन विमानस्थलबाट भद्रपुर जान लागेको बेला ड्युटीमा खटिएको प्रहरी जवान रमिसा श्रेष्ठले चेकजाँच गर्ने क्रममा आफूलाई दुर्व्यवहार गरेको भन्दै फेसबुक लाइममार्फत एक भिडियो सार्वजनिक गरिन् ।भिडियोमा राउतले प्रहरीलाई तुच्छ शब्दले गालीगलौज गरेकी छन् । यहाँसम्मकी ‘डण्ठे, प्यूसो, पुलिस हो कि सुलिस’ जस्ता शब्द राउतले प्रयोग गरेकी छन् ।

धेरैजसोले गायिका राउत चर्चामा आउनको लागि यस्तो फण्डा अपनाएको आरोप छ । हुन पनि राउत फेसबुक लाइभमा तिखो र तुच्छ शब्द बोल्दै आउने गरेकी छन् ।कारबाही गर्नुपर्ने भन्दै सामाजिक सञ्जालमा राउतको चर्को आलोचना भएपछि विमानस्थलमा प्रहरी जवान श्रेष्ठ र राउतबीच भएको भिडियो प्रहरी आफैले सार्वजनिक गर्यो । त्यो व्यवहारिक मानिँदैन ।

१ मिनेट ४५ सेकेण्ड लामो भिडियोमा सुरुमा आस्था राउत र अर्का एक युवक सँगै आउँछन् । युवक पुरुषको लाइनमा चेकजाँचका लागि जान्छन् भने राउत महिला प्रहरी भएकोतिर आउँछिन् ।महिला प्रहरी श्रेष्ठ चेकजाँचमा थिइन् । राउतको हातमा कफीसमेत थियो । महिला प्रहरीले राउतलाई ज्याकेट खोलेर आउन भन्छिन् । बरु राउतको हातमा रहेको कफीसमेत महिला प्रहरीले लिइदिन्छिन् र टेबुलमा राखिदिन्छन् ।

त्यसपछि राउत रिसाउँदै बाहिर जान्छिन् र आफ्नो ज्याकेट खोली एक्सरे मेसिनमा राख्छिन् । त्यसपछि राउत प्रहरी चेकिङमा जान्छिन् । महिला प्रहरीले राउतको शरीर खानतलासी गर्छिन् । त्यसपछि पनि राउत रिसाएर आफ्नो ज्याकेट लिन जान्छिन् ।राउत निस्कन लागेपछि महिला प्रहरीले कफी लैजान भन्छिन् । तर, उनी कफी नलिइ निस्कन खोज्छिन् । महिला प्रहरी आफैले कफी ल्याएर दिन्छिन् । तर पनि उनी अझै रिसाएर निस्कन खोज्छिन् । त्यसपछि महिला प्रहरीले राउतको ज्याकेट समातेर फेरि पनि कफी लैजान भन्छिन् ।

यो पनि…आस्था राउत प्रकरण : आखिर के भएको थियो प्रहरी चेकिङमा (भिडियोसहित)गायिका आस्था राउतविरुद्ध प्रहरी जवान श्रेष्ठले दिइन् उजुरी दम्भ देखाएको पनि छैन, डराएको पनि छैन : गायिका आस्था राउतप्रहरीलाई गाली गरेको आस्था राउतको भिडियो भाइरल, छानबिन समिति गठन तर, राउत कफी लैजान मान्दिनन् । त्यसपछि केही समय महिला प्रहरी र राउतबीच कफी टेबलमा सारासार हुन्छ । राउतले आफ्नो ज्याकेट लगाउँछिन् र ब्याग बोकेर कफी नलिई जान खोज्छिन् ।

त्यसै क्रममा राउतले महिला प्रहरीमाथि नै औँला ठड्याएर केही बोल्छिन् । राउतको हाउभाउ हेर्ने हो भने त्यो धम्कीजस्तो देखिन्छ । राउतले औँला ठड्याएर धम्की दिँदा पनि महिला प्रहरी चुपचाप आफ्नो काम गरिरहन्छिन् ।भिडियो सार्वजनिक भएपछि शुक्रबार साँझ प्रहरी जवान श्रेष्ठले गायिका राउतविरुद्ध विमानस्थल सुरक्षा प्रहरी कार्यालयमा उजुरी दिएकी छन् । चेकजाँचको क्रममा गायिका राउतले आफू ड्यूटीमा रहँदा गालीगलौच र अभद्र व्यवहार गरेकी भन्दै जवान श्रेष्ठले उजुरी दिएकी हुन् ।

श्रेष्ठको उजुरी विमानस्थल प्रहरी कार्यालयले महानगरीय प्रहरी कार्यालय रानीपोखरीमा पठाएको छ । रानीपोखरीका प्रमुख विश्वराज पोखरेलले घटनाको अनुसन्धान भइरहेको बताए ।यता शुक्रबार नै रुँदै राउतले फेसबुक लाइभमार्फत २–४ शब्द बढी बोलेको भन्दै माफी मागेकी छन् ।यसविषयमा प्रतिक्रिया लिन सम्बन्धित प्रहरी अधिकारीलाई सम्पर्क गर्दा सम्पर्कमा आउन चाहेनन् ।

प्रतिक्रिया