आज : गते

ताजा शिर्षकहरु

चर्चित शिर्षकहरु

हङकङका प्रदर्शनकारीलाई समर्थन गर्ने विधेयकमा ट्रम्पले गरे हस्ताक्षर

प्रकाशित
1.8K
SHARES

काठमाडौं । अमेरिकी राष्ट्रपति डोनाल्ड ट्रम्पले हङ्कङमा प्रजातन्त्रको माग गर्दै आन्दोलन गरिरहेका प्रदर्शनकारीहरूलाई समर्थन गर्ने विधेयकमा हस्ताक्षर गरेका छन् । अमेरिकी काँग्रेसले पारित गरेको उक्त विधेयक अब कानुन बनेको छ । हङ्कङ प्रजातन्त्र तथा मानव अधिकार कानुनले हङ्कङले बाँकी चीनबाट पर्याप्त स्वायत्तता हासिल गरे नगरेको विषयमा वार्षिक समीक्षा गर्ने प्रस्ताव गरेको छ ।

राष्ट्रपति ट्रम्पले चिनियाँ राष्ट्रपति सी चिनफिङ, चीन र हङ्कङका जनताप्रति सम्मान व्यक्त गर्न आफूले नयाँ कानुनमा हस्ताक्षर गरेको बताए । तर चिनियाँ अधिकारीहरूले यसअघि नै अमेरिकालाई आफुहरुको आन्तरिक मामिलामा हस्तक्षेप नगर्न चेतावनी दिइसकेका छन् । राष्ट्रपति ट्रम्पले भने चीन र हङ्कङका नेता तथा प्रतिनिधिहरू आफ्ना मतभेदहरू शान्तिपूर्ण तरिकाले हल गरून् र सबैका लागि दीर्घकालीन शान्ति र समृद्धि हासिल होस् भनेर ती विधेयकहरू लागु गर्न लागिएको बताए ।

उक्त विधेयक गत जुन महिनामा हङ्कङमा प्रदर्शनहरू सुरु हुन लाग्दा अमेरिकी काँग्रेसमा प्रस्तुत गरिएको र गत महिना काँग्रेसबाट अत्यधिक बहुमतले पारित भएको थियो । विधेयकमा हङ्कङ चीनको भाग हो र त्यसको आफ्नै कानुनी र आर्थिक व्यवस्था छ भन्ने उल्लेख छ । त्यसैगरी वार्षिक समीक्षाले हङ्कङको कानुनमा निर्दिष्ट गरिए झैँ त्यहाँका नागरिकको स्वतन्त्रता र कानुनी शासनलाई चीनले चलाए नचलाएको भन्ने विषयको आँकलन गर्नेछ भन्ने लेखिएको छ ।

यसैबीच चीनले कार्बन उत्सर्जन नियन्त्रणका लागि सन् २०१८ को लक्ष्य पूरा गर्न आफु सफल भएको दाबी गरेको छ । कुल घरेलु उत्पादनको प्रति एकाइ कार्बन उत्सर्जन सन् २०१८ मा चार प्रतिशतले कटौति गर्न सफलता मिलेको चीनले जनाएको छ । चीनले सन् २०१८ का लागि ०.१ प्रतिशत कार्बन उत्सर्जन कटौति गर्ने लक्ष्य तय गरेको थियो ।

उसले ‘जलवायु परिवर्तनको सामना : चीनको नीति तथा कार्य सम्बन्धी २०१९ वार्षिक प्रतिवेदन’ लाई बुधबार सार्वजनिक गरेको हो । वातावरण उपमन्त्री चाउ यिङ् मिनले प्रतिवेदनबारे टिप्पणी गर्दै पत्रकार सम्मेलनमा सन् २०१८ देखि चीनको कार्बन उत्सर्जन न्यूनीकरण जारी राखिएको बताए । भविष्यमा हरितगृह ग्याँस निष्कासनलाई नियन्त्रण गर्दै जाने उनको भनाइ थियो ।

प्रतिक्रिया