आज : गते

ताजा शिर्षकहरु

चर्चित शिर्षकहरु

तापमान वृद्धिको प्रभावबारे ‘कोप–२५’ मा ध्यानाकर्षण गराउँछौँ – मन्त्री बस्नेत

प्रकाशित
1.3K
SHARES

काठमाडौं । वन तथा वातावरणमन्त्री शक्तिबहादुर बस्नेत जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिको पक्ष राष्ट्रको २५औँ सम्मेलन कोप–२५मा सहभागी हुन नेपाली प्रतिनिधिमण्डलको नेतृत्व गर्दै गएराति स्पेन प्रस्थान गरेका छन । स्पेनको म्याड्रिडमा भइरहेको कोप–२५ को विशेष सभालाई मन्त्री बस्नेतले बुधबार सम्बोधन गर्ने कार्यक्रम रहेको मन्त्रालयले जनाएको छ । म्याड्रिड प्रस्थानअघि मन्त्री बस्नेतले हिमालयहरुमा हिउँ पग्नले क्रम तीव्र रुपमा बढेकाले विश्व तापमानमा प्रत्यक्ष नकारात्मक प्रभाव पारेकोतर्फ नेपालले सभाको ध्यानाकर्षण गराउने बताए ।

साथै उनले त्यसबाट उत्पन्न विषम परिस्थितिको सामना गर्ने सम्बन्धमा योजना तय गर्ने प्रस्ताव राख्ने जानकारी गराए । सम्मेलनमा नेपालले अधिक कार्बन उत्सर्जन गरिरहेका विकसित मुलुकहरुले नेपालजस्ता जलवायु परिवर्तनमा कम योगदान भएर पनि अतिप्रभावित गरिब तथा तेस्रो मुलुकले क्षतिपूर्तिस्वरुप पाउनुपर्ने ‘हरित जलवायु कोष’ उपलब्ध गराउन लबिङ गर्ने बताइएको छ ।

यसअघि दक्षिण अमेरिकी मुलुक चिलीको सान्टियागोमा तय भएको कोप–२५ त्यहाँको सरकारले विषम राजनीतिक परिस्थितिका कारण व्यवस्थापन गर्न सक्षम नरहेको बताएपछि सम्मेलनको स्थल स्पेन सारिएको हो । यही मङ्सिर १६ मा शुरु भएर २७ गतेसम्म चल्ने सम्मेलनमा विश्वका १९७ मुलुकका राष्ट्र तथा सरकार प्रमुख, वातावरणमन्त्रीका साथै जलवायु परिवर्तनका क्षेत्रमा क्रियाशील सङ्घसंस्थाका प्रतिनिधि सहभागी छन् । मन्त्री बस्नेत सम्मेलनमा सहभागी भएर मङ्सिर २९ गते स्वदेश फर्कने कार्यक्रम छ ।

यसैबीच नेकपा वरिष्ठ नेता एवं पूर्वप्रधानमन्त्री माधवकुमार नेपाल र नेपालका लागि भारतीय राजदूत मञ्जिवसिंह पूरीबीच भेटवार्ता भएको छ । सोमबार बिहान नेता नेपालसँग भेट गर्नका लागि राजदूत पुरी निवास पुगेका थिए । आफ्नो कार्यकाल पूरा गर्न लागेका राजदूत पुरीले विदेश विभाग प्रमुखसमेत रहेका नेता नेपालसँग विदाई भेट गरेका हुन् ।

भेटमा राजदूतको कार्यकालको संक्षिप्त चर्चा सहित नेपाल–भारत सम्बन्धका बिबिध पक्षमा कुराकानी भएको थियो । उनीहरुबीच सीमा विवादका विषयमा कुराकानी भएको स्रोतले बतायो । प्रधानमन्त्री केपी शर्मा ओलीले नेता नेपाललाई समकक्षी नरेन्द्र मोदीसँग कालापानी, लिपुलेक सीमा विवादका विषयमा कुरा गर्नका भारत पठाउने तयारी गरेका थिए ।

प्रतिक्रिया