आज : गते

ताजा शिर्षकहरु

चर्चित शिर्षकहरु

काँग्रेसबाट निष्कासित जगन्नाथको चुनाव चिन्ह ‘भुइँकटहर’, रेणु दाहालसँग प्रतिस्पर्धा

प्रकाशित
688
SHARES

चितवन। भरतपुर मेयरका बागी उम्मेदवार जगन्नाथ पौडेलले चुनाव चिन्ह ‘भुइँकटहर’ पाएका छन्। यसै वैशाख ३० गते हुने स्थानीय तह निर्वाचनका लागि मुख्य निर्वाचन अधिकृतको कार्यालयले चुनाव चिन्ह वितरण गर्दा जगन्नाथले भुइँकटहर चुनाव चिन्ह पाएका हुन्।

गठबन्धनले माओवादी केन्द्रकी रेणु दाहाललाई पुनः मेयर बनाउने निर्णय गरेको थियो। तर काँग्रेसका जगन्नाथले बागीको रुपमा चुनावमा उठ्ने घोषणा गरेका थिए।

बागी उम्मेदवारलाई उम्मेदवारी फिर्ता लिन भने पनि उनले नमानेपछि हाल उनलाई पार्टीबाट निष्कासन गरिएको छ। काँग्रेसबाट निष्कासित उनले भुइँकटहर चुनाव चिन्हबाट चुनाव लड्ने भएका हुन्।

काठमाडौं महानगरपालिकाको मेयरमा स्वतन्त्र उम्मेदवारी दिएका चर्चित र्‍यापर तथा इन्जिनियर बालेन्द्र शाह बालेनले ‘लौरो’ चुनाव चिन्ह पाएका छन्।

शनिबार मुख्य निर्वाचन अधिकृतको कार्यालयले बालेनलाई चुनाव चिन्ह ‘लौरो’ प्रदान गरेको हो। लौरो चुनाव चिन्ह पाएसँगै बालेनले फेसबुकमा भनेका छन्,‘बा–आमालाई टेकाउन मिल्ने, भ्रस्टाचारी लाई सेकाउन मिल्ने।’

त्यस्तै,स्थानीय तह निर्वाचनका सम्बन्धमा आइपर्ने सुरक्षा चुनौतीका विषयमा आज गृह मन्त्रालयमा छलफल भएको छ।गृहमन्त्री बालकृष्ण खाणको अध्यक्षतामा भएको निर्वाचन सुरक्षा गोष्ठीमा आइपर्ने चुनौती र त्यसको समाधान गर्दै कसरी निर्वाचनलाई स्वच्छ, निष्पक्ष र धाँधलीरहित रुपमा सम्पन्न गर्ने भन्ने विषयमा छलफल भएको थियो।

गोष्ठीमा भर्चुअल रुपमा प्रदेशगत प्रस्तुतीकरण गरिएको थियो । प्रदेशगत प्रस्तुति सुनेपछि गृहमन्त्री खाणले निर्वाचन स्वच्छ, निष्पक्ष र धाँधलीरहित तरिकाले उपलब्ध प्राप्त स्रोतसाधनको उपयोग गरेर सम्पन्न गर्न निर्देशन दिनुभएको थियो।

गोष्ठीमा केन्द्र, प्रदेश र जिल्लाका सुरक्षा समितिका पदाधिकारी र सदस्यलाई निर्देशन दिँदै मन्त्री खाणले निर्वाचन स्वच्छ, निष्पक्ष र धाँधलीरहित रूपमा सम्पन्न गर्न सुरक्षा व्यवस्थामा कुनै कसुर बाँकी नराख्न आग्रह गर्नुभएको छ।

स्थानीय तह निर्वाचनका लागि भर्ना भएका म्यादी प्रहरीलाई आगामी दिनमा सुरक्षा निकायमा भर्ना हुँदा प्राथमिकतामा राख्न सुरक्षा निकायका प्रमुखलाई निर्देशन दिनुभयो। ‘निर्वाचनका लागि सरकारले एक लाख म्यादी प्रहरी भर्ना गरेको छ।

उहाँले सीमित स्रोतसाधन उपयोग गरेर अहिलेसम्म जिल्ला जिल्लामा भएको निर्वाचनको सुरक्षा सम्बन्धमा भएको तयारी प्रशंशायोग्य रहेको पनि बताउनुभयो।

गृहसचिव टेकनारायण पाण्डेले निर्वाचनको सुरक्षा र निष्पक्षता सरकारको मुख्य ध्यय भएकाले त्यसै अनुरुप काम गर्न निर्देशन दिनुभयो। सबै जिल्लाका प्रजिअ र सुरक्षा समितिका पदाधिकारीले सीमित स्रोतसाधनलाई उपयोग गरेर कुशलता प्रदान गरी उदाहरणयोग्य काम गर्ने अपेक्ष मन्त्रालयले राखेको गृह सचिव पाण्डेले बताउनुभयो।

गृह मन्त्रालयमा भएको गोष्ठीमा गृहसचिव टेकनारायण पाण्डे, नेपाली सेनाका रथी बालकृष्ण कार्की, नेपाल प्रहरीका महानिरीक्षक शैलेश थापा, सशस्त्र प्रहरी बलका महानिरीक्षक पुष्पराम केसी, राष्ट्रिय अनुसन्धान विभागका प्रमुख यदुलाल खरेललगायतको सहभागिता थियो।

बैठकमा भर्चुअल माध्यमबाट सबै जिल्ला सुरक्षा समितिका पदाधिकारी तथा प्रदेशका सुरक्षा निकायका प्रमुख सहभागिता थियो।

प्रतिक्रिया

आजको ट्रेन्डिङ