एजेन्सी। रुसले मारिओपोलको अजोभस्टल स्टिल कारखानामा रहेका आफ्ना बाँकी सैनिकहरूलाई समाप्त पार्ने प्रयास गरिरहेको युक्रेनले बिहीबार बताएको छ। मस्कोका फौजहरू कारखानाभित्र प्रवेश गरेको किभका अन्तिम रक्षकहरूले बताएका छन्।

रूसी आक्रमणकारीहरूले एजोभस्टल क्षेत्रमा युक्रेनी एकाइहरूलाई अवरुद्ध गर्न र नष्ट गर्न खोजिरहेका छन्, किभको सेनाले एक विज्ञप्तिमा भनेको छ, कारखाना नियन्त्रणमा लिन रुसले पुनः आक्रमक कारबाही गरेको छ।

रुसले घोषणा गरेको युद्धविरामलाई घेरामा राखिएको प्लान्टमा सुरु हुन लागेको बेला यो बयान आएको हो, जहाँ सयौं युक्रेनी सैनिक र केही नागरिक हप्तादेखि फसेका छन्।

रुसी सेनाले घोषणा गरेको युद्ध विराम केही सातादेखि घेरा हालिएको कारखानामा लागू हुन केही समय बाँकी रहँदा सो विज्ञप्ति सार्वजनिक भएको हो। सो कारखानामा सयौँ युक्रेनी सेना र केही सर्वसाधारण हप्तौँसम्म त्यहाँ फसेका थिए।

मारिओपोलको रक्षाको नेतृत्व गर्दै आएका अजोभ बटालियनका कमाण्डरका अनुसार रुसी सैनिकहरू प्लान्टमा प्रवेश गरिसकेका छन् र त्यहाँ रक्तपातपूर्ण लडाइँ चलिरहेको छ।

त्यस्तै, अमेरिकी राष्ट्रपति जो बाइडेनले अमेरिकाले यूक्रेनका लागि गरेको सैन्य सहयोग प्रजातन्त्रको रक्षाका लागि भएको प्रतिक्रिया दिएका छन्।

रुससँग जुधिरहेको यूक्रेनका लागि अमेरिकी सैन्य सहयोग महत्वपूर्ण भएको भन्दै राष्ट्रपति बाइडेनले यसको श्रेय अमेरिकी हतियार निर्माण कम्पनीलाई जाने बताए।

पछिल्लो समय रुसी आक्रमणमा परी युक्रेनका २७ सर्वसाधारण मारिएका यूक्रेनी सञ्चारमाध्यमले जनाएका छन् । यूक्रेनको पूर्वी क्षेत्रमा रहेको डोनेट्स्क शहरमा भएको रुसी आक्रमणमा २७ जना मारिएका र दर्जनौं घाइते भएका अधिकारीले बताएका यूक्रेनी सञ्चारमाध्यमले जनाएका छन् ।

यूक्रेनका राष्ट्रपति भोलिदिमीर जेलेन्स्कीले मारियुपोलमा हालसम्म १५६ जनाको उद्धार गरेको जानकारी दिए । संयुक्त राष्ट्रसंघका महासचिव एन्टोनियो गुटेरेसले भने मारियुपोलमा फसेका बाँकी नागरिकलाई स्टील कारखानाबाट बाहिर निकाल्न थप प्रयास भइरहेको बताएका छन् ।

पोप फ्रान्सिसले रुस युक्रेन युद्धका विषयमा चिन्ता व्यक्त गर्दै युद्धविरामका लागि रुसी राष्ट्रपति भ्लादिमीर पुटिनलाई भेट्ने प्रस्ताव अघि सारेका छन्।