आज : गते

ताजा शिर्षकहरु

चर्चित शिर्षकहरु

सकियो प्रचण्डले बोलाएको नेकपाको हाइकमाण्ड बैठक, भए फेरी यस्ता निर्णय

प्रकाशित
666
SHARES

काठमाडौं । नेपाल कम्युनिस्ट पार्टी (नेकपा)को सचिवालय बैठकले पार्टीको विधानमा केही संशोधन गर्ने निर्णय गरेको छ । अध्यक्ष पुष्पकमल दाहाल ‘प्रचण्ड’को अध्यक्षतामा बसेको बैठकले यसभन्दा अगाडीको स्थायी समिति बैठकको निर्देशनलाई मान्दै पार्टीको विधानमा केही संशोधन गर्ने निर्णय गरेको हो । पार्टी संशोधनका विषयमा यस अघि सचिवालय बैठकमा नै भएका निर्णयलाई आधार बनाई संशोधन प्रस्ताव तयार गरिने छ ।

स्थायी कमिटी र केन्द्रीय कमिटीमा पेश गरेपछि सो प्रस्ताव कार्यान्वयनमा जाने नेकपाका सचिवालय सदस्य एवं प्रवक्ता नारायणकाजी श्रेष्ठले जानकारी दिए । त्यसैगरी बैठकले गत मंसिर १४ गते भएको उपनिर्वाचनको समिक्षात्मक रिपोर्टका विषयमा आगाीमी सचिवालय बैठकमा छलफल गर्ने भएको छ । सवै ठाउँबाट रिपोर्ट नआएको हुँदा अर्को बैठकमा उपनिर्वाचनको विषयमा समिक्षा हुने प्रवक्ता श्रेष्ठले जानकारी दिए ।

उनले भने, ‘गत बैठकले हालै सम्पन्न उप निर्वाचनको सन्दर्भमा समिक्षात्मक रिपोर्ट २२ गते भित्र पठाउन भनिएकोमा केही ठाउँबाट प्राप्त हुन नसकेको हुँदा अब पाँच दिनभित्र सवै कमिटीले अनिवार्य रुपमा रिपोर्ट पठाउन समय थपिएको छ । सवै ठाउँबाट रिपोर्ट प्राप्त भएपछि यस सम्बन्धमा अर्को बैठकमा छलफल हुनेछ ।’ त्यसैगरी, बैठकमा संगठन विभागले विभागको तर्फबाट कार्ययोजनासम्बन्धी प्रस्ताव प्रस्तुत गरेको छ ।

उक्त प्रसतावका बारेमा सचिवालयले पार्टी अध्यक्षलाई सुझाव पेश गर्ने र सुझावहरुको वारेमा संगठन विभागका प्रमुखसँग परामर्श गरी अध्यक्षले उक्त प्रस्तावलाई पार्टीको सचिवालय बैठकमा निर्णयार्थ अर्को बैठकमा प्रस्तुत गरिने प्रवक्ता श्रेष्ठले बताए । विभिन्न जिल्लाहरुमा संगठनात्मक क्षेत्रमा देखिएका केही समस्याहरुका सन्दर्भमा आवश्यक छानविन र समाधान गर्न केन्द्रीय संगठन विभागलाई जिम्मेवारी दिइएको छ ।

केन्द्रीय निकायहरु केन्द्रीय सल्लाहकार समिति, केन्द्रीय आयोगहरु र विभागको पूर्णताका लागि प्रमुख र उपप्रमुखहरुले ७ दिनभित्र महासचिवमार्फत प्रस्तत गरी सचिवालय बैठकले सवै निकाय र विभागलाई पूर्णता दिने गरी निर्णय लिने विषयमा समेत छलफल भएको थियो । त्यस्तै कर्णाली प्रदेशका सचिव मायाप्रसाद शर्माले दिएको राजीनामा अस्वीकृत गरिएको छ । उनलाई काममा फर्किन निर्देशन दिएको छ । सचिवालयको आगामी बैठक मंसिर २७ गते र स्थायी किमिटि बैठक मंसिर २९ गते ११ बजेका लागि बोलाइएको छ ।

यसअघि भदौ ९ गते पनि बैठक सञ्चालन लगायतको कार्यकारी अधिकार दिएर प्रधानमन्त्री एवं अध्यक्ष ओली स्वास्थ्य उपचारका लागि सिंगापुरमा गएका बेला प्रचण्डले सचिवालय बैठक डाकेका थिए। उनले त्यसबेला चार जना केन्द्रीय सदस्यलाई मनोनयन गर्नुका साथै केही नेताहरुको जिम्मेवारी फेरबदल गरेका थिए।

एकताको सबै प्रक्रिया नटुंगिएको नेकपालाई उनले नयाँ ढंगले अघि बढाउने संकेत दिएका छन्। नेकपाको स्थायी समिति बैठक एक वर्षदेखि बस्न सकेको छैन, दुई दिनमा बैठक सक्नेगरी स्थायी समिति बैठक डाकिएको प्रवक्ता श्रेष्ठले बताए। यसअघि स्थायी समिति गठन भएसँगै गत वर्ष मंसिर २९ गते सो समतिको बैठक बसेको थियो।

त्यसको ठीक एक वर्षपछि नेकपाले स्थायी समितिको बैठक बोलाएको हो। रिक्त रहेको सभामुख बारेमा आजको बैठकमा कुनै छलफल नभएको भन्दै प्रवक्ता श्रेष्ठ आगामी सचिवालय बैठक मंसिर २७ गते अपरान्ह बस्ने निर्णय भएको जानकारी दिए। प्रचण्डले कार्यकारी अध्यक्ष बनेको १ महिना नबित्दै बैठक बोलाएको विषयमा ओली भने दंग परेका छन् । उनले यस विषयमा आफु नजिकका आफु नजिकका नेताहरुहरुसँग सेयर गरेका छन् ।

सत्तारुढ नेपाल कम्युनिस्ट पार्टी (नेकपा)का अध्कोयक्ष पुष्पकमल दाहाल ‘प्रचण्ड’ले पार्टीको कार्यकारी अध्यक्ष बनेको महिनादिन नबित्दै पार्टीको स्थायी समिति बैठक बोलाएका छन् । नेकपा स्रोतले दिएको जानकारी अनुसार स्थायी समितिको बैठक मंसिर २९ गते बस्ने भएको छ। सोमबार पार्टी कार्यालय धुम्बाराहीमा बसेको नेकपा सचिवालय बैठकले स्थायी कमिटीको मिति तय गरेको प्रवक्ता नारायणकाजी श्रेष्ठले जानकारी दिए।

प्रचण्डको अध्यक्षताका सोमबार बसेको सचिवालय बैठकमा प्रधानमन्त्री केपी शर्मा ओली भने उपस्थित भएका थिएनन्। मंसिर ४ गते नेकपाले पार्टी सञ्चालनको कार्यकारी अधिकार प्रचण्डलाई दिने निर्णय गरेको थियो। कार्यकारी अधिकार पाएपछि बसेको दोस्रो सचिवालय बैठकमा प्रचण्डले स्थायी समितिको बैठक डाक्ने निर्णय गरेका हुन्। प्रधानमन्त्री तथा अध्यक्ष केपी शर्मा ओली र प्रचण्डबीच जिम्मेवारी बाँडफाँट नहुँदा नेकपाको एकता र सांगठनिक गतिविधिले तीव्रता पाएको थिएन।

यसअघि भदौ ९ गते पनि बैठक सञ्चालन लगायतको कार्यकारी अधिकार दिएर प्रधानमन्त्री एवं अध्यक्ष ओली स्वास्थ्य उपचारका लागि सिंगापुरमा गएका बेला प्रचण्डले सचिवालय बैठक डाकेका थिए। उनले त्यसबेला चार जना केन्द्रीय सदस्यलाई मनोनयन गर्नुका साथै केही नेताहरुको जिम्मेवारी फेरबदल गरेका थिए।

प्रतिक्रिया