आज : गते

ताजा शिर्षकहरु

गुणस्तरीय शिक्षाका लागि सामुदायिक विद्यालयलाई अब्बल बनाउने – शिक्षामन्त्रीे

प्रकाशित
797
SHARES

काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेलले सङ्घीय संसद्को चालू हिउँदे अधिवेशनमा शिक्षासम्बन्धी तीन विधेयक ल्याइने बताएका छन् । शिक्षा पत्रकार समूहले आज (मंगलबार) आयोजना गरेको कार्यक्रममा जारी भइसकेका नयाँ शिक्षा नीतिका आधारमा विद्यालय शिक्षा, प्राविधिक तथा व्यावसायिक शिक्षा र उच्च शिक्षाका लागि तीन विधेयकको तयारी भएको जानकारी उनले दिए ।

उनले बाहिर टिप्पणी गरिएजस्तो सङ्घीय सरकार र स्थानीय तहबीच शिक्षाको प्रबन्ध र गुणस्तरीय शिक्षाका सन्दर्भमा कुनै टकराव नरहेको जनाउँदै भने, “हामी पहिला एकीकृत सङ्घीय शिक्षा ऐनको तयारीमा थियौँ, त्यसका लागि मन्त्रिपरिषद्बाट सैद्धान्तिक सहमति भइसहेको थियो तर अहिले तीन अलग अलग विधेयकको आवश्यकता महसुस भएकाले त्यसको मस्यौदा निर्माणमा हामी लागेका छौँ ।”

मन्त्री पोखरेलले देशव्यापीरुपमा शिक्षक दरबन्दी पुनःवितरणको श्वेतपत्र जारी गरिएकाले सोबमोजिम शिक्षकहरु व्यवस्थित हुनुपर्नेमा जोेड दिँदै अपुग शिक्षकको पूर्तिका लागि विज्ञापन गरिने बताए । स्थानीय तहलाई विद्यालय शिक्षाका अधिकांश अधिकार हस्तान्तरण गरिसकिएको र ती तहले कतिपय असल अभ्याससमेत गरेको मन्त्री पोखरेलको भनाइ थियो ।

कार्यक्रममा समूहले विभिन्न १३ स्थानीय तहमा शिक्षाबारे भइरहेका नीतिगत र अन्य पहलका बारेमा गरेको अध्ययन प्रस्तुत गरिएको थियो । शिक्षामन्त्री गिरिराजमणि पोखरेलले गुणस्तरीय शिक्षाका लागि सामुदायिक विद्यालयलाई अब्बल बनाउनु पर्ने बताएका छन् ।

शिक्षा तथा समन्वय इकाई नवलपुरले कावासेतीमा गरेको शैक्षिक अन्तरक्रियामा उनले अभिभावक र विद्यार्थीहरुको पहिलो रोजाई सामुदायिक विद्यालय हुने गरी शिक्षक तथा विद्यालय व्यवस्थापनले काम गर्नुपर्ने बताए । मन्त्री पोखरेलले सामुदायिक विद्यालयको सवलिकरणको दशकका रुपमा घोषणा गरिएको भन्दै शिक्षकहरुले सोही अनुरुपमा शिक्षाको विकास गराउनु पर्नेमा जोड दिए ।

प्रतिक्रिया