आज : गते

ताजा शिर्षकहरु

चर्चित शिर्षकहरु

दर्जन मन्त्रीको घरमा आगजनी, प्रधानमन्त्री निवासमा गोली चल्यो, मन्त्रीलाई कारसहित तालमा हालियो

प्रकाशित
360
SHARES

काठमाडौं। श्रीलंकामा आर्थिक संकटबाट उत्पन्न असन्तुष्टिले अब गृहयुद्ध निम्त्याउन सक्छ। सोमबार विपक्षी दलको दबाबमा प्रधानमन्त्री महिन्दा राजापाक्षेले राजीनामा दिएका थिए। उनको राजीनामाबाट असन्तुष्ट समर्थकहरूले राजधानी कोलम्बोमा हिंसात्मक घटनाहरू गरेका थिए। त्यसपछि उनका विपक्षीहरु पनि आक्रोशित भए।

जब राजापाक्षेका समर्थकहरूले कोलम्बो छोड्ने प्रयास गरे। उनीहरुको सवारी साधनलाई विभिन्न स्थानमा निशाना बनाइएको थियो। अर्कोतर्फ, प्रदर्शनकारीले हम्बनटोटामा महिन्दा राजापाक्षेको पुर्ख्यौली घरमा आगजनी गरेका छन्।

त्यही क्रममा राजधानी कोलम्बोमा पूर्वमन्त्री जोन्सन फर्नान्डोलाई कारसहित तालमा फालिदिएको थियो। विपक्षी नेताहरुले महिन्दालाई पक्राउ गर्न माग गरेका छन्। महिन्दाले शान्तिपूर्ण प्रदर्शनकारीलाई उक्साएको र हिंसा भड्काएको उनीहरूको भनाइ छ।

यस हिंसामा ५ जनाको मृत्यु भएको छ भने २ सयभन्दा बढी घाइते भएका छन्। हालसम्म १२ जनाभन्दा बढी मन्त्रीको घर जलाइएको छ। समाचार एजेन्सी एएफपीका अनुसार सोमबार हजारौं प्रदर्शनकारीले प्रधानमन्त्रीको सरकारी निवास ‘टेम्पल ट्री’ को मुख्य गेट तोडेर यहाँ पार्क गरिएको ट्रकमा आगजनी गरेका छन्।

त्यसपछि निवासभित्र पनि गोली चलाइएको थियो। आन्दोलित भीडलाई नियन्त्रण गर्न प्रहरीले अश्रुग्यास प्रहार गर्नुका साथै हवाई फायर समेत गरेको थियो।श्रीलंकाको सन् १९९६ को विश्वकप विजेता टोलीका कप्तान अर्जुन रानातुङ्गाले प्रधानमन्त्री निवासमा भएको हिंसाको लागि श्रीलंका पोदुजाना पेरामुना पार्टीलाई दोष दिएका छन्।

रणतुङ्गाले भने, यो एसएलपीपी थियो जसले मानिसहरूको हिंसात्मक भीडलाई भेला गरेको थियो।अघिल्लो दिन श्रीलंकाका सांसद अमरकिर्थी अथुकोर्लाको पनि निधन भएको खबर बाहिर आएको थियो। रिपोर्टहरूका अनुसार अमरकीर्तिले प्रदर्शनकारीहरूमाथि गोली चलाए र पछि भीडबाट बच्न भवनमा लुके। यहीँबाट उनको शव भेटिएको हो। उनले आफैलाई गोली हानेर आत्महत्या गरे।

प्रतिक्रिया

आजको ट्रेन्डिङ