आज : गते

ताजा शिर्षकहरु

चर्चित शिर्षकहरु

युक्रेनमा सैन्य सहयोग लिएर गइरहेको अमेरिकी टोलीमाथि रूसको हवाइ आक्रमण

प्रकाशित
200
SHARES

काठमाडौं। रुस–युक्रेन युद्ध सुरू भएको अढाइ महिना हुन लागेको छ तर अहिलेसम्म दुवै पक्ष झुक्न तयार छैनन्। यसैबीच, रूसी राष्ट्रपति भ्लादिमिर पुटिनको सेना रिसले आगो भएको छ र युक्रेनलाई सहयोग गर्नेहरूलाई पनि निशाना बनाएको छ।

अमेरिकाले युक्रेनलाई दिँदै आएको सहयोगमा हवाई आक्रमण भइरहेको जानकारी आएको छ। तर, यो आक्रमण असफल भएको छ। पेन्टागनका प्रवक्ता जोन किर्बीले रुसी सेनाले पश्चिमी युक्रेनमा विद्युतीय सुविधा र यातायात केन्द्रहरू लगायतका महत्वपूर्ण पूर्वाधार” नष्ट गर्ने लक्ष्य राखेको बताए।

तर यो हवाई आक्रमण असफल भएको छ। रुसी रक्षामन्त्री सर्गेई शोइगुले यदि नेटोले युक्रेनलाई कुनै हतियार आपूर्ति गरेमा अब सिधै हतियार पठाइने सवारी साधनमा आक्रमण हुने बताएका छन्। रुसले यसअघि नै नेटोलाई चेतावनी दिएको थियो।

राष्ट्रपति भ्लादिमिर पुटिनले नेटोलाई यो युद्धबाट टाढा रहन सल्लाह दिएका छन्। ती सबै खतराका बीचमा अब रुसका रक्षामन्त्रीले फेरि नेटोलाई नै चेतावनी दिएका छन्। अहिले डेनमार्क, जर्मनी जस्ता देशहरूले युक्रेनलाई हतियार र अन्य आवश्यक स्रोतसाधन पठाइरहेका छन्।

रसियाविरुद्धको युद्धमा अमेरिका, बेलायतलगायत विश्वका सबै देशले युक्रेनलाई सहयोग गरिरहेका छन्। एक वरिष्ठ अमेरिकी अधिकारीले युक्रेनलाई रुसी सेनाको गतिविधिको बारेमा गुप्तचर जानकारी उपलब्ध गराएको दाबी गरेका छन्, जसले युक्रेनलाई रुसी जनरलहरूलाई लक्षित गरी मार्न मद्दत गरेको छ।

युक्रेनले युद्धमा १२ रुसी फ्रन्ट लाइन जनरल मारेको दाबी गरेको छ।यसैबीच, भ्लादिमिर पुटिनले केही दिनका लागि राष्ट्रपति पद छाड्न सक्ने खबरहरु आइरहेका छन् । यसबारे औपचारिक घोषणा भने भइसकेको छैन तर पुटिनको स्वास्थ्यलाई लिएर अड्कलबाजीको बजार तातो छ।

उनको स्थानमा सुरक्षा परिषद्का सचिव निकोलाई पात्रुशेभले यो जिम्मेवारी लिन सक्नेछन्।पुटिन निकोलाई पात्रुशेभलाई सबैभन्दा बढी विश्वास गर्छन्। भ्लादिमिर पुटिनले आफ्नो क्यान्सरको उपचार गराउनु पर्ने बताइएको छ।

यसका लागि उनको शल्यक्रिया गर्नुपर्नेछ। विदेशी मिडिया अनुसार, पात्रुशेभलाई पहिले नै यस बारे सबै कुरा भनिएको छ।

प्रतिक्रिया